مايسوى عليك ياشوق الورود عملوا من الموضوع قضية (ولاتزعلين صراحة موضوعك حلو ) واحنا يا الموظفات صج تعبانين ونتمنى نقعد في البيت مثل غيرنا بس أحنا خلاص تعودنا على العمل ولو انكون في اجازة نولهه للعمل لأنه مثل ماقالت الأخت أم خالد العمل أصبح أمانة (صراحة انا وايد عجبني كلام أم خالد جزاها ألف خير ) بس علينا بالتنظيم أنا عن نفسي أكتب في ورقة جدول لأعمالي اليومية اللي اريد أعملها حتى يكون عملي منظم ومرتب وأخلي كل عمل في وقت حتى لو كانت عندي زيارة اكتب في هذه الورقة وزوجي يكون يوم في الأسبوع مناوب فهذا اليوم للأعمال الثقيلة أما بالنسبة للطباخ فبعض الأحيان أجهز من الليل اذا كان مجبوس أعمل المرق فقط واذا رجعت احط عليه العيش واذا سمك بهرته من الليل واذا رجعت اقليه وهكذا .

ويعطيك العافية على الموضوع الحلو :24: :26:

اختي ليش ماتجيبي خادمه تساعدك علي شغل البيت:26: :26:

بتعرفي يا شوق الورود اني انا موظفه واعمل حتى الساعه السادسة مساءا من الساعه الثامنة صباحا اخرج من البيت واراجع الى البيت انا وزوجي لكن اللي مخفف علي انه ما في عندي اولاد احيانا اشعر بالملل لانه في اشياء مو قادرة اسويها بس بتعرفي شغله انه ساعات بلاحظ انه الموظفه انشط من ربة البيت خاصه في اعمال المنزل لانها بتكون حاسبه حساب العمل خارج المنزل فبتشتغل اول بأول اما ربة البيت ممكن تأجل اعمالها وكثير من الناس اللي بيدخلوا بيتي بيلاحظو انه من كثر ما هو نظيف كيف بقدر انظفه وانا في الدوام وكمان ما بهمل زوجي غير صدف لما بكون كثير كثير تعبانه وبطبخ بالليل وبعمل حلويات وانا جالسه حده وفي نفس الوقت ما في عندي شغاله

شو رايكم ؟؟؟؟؟؟

اف اف اف ..
الدنيا والعة هني !! بس ليش ؟؟؟
انا ما اشوف شوق الورود قالت شئ يزعل
و اذا على كلمة حاسدتكم عيني عينك فواضح انها تمزح و قريت موضوعها مرة و اثنين اريد افهم ليش البنات زعلانات ما عرفت !!
و الله انصدمت من الردود اول مرة اشوف عنف في المنتدى :22: <--- حلوة عنف هذي :23:


بصراحة شوق انا بعد ودي لو ارتاح و اقعد في البيت :27:
بس اخاف امٌل و احس ان الشغل يخلي الوحدة منفتحة اكثر و انشط
و بصراحة انا كنت دايما اقول خليني اشتغل احسن عشان الراتب
لان راتبي كبير الحمدالله
و كنت افكر اني مهما اعتمدت على زوجي في مصاريفي ما بقدر اخذ راحتي مثل لما يكون راتبي
لكن من يومين جتني فرصة و استغليتها في عمل تجاري
و صار عندي دخل ثابت من غير الراتب
يعني لو استقيل ما يهمني لكن تصدقين اني ما اتخيل اقعد في البيت ..
و من يومها صرت احس بنشاط اكبر لما اروح الدوام لاني عرفت ان اللي جابرني على الشغل مب الراتب
اما بخصوص كيف ارتب وقتي
فانااقوم اروح شغلي الساعة 7 و اخلص الساعة 3
ارجع اقعد شوي مع زوجي و ابني ناكل فواكه او شابورة مع الشاي
و بعدين اسوي الاكل في الضغط او اسخنه اذا كان جاهز من امس و الحلا جاهز قبل بيوم( مش كل يوم )
و ناكل الساعة 6:30 ( غداء و عشاء للحفاظ على الرشاقة ) و نحلي ..
بعدين زوجي يطلع على الساعة 8 تقريبا و انا اروح النادي اسوي رياضة و اتمشى و العب مع ابني
و الساعة 9:30 تقريبا ارجع البيت اسبح الصغيرون و ارضعه و ينام
و بعدين افضى لنفسي تكون الساعة تقريبا 10:30
اتسبح
واتعطر
و اتعدل لزوجي
و اقعد على النت لين يرجع زوجي ..
نسهر شوي مع بعض و انام الساعة 12:30 او 1 تقريبا ..

و بس

و اذا اريد اروح لاهلي او السوق الغي روحة النادي و استغل الوقت في مشاويري .. اه و على فكرة انا لما اطلع من شغلي انسى كل شي و اخلص شغلي كله في اوقات الدوام الرسمي و بعدها ستوب للشغل و هذا هو اللي مساعدني

و كمان حبيبتي اذا تشترين كتاب weekly women ... 30 minute meal من جرير وايد بيساعدك

يعني السالفة كلها في تنظيم الوقت
صحيح ان الامور تطلع من ايدي احيانا و تجيني حالات اريد اقعد اغمض عيوني و بس
و هني تفيدني الشغالة لكني ما اعتمد عليها ابدا في حياتي
و السبب الرئيسي لوجودها هو ابني تنتبه عليه و على اكله لما اكون في الدوام اما بعد الساعة 3 ما اشوفها تروح غرفة الكوي تكوي
و على فكرة انا اللي اغسل :) الله يخلي الغسالة و النشافة :)

بسم الله .. اتروعت يوم شفت ردي .. ثرني قرقورة و انا ماادري :D كاتبة جريدة مش رد :p