كل الامهات اللي عندهم بزارين يجونهنا فضلا لا امرا

السلام عليكم ورحمة الله وبركاته
اليوم ولدي الصغير فيه زي الشرقه وقلبت وصارت كحه الزبده قلت بوديه للمستوصف قبل ماتزيد الكحه ويصير مايتهنا بالنوم المهم اقعد افكر وافكر واسال اللي حواليني وادقدق على خوياتي ابي احسن طبيب اطفال عندنا بشرق الرياض والاقي الكل ماعندهم سالفه قلت مالها الا حريمها بعالم حواء نجتمع وكل وحده تحط مافي جعبتها من اطباء كويسين بالرياض للاطفالواكيد كويسين مو نصابين يحبون يكثرون علاجات على غير سنع انا عموما مدحو لي دكتور اسمه محمد نجيب بمستوصف الريان بس الله يصلحه كشفيته بميه وعلى غير سنع تحسفت اني رحت عنده اقول وش فيه ولدي يقعد يخربط وانا اساله من وين تتوقع جته الشرقه يقول فيروس مدري من مكيف وهو ولدي اذا سدحته ونام بالليل يصير كان ماء يرجع ويشرق بعدين قلبت كحه المهم اني تحسفت ولا عاد اني طابه هالمستوصف مره قذر ولا فيه عمال نظافه وغالين على غير سنع
الزبده انه فيه دكتور كويس بمستوصف حي السلام اسمه محمد ابو العزم ابوي مرره يمدحه بس للاسف يوم رحت كانت مناوبته خلصت
والدكتور اللي احسن منه ايهاب بمستوصف الثميري مره ممتاز ولا هو راعي خرابيط وعلاجات على غير سنع وحبيب مره بمستوصف الثميري بس انا مارحت له علشانه بعيد علي بالروضه مو بعيد مره بس طريق خريص زحمه موت


اللي انا ابيه الحين كل وحده تكتب احسن طبيب اطفال تعرفه حتى لو بعيد او غالي اهم شي مره كويس
علشان كلنا نستفيد