كل اعراض الحمل عندي..تعالوا يابنات يمكن انتم تفهموني..

السلام عليكم ورحمة الله
بنات
جواي مشاعر متلخبطه ..حزنانه وبنفس الوقت اقول في نفسي يابنت (ولسوف يعطيك ربك فترضى) اتوكلي على ربك ..
بنات شوفوا
انا يطويلات العمر خلاص بكمل سنة زواج ومشتهيه الحمل زيي زي البنات وما في شي بعيد عن الله سبحانه
كل شهر اسوي تحليل بالحمام ههههه والله اصرف صرف وسبحان الله ادخل الحمام واناعارفه اني مو حامل بس اقول يمكن ..
بس هالشهر غير..
لي ثلاث اسابيع احس بغثيان واستفراغ وكنت اقول في نفسي اكيد اني مو حامل لكن من جواي اقول يارب حامل ..شعور متناقض
المهم جا وقت الدوره مانزلت تأخرت الحين لها ? ايام ..سويت امس تحليل بول مافي شي قلت لااكيد بالدم يبين
واروح اليوم اسوي دم قالي دكتور المختبر مافي ولا شي يدل عالحمل ..
طب الاعراض اللي فيني وشهي بالضبط ؟؟
غثيان واستفراغ وصدري متغير وبطني حسيته غير والخط البني اللي يقولوا عليه شفته..معقوله اوهام يابنات
قالي الدكتور اكيد عندك لخبطة بالهرمونات بس انا مسويه تحاليل مامداني وكلشي قالت لي سليم والدوره عندي ماتتلخبط
اذا تآخرت بالكثير يوم بالعكس عندي دايم مضبوطة..
يالله يابنات اني فيني صياااح وفيني حزن لاني احس بدخل بدوامة جديدة عرفتوا ..اكيد انتم فاهميني
اولا كملت سنه ..كنت ادعي ربي اني ماكمل سنه الاوانا حامل.. غير كذا الحين بسافر بعيد عن زوجي لاني معلمه وبروح مدينه مافيها ذاك الخدمات اللي اقدر اكشف فيها واحلل واشوف اش فيني بالضبط..مابي احوس بنفسي عندهم ..وغير هم البعد عن زوجي واهلي ..وهم اللي فيني من غثيان واستفراغ ماخف للحين من ايش جاني..معقول من لخبطة هرمونات ولا وهم ولا معدتي فيها بلى ..يالله اشياء كثير مسببة لي هم وحزن ..ادري ان الله كبير ومافي شي صعب
بس غصب علي ..
احس براسي مليون شي وشي.. كنت ناوية اسوي ريجيم اذا رحت للمدينه اللي اشتغل فيها وامشي اسوي رياضه وخايفه اسوي كذا يصير فيني حمل مابين (متأملة الاخت)
خايفه اروح اكشف عندهم وبعدين يلعبون فيني وبنفس الوقت اقول لو ماتلاحقت عمري بيمشي العمر (مع اني لسا صغيره بس سالفه تأخر الحمل مخوفتني)

تخيلو ا بنات من كثر مانا كنت اقول من هالغثيان اللي فيني اكيد حامل واتدلع على زوجي اقوله ماقدر امشي كثير هههههه وماخليته يجيني كثير لوول اخاف يصير للي في بطني شي.. وانا بالسوبر ماركت جالسه اتفرج عالشامبوات والكريمات شفت بالمرز وكريم التشققات والله بغيت اشتريه ادهن بطني فيه لوووووووول ماقلت لكم متأملة .. اشوا اني ماشريته عموما ..
وشرايكم بنات اصبر عالدورة لما تنزل براحتها ولا اشري علاج ينزلها ؟
يالله يارب انك ترزقني وخواتي الذرية الصالحه عاجلا غير اجل وتفرح قلوبنا يارب يارب يارب

لاتنسوني من ردودكم الحلوه المتفائلة زيكم يابنات..