كل الأبواب متسكره فوجهي والحمدلله

صباح الخير جميلات المنتدى
بنات من فتره ووضعي ما تغير والآن ازداد الوضع سوء والحمدلله على كل حال..
زوجي ياما نصحته للصلاه وانه ما يصرف راتبه اول باول وانه يعطينا حقنا من الطلعات والوناسه انا والعيال عالاقل مره فالشهر ولكنه ما تغير وحالته نفسها ما تغيرت..
ولدي فالمدرسه الأولاد يضربوه وكل يوم الصباح أعاني معه عشان يروح المدرسه وآخر شي يروح متاخره وبعد ما يخلص من الصراخ والبكاء وانه الأولاد يضربوه ياما كلمت الامهات وياما كلمت المعلمات وياما كلمته ان الي يضربك اضربه ولكن الوضع يزداد سوء مافي تطور لحد اليوم..
شغالتي تنسى الشغل او تتناساه الله اعلم، ما تغيرت من جات والآن بتكمل سنه وهي نفسها لا نظافه ولا شي.. ولما اعصب عليها اهلي وزوجي يعصبو علي عشان ما اكلمها.. حتى لو غلطت وما اشتغلت زين..
اهلي كل مره لازم يطلعو لي مشكله وهالفتره اختي تفتعل لي المشاكل.. انا اروح بيت اهلي لتغيير النفسيه وهم احيانا زي العسل وأحيانا الله اعلم بحالتي اقرب انجن بسببهم امي من جهه واختي من جهه واولادي من جهه هم وصراخهم وعنادهم..
وأبوهم مرتاح برع وما يريد يأخذ عياله..
احس نفسي قريب بنجن وأحس اني اريد البس عباتي واطلع عنهم بعيد..