كل الأخوات المتحجبات اللي يعيشون في لندن...ممكن تدخلون؟؟

السلام عليكم ورحمة الله وبركاته

أخواتي ودي أسألكم عن كيفية حجابكم في لندن..هل هي نفس طريقة حجابكم في بلدانكم وإلا تختلف...

المشكلة اللي عندي هي إن زوجي بحكم عمله لازم يسافر لندن ويعيش فيها لمدة 5 سنوات..وطبعاً راح ياخذني أنا والعيال معاه...وهذي أول مرة أسافر فيها لبلد أوروبي وما أعرف كيف بتصرف خصوصاً أنها غربه الله يعين...

أنا وحده متحجبة حجاب كامل (عباة راس وغفازات) ومب عارفه شو أسوي لما أروح لندن...زوجي يقول لي لازم تكشفين وجهج وحجابج هذا ما ينفع في لندن...خاصة بعد التفجيرات اللي صارت...صاروا متشددين ضد العرب وأنا ما أبغي مشاكل..وبعدين إحنا مسافرين لمدة 5 سنين يعني فترة طويلة..

والمشكلة إن زوجي أغلب الأوقات بيكون في شغله يعني بكون بروحي وأنا اللي لازم أدبر أموري وأمور عيالي هناك...وزوجي مخوفني منهم..ويقول لي لا تسويلي مشاكل بسبب حجابج يكفيني الغربة اللي بنتغربها ...

خبروني شو أسوي...ماأقدر أرفض أسافر لأن زوجي يبغيني معاه أنا والعيال وإن ما سافرنا معاه بيترك الشغل وإحنا ما لنا غير الله وهالراتب..وزوجي مش جامعي يعني ما في فرص عمل ثانية له..الجامعيين نصهم مب محصلين شغل وين زوجي بيلقى (مع إني والله ودي ما أسافر وأدعي ربي إنه ما يوفق سفري أنا وعيالي) ...همي حجابي ودراسة عيالي..وبعدين أنا ما أحب أحتك بالأجانب وايد...لا وفوق هذا كله بعيش في شقة وما أطلع منها إلا لضروره يعني بنسجن أنا وعيالي في مكان واحد...الله يعيني يا رب

شوروا عليّ شو أسوي...قولوا لي كيف الحياة هناك وكيف حجابكم هناك...

أنتظر ردودكم بفارغ الصبر لأن ما عندي وقت زوجي بيسافر الإسبوع الجاي وأنا بلحقه بعدين...