الكوافيرة ورد في اي مشغل وياليت توصفين مكانه عشان زواجي بالصيف

اهلين حبيبتي...هو بشارع الثلاثين على يدك اليمين تقريبا مقابل بنده الثلاثين :26:

ورد مالها مشغل ...لها رقم تدقين عليه وهي ترد عليك وتاخذ موعد ووصف بيتك وتجيك في البيت انا صلحتني مكياج عادي 500 ريال وسمعت انه عروس 3000 بس

الله يوفقك ويعينك لكن ليش متاخره الله يهديك فستان الزفه والعزيمه المفروض اول شي تبديم فيهم لانهم ياخذون وقت طووويل هذا اذا لقيتي مشاغل تستقبل
اول شي رتبي امورك امسكي قلم وورقه وسوي جدول للحاجات اللي تبينها من 000الى000
اذا زواجك كبير فترتيبات الزواج 0000الخ
وبخصوص تجهيزك الخاص سوي جدول وكل اسبوع خلصي حاجه اول شي اشتري طقم الشنط الكبيره علشان كل ماخلصتي شي رتبتيهم فيها

حطي اسبوع للملابس الداخليه وماينتهي الاسبوع الا مخلصه كل شي ورتبي قمصان نومك حسب اول الايام والوان الاندويراشتريهم حسب الوان لبسك ولاتسين السنتيانات الخاصه للمناسبات 00الخ وحطيهم في شنطه خاصه

واسبوع للسبورات ولبس البيت

واسبوع للكاجول ويستحسن تكثرين لانه هو اللي تستهلهم العروس اكثر للعزايم المفاجاه والجمعات البسيطه والافضل يكون اول اسبوع لانه لو ماحصلتي شي جاهز تفصلين


فصليلك فستانين( او اكثر حسب عزايمكم اذا هي واجد ) سهره حلوات ومافيهم شي يحدد موضتهم بوقت معين علشان مايقدمون بعينك وتكرهينهم

خصصي اسبوع للعطورات والعود والمباخر والفواحات 000الخ

واسبوع للمكياج واغراضه واغراض التسريحه من احتاياجات الشعر( كلبسات وربطات االشعر والاستشوار00الخ

يوم لاغراض الحمام ومفارش السرير 000الخ

يوم للاكسسورات

يوم للشنط

يوم للجزم

يوم للمجوهرات

لكن اذا وقتك محدود صعبه بتطلعين للسوق كم مره مره لجزم ومره للشنط ومره للمكياج فاذا تقدرين ترتبين امورك بورقه وتصيرين تلفين السوق بالكامل وتشوفين محلاته باكمالها لكن والورقه بيدك علشان تعرفين احتياجاتك مو تشترين وبس يعني تدخلين محل شنط تشوفين وش الالوان اللى تحتاجينها تطلعين منه لمحل جزم تشوفين وش الجزم اللي تحتاجينها وهكذا 000الخ

واذا احتجتي شي معين حنا بالخدمه واعتبريني اختك الكبيره وانصحك تكثرين قرايه في عالم حواء وتعرفين امور خاصه يجب على المتزوجه تتبعها منها طرق حلوه للجسم وللنظافه الشخصيه والعنايه الداخليه 00الخ

وقبل كل شي ابدي من اليوم بالعنايه بجسمك وانصحك بعد كل شاور تدهنين جسمك بزيت جونسون وترشين جسمك شي بسيط بالمويه قد انك تخففينه وبعدها تتنشفين لو بديتي بهالطريقه من الان مايجي زواجك الا وجسمك زبده

وحاولى من الان تحطين اقنعه للبشره كل اربع خمس ايام مره بينفعك وماراح ياخذ من وقتك واعتني بشعرك لانه باول الزواج بيعذبك وبيفقد لمعانه وجماله من كثره التحمم والاستشوار




وبخصوص فستان زواجك مانعرف انتي من وين ؟؟هل من الرياض ؟؟ومانعرف امكانياتك يعني يمكن ادلك على مشغل تحسنه غالي وتطلع روحتك خساره لكن عندك اذا على خبري فيه مشغل الهنوف حلو خياطهم لكن فوق 30000 تقريبا حطي في بالك الزين عندهم هذا اذا هم على خبري قبل 8 سنوات وعندك كم مصمم بالرياض منهم زهير مراد الظاهر بالتحليه



واذا تبين تسالين بالتفصيل عن المحلات والاسواق وايش اللى بتحصلين في كل سوق بخدمك باللي اقدر عليه

حبيبتي اذا تبين شغل مو متكرر وما تشوفينه على أحد عندك أحمد بدوي
المصمم مقابل الفيصليه فساتين زواج وشغله من 5000 وفوق
عندك عقل فقيه شارع الملك عبد العزيز عند تقاطعه مع الأمير عبدالله
عماير السيركون عندك المخملي والخيلاء وسيركل اذا انتهى هم الفساتين الباقي كله جاهز
مجرد اختاري واشتري ولا تستخسرين على نفسك شي وأول دخله لك على أهل زوجك يقيمونك عليها
خلي لها شي مميز مو عادي والله يعينك الجهاز متعب .