كل الاطباق اللي تنزلونها مو حلوة

لا تفهموني غلط:(
هذا مو رايي ....وانما راي اخواني
كل مرة ادخل المنتدى اشوف ما لذ وطاب ما شاء الله عليكم .....لكن الاحظ انها كلها من الاصناف اللي ما ياكلونها اخواني
اقول لكم اخواني ما ياكلون من السفرة الا سنبوسة وشكشوكة
لا وبعد كم يوم تبقى السنبوسة للسحور تحررج عليها اختي ...لانها اللي مسويتها


ما امدح نفسي اكلنا طعم ولذيذ بشهادة الجميع الا اخواني
اقول لكم اخواني ما ياكلون الاصناف التالية
عطوني حل ولا تطنشوني
سنبوسة خضار
سنبوسة جبن ممكن يجربونها مرة
المكرونة بجميع انواعها ابدا ما ياكلونها
الشوربة بس يشربونها اول يوم فقط
السبرنق رول ابدا ما ياكلونه
الفته بجميع انواعها
البيتزا
المرقوق
الاقماع
الجريش
الكباب
الشيشبرك
السلطة الخضراء ما ياكلونها لوكررتها
الايدامات بجميع انواع الخضار ما ياكلونها برمضان وممكن بغير رمضان ياكلون بعضها
محشي الكرنب ابدا ما ياكلونه
محشي ورق العنب ممكن يجربون وحدة والباقي ببطني انا واختي طبعا ما بضيع تعبي
القطايف
اللقيمات
التوست المحشي بدجاج ما ياكلها الا واحد وطبعا ما ينفع اطبخ عشان واحد
خليه النحل مرة وحدة ممكن ياكلونها برمضان او مرتين وبعدين تطيح بحلقي
الجلي اصلا ما نشتريه لانهم ابدا ما ياكلونه
الكريم كراميل
الكاسترد
خضار بالبشميل ابد ما ياكلونه
منتو
منتو كذاب ..اممممم لذيذ...لكن ما ياكلونه
مجدرة
مدردرة
موش كويتي

وووووو....والقائمة طويييلة يمكن ما تحضرني كلها الان
احترت كل ما ادخل المنتدى اشوف الناس وش يطبخون القى سفر تهبل لكن ما تنفع لاخواني

اخواني حتى الاكل اللي ياكلونه بغير رمضان ما ياكلونه برمضان الا مرة وحدة
واحيانا اطنش واطبخة واحطهم قدام الامر الواقع ...يبقى بالسفرة مثل ما هو ..وبدون تعليق

واحيانا اطبخة مرة وحدة ياكلونه وبعد اسبوع او اسبوعين اعيد اطبخة ما عاد ياكلونه
ايش اطبخ
نسيت اقول لكم
في يوم من الايام قلت خليني اطبخ اللي يحبونه ...قمت طبخت كبسة بلحمة طازة
قالو هذا ما ينحط عالفطور
انا ادري انه ما ينحط عالفطور بس لانهم ما ياكلون اي شي قلت احطها يمكن ياكلونها

في يوم سالتهم ايش تبغون
قالو مو مشكلة بيض وسنبوسة
حطينا بيض وسنبوسة
قالو وين الفطو العين تشتهي على الاقل نشوف حتى لو ما كلنا


اييييش اسوي تكفون لا تطنشووووني
والله اتكلم جد ما امزح:icon33::icon33::icon33::icon33: