%%نورا%%

%%نورا%% @nora_19

عضوة فعالة

كل الخبيرات بتربية الاطفال يدخلون مشكلة بنتي

الأمومة والطفل

السلام عليكم ورحمة الله وبركاته
خواتي الفاضلات لم اجد مكان اطرح فيه مشكلتي الا هذا المكان وان شاء الله تتقبلون مشكلتي بكل رحابة صدر

وانا ولله الحمد والمنه تزوجت في سن 16 سنه وبعد زواجي ب3 شهور حملت وجبت بنتي الاول الله يحفضها واطفالكم امين
بعد ولادتي ب4 شهور حملت ببنتي الثانيه اللهم احفضهم من كل الشر جبت بنتي الثانيه وسار عمر اختها ذاك الوقت سنه وشهر طبعا حزنت كثير على بنتي الكبيره وقلت لازم اعوضها انها راح الدلع كثير عليها
فكان كل شئ اجيبه او اسويه كانت لها الاولويه فيه بحجة ان الصغيره باقي ماتفهم كبرو البنتين وعدو مرحلة السنتين والكبيره متعوده ان كل شئ لها الاولويه فيه الجلسه معاي اذا جبت هديتين لهم كانت هي الي تختار والصغيره تاخذ الي خلتها بعد كذا سارت الصغيره تفهم وانا احزن عليها ولما جيت اعدل الوضع رفضت رفض نهائي الكبيره سارت انانيه ماتحب اختها كثير تبغى تفرض سيطرتها عليها تقول لاختها في وجها انا ماحبك تحب بنات عماتها وخالاتها اكثر من اختها لدرجةو سار موقف انعصر قلبي على معاملتها مع اختها يمكن الموقف تافهه لكن بين لي انه من جد ماتحب اختها ولا تهتملها مو تتضاهر
كان معاها مجموعة حلويات وكنا في جمعه عند امي وزعت على كل الاطفال حلاو وبقي معاها وحده بس والي لسه ماخذو بنت اختي وبنتي الصغيره الي هيه اختها تتوقعون مين اعطت الحلاو ؟؟
عطتهت بنت خالتها وخلت اختها تبكي انا هنا حسيت من جد في مشكله ولازم احلها بس ماني عارفه من وين ابا معاها
الححين عمرها خمس سنوات واختها اربع سنوات الصغيره حبوبه وهاديه وحنونه والحمد لله مااواجه اي مشكله معاها
الكبيره معاملتها معاي حلوه وهاديه بس عبيطه تبغى كل حاجه لها تبغى تلعب بالالعاب لوحدها في البيت اقدر اسيطر عليها
بس يوم اخرج عند ناس اكره حياتي كل شوي ياتجيني تشتكي يايجي احد يشتكي منها وفوق كل هذا جبانه مررره تخاف
ماني عارفه كيف اتعامل معاها انا ضرب مااضربهم الا نادرا يمكن مره مرتين في السنه اذا مرررررررره نرفزوني ابغى اخليه تسير تحب اختها وتهتملها اتمنى تساعدوني انا بامس الحاجه لمساعدتكم
6
1K

يلزم عليك تسجيل الدخول أولًا لكتابة تعليق.

تسجيل دخول

( زينة )
( زينة )
انت عوديتها على هالشئ والطفل اذا تعود على شئ معين صعب يتركة انت حاولي بالتدريج شوي شوي والحين بناتك كبروا اصرو يفهمون الكلام لاتخلين في فروقات بينهم ابدااا

وربي يحفظهم ويخليهم
%%نورا%%
%%نورا%%
مشكوره اختي زينه على ردك وانا عارفه غلطي بس ماني عارفه كيف احل هالمشكله
%%نورا%%
%%نورا%%
وينكم ياخوات انا بامس الحاجه لمساعدتكم
القمورة أمورة
عزيزتي
المثل يقول ابنك على ما تربيه..
وبنتك الكبيره لسه تقدري تعوديها وتعيدي زرع اسس وترابط الأخوه فيها..
أول شيء حننيها على اختها ..وحزنيها عليها وخليها تحس انها جزء مهم وشخص مؤثر بشكل ايجابي في حياتها ..
ولأنها مميزة لانها الأولى في اخواتها .. فالكل ينظر لتصرفاتها باعجاب ويتبعوها على طول..
وانها القدوه اللي تحب تكون مثلها ..
وممكن انك تقري عليها قصص عن اهمية ترابط الاخوان والاخوات .. حتى لو تالفي قصص عن حيوانات يحبوها او شخصيات معروفه عندهم ..
وجيبي هدايه صغيرة .. وقولي للكبيرة ان الصغيرة حبت تجيب لها معاها هالأغراض ..
ومره ثانية اطلعي مع الكبيرة .. وذكريها وقولي لها اشرايك نرد الهدايا لاختك اللي تحبك وتذكرتك .. وقيسي على هالحركات وابتكري ..
وعلى طول امدحي بتصرفاتها الكويسه مع اختها وعززي فيها الايجابيات بهالسلوك ..
معليش هذا ردي بسرعه انشغلت واتمنى اكون افدتك..
ام رها
ام رها
الالعاب اشتري لهم مثل بعض علشان مايكون فيه اختيار-
المعاملة ممكن تتغير بان تقولي للكبيرة اذا رحنا لاحد انت المسؤلة عنها لان انتي اختها الكبيرة ومثل هالشيء يكون في البيت يعني مثلا قولي للكبيرة لما تفرش اسنانها ان اختها تشوفها علشان تعرف كيف تفرش اسنانها-يعني البداية زرع الثقة في نفسها وبعدين التدرج معها لمرحلة العطف على اختها الصغيرة -
العدل في التربية ثم العدل قبل ماابدى مثلا في اي امر لما يكون معي مجموعة شوكولاته اوزعها بينهم بالتساوي وقبل مااوزع ابين لهم انك تحبينهم زي بعض وعلشان كذا كل وحدة منكم معها نفس اللي مع الثانية -
دايم نبهي الكبيرة ان اختها بحاجة لها وانها ماتستغني عنها فلازم تساعدها وتلعب معها -
حاولي ان لعبهم يكون جماعي مثل التلوين والصلصال -
دايم خلي بينهم علاقة قوية مثل تبويس بعض واحتضانهم لبعض -واحرصي انهم مايزعلون من بعض-
واذا كانو عند احد والكبيرة بتوزع امريها امر انها تعطي اختها الصغيرة حتى لو رفضت اجبريها حتى الصغيرة ماتحقد عليها واذا نفذت امرك امدحيها عند العالم وانهم يحبون بعض ومن هالكلام وركزي ان المدح يكون للكبيرة خلها تنتفخ شوي-
والله يعينك ويقدرك على تربيتهم-