السلام عليكم ورحمة الله وبركاته
اولا وقبل ان ابدأ في صلب الموضوع احب ان اكرر شكري الجزيل الى الاخت
العزيزة بنت زايد على الجدول
تبغي عيالك يسمعون كلامك
بس عندي مشكلة مع هالجدول ... وبصراحة ما ادري المشكلة انا والا اولادي
صار لي ثلاث ايام وانا احاول اطبقه معاهم بس ما شجعهم ولا غير في شي
والسلبي الا فيهم بقى سلبي ( وانا كنت متوقعة ان البداية بتكون مشجعة وبعد
كم يوم بترجع حليمة لعادتها القديمة ) لكن البداية ما كانت بنتيجة مرضية
بالنسبة لي وحليمة مصرة على عاداتها القديمة
ما ادري وين المشكلة ؟؟ انا والا اولادي؟؟
هل هم صغار على تطبيق الجدول ؟؟ الولد 3.5 سنوات والبنت 4.9 سنوات
انتوا طبقتوا الجدول ؟؟ الا طبقته لو تكرمت تخبرنا النتيجة ؟؟
والا ما طبقته تقول توقعاتها عن الاخطاء الا يمكن انا سويتها ؟؟
لا تقولوا ان ثلاثة ايام قليلة ....... اذا كانت هذي البداية !!! شلون بعد اسبوع ؟؟
فكرة الجدول عجبتني ومو حابة اني استغني عنها ........... لكني يائسة منها مع اولادي
روعــــــــــة @roaa_5
عضوة فعالة
يلزم عليك تسجيل الدخول أولًا لكتابة تعليق.
ღزيـ أم ـادღ
•
اعتقد لسه صغار يعني 5 سنين يمكن يبدأ يستجيب للأشياء هذي احفظي الجدول عندك وبعدين حاولي مره ثانيه ومن طفل لطفل تختلف الاستجابه .
بصراحه انا ما شفت جدول بنت زايد .. بس انا من فتره باديه مع ولدي نظام الكور في الكاس .. كل ما يسوي شي زين يفوز بكره تنحط في الكاس و كل ما يحصل خمس كور ياخذ هديه .. في البدايه كانت متحمس .. لا و معصب يبغي يسوي اي شي عشان يكسب .. و اول ما فاز ، خلاص برد الحماس ، و الحين ما يهمه يفوز مره ثانيه او لا
ان اقول يمكن بعده صغير على ها الشي ، هو عمره ثلاث و نص .. قد ولدج .. و لا يمكن تعود على كثر الاشياء الي اييبلهم اياها كل يوم
الله يعلم .. و الله يعينا على تربيتهم
ان اقول يمكن بعده صغير على ها الشي ، هو عمره ثلاث و نص .. قد ولدج .. و لا يمكن تعود على كثر الاشياء الي اييبلهم اياها كل يوم
الله يعلم .. و الله يعينا على تربيتهم
الصفحة الأخيرة