كل الامور معطله تماما حياتي متوقفه

السلام عليكم اخواتي
هذي مشكله وحده من الاخوات وحابه تستشيركم فيها لعل وعسى احدكم حكيمه ربي يرشدها للحل او تفهم السبب
هذا نص الرساله
" السلام عليكم ورحمه الله اخواتي في منتديات عالم حواء
قبل سنوات طويله كانت اموري ماشيه ولله الحمد
درست وتخرجت ودخلت الجامعه وفي السنه الثانيه وكأني دخلت في نفق مظلم الى الآن
مشاكل هموم قله في الرزق والتوفيق ضيق تعب ارهاق يعني كنت كأني امشي في رمال متحركه
احرك رجولي بس مكانك سر ومرت المراحل بصعوبه يعني اللي الناس تاخذه في سنه اخذه بضعف الوقت في كل شي
وتخرجت من الجامعه وحاولت اتوظف ماتوفقت ابدا
انا الحمدلله شاطره وجاده في الشغل ومع هالشي مالقيت شي
وجميله جدا ومع هالشي ماتزوجت
وحتى لو باخذ دورات لغات او اي دوره تفيدني اعزز فيها السيره الذاتيه مافي فلوس ابدا
دخلت حافز وصارت لي طروف ونسيت التحديث وحذفوني لمده سنه كامله
وحافز ماله سنتين تقريبا مستحدث
وحالتي لها 13سنه من الصعوبه في كل شي
انا انسانه مؤمنه جدا ولله الحمد وعلاقتي بربي اهم شي عندي ومتوكله عليه ومفوضه امري له
لكن انا كبرت وللآن انا مكاني ماقدرت انجز اي شي اطلاقا كل شي معطل
احيانا اشك اني ميته ويتهيأ لي اني حيه مع البشر علشان كذا محد شايفني او يسمعني او يلاحظني
احس في شي غريب مقفل علي كل مفاتيح الحياه
الحمدلله على كل حال
مشورتكم اخواتي للي في حالتي وش تسوي
وشكرا لكم"


هذا نص الرساله اتمنى اخواتي الحكيمات تساعدونها ولو بالدعاء لها بالتوفيق