كل احد أعيش معه يكرهني ...

اذا شخصيتك هاديه وحساسه وكلامك قليل طبيعي تحسي هالشي بس زوجك اكيد في سبب المشاكل ممكن لانك حساسه او ماتضحكين كثير

ماادري وش اقولك لكن انتي راجعي نفسك
يمكن فيك طباع تنرفز وانتي تعتبرينها عادي
زي التدقيق في كل صغيرة وكبيرة
وفرض الراي او العصبية والا الشدة والصرامة
اقري كثير في اخلاق النبي عليه الصلاة والسلام وخليها قدوة لك حاولي تطبقينها على نفسك

يمكن من كثر ما انتي هاديه وكتومه يقولون انك مثلا غامضه ومن تحت لتحت. هدا تفكير الناس. محد سلم منهم. اتذكرت حكاية جحا وولده وحماره. الناس مايرضيها شي. ويمكن لانك من داخلك مو قويه و -انهزاميه - لذلك يوصلك هدا الشعور.

وعليكم السلام


كل هذا الكلام اللي كتبتيه انا شبه متأكده انه مجرد كلام داخل عقلك وتفكيرك
انتي اخترعتيه وضخمتيه وصدقتيه
بينما في الواقع هو غير موجود ، وكل هذول الناس يتصرفون معك مثل مايتصرفون مع كل الناس
لكن انتي لانك زرعتي هذي الفكره عن نفسك بداخلك انك مسكينه ومظلومه وبائسه ومكروهه صرتي كل تصرف او فعل او قول تفسرينه على هوى نفسك انه دليل قاطع على اللي تظنينه
صححي تفكيرك وغيري من هذي الافكار السلبيه اللي تحدثين بها نفسك الى افكار ايجابيه سعيده
وبعدين خير ياطير لما فلانه ماتحبك او تكرهك ؟
مو شرط ان كل الناس تحبك وتعشقك اهم شي يكون بينكم تعامل ناضج واحترام
اما لو بتجلسين تفسرين نظرة فلانه وملامح فلان بتدخلين في سوء الظن والإثم والظلم على الفاضي
لا انتي عشتي حياتك مثل كل الناس مرتاحه وسعيده
ولا انتي عتقتي الناس من سوء الظن والظلم

لا اله الا الله