شوووق البحرين @shoook_albhryn
عضوة فعالة
كل الخلطات الي جربتها وحسيت اني استفدددت منهاااااااااااااا.. دخلي وشوفي ^_^
السلام عليكم
شلونكم بنات شخباركم
هاذي اول مره اكتب موضوع عن شي مجربته ممكن يفيد غيري.. راح احط كل الخلطات الي استفدت منها من المنتدى
انا قبل 3 اشهر جي بديت اهتم بزياده بشعري احاول اكثفه لانه طويل وخفيف ويتساقط من اغسله او امشطه
ومليت من شكله فحبيت اشوف لي حل وياه .. ماراح اطول اكثر ،،،،،،،،،،،،،،،،هاي الخلطات:
لتغزير الشعر: ((مرتين بالاسبوع.. انا كنت احط كل احد واربعا)) --->>> ماذكر من صاحبه الخلطه بس جزاها الله خير ^_^
4 أكواب ماء+ كوب ورق زعتر + راس ثوم ماكل + ليمونة(العصير بالقشر)
يوضع الجميع باناء على النار ويغلى غليتنا ثم يرفع ويترك ليبرد ثم يخلط بالخلاط-->> يتحول لسائل نصفيه وناخذ بس الماي -->> يحفظ بزجاجه في الثلاجة -->> تدلك به الفروة بقطنه(مقدار كوب) -->> يترك على الشعر لمده 3 ساعات ويغطى الرأس بكاب
بعدها اغسله بشامبو ((كنت استخدم صانصيلك ضد القشره))
منقوع الزعتر او منقوع المريميه: (( يستخدم كتونيك لمنع التساقط.. احطه بالايام الي مابي احط فيها شي))
اخذ ملعقه كبيرة من ورق الزعتر او المريميه وانقعه في كوب ماء مغلي واخليه ينقع 12 -->> بعدين نصفيه ونحفظ الماء بزجاجه بالثلاجه
احطه اي وقت ابي وماغسله من بعدها لليوم الثاني عادي مافيه ريحه
لنعومه الشعر:(( مره بالاسبوع.. احطها يوم احس شعري ناشف)) --->>> خلطه الاخت بائعه المسك جزاها الله خير ^_^
علبه زيت بارشووت كبيره + فنيالين محلب مطحون -->> اخليه ع الشعر اقل شي ساعتين يستحسن اطول مده ممكنه -->> اغسله اب شامبو
خلطه: علبه روب + م ك عسل او بس روب خالي او ممكن تضيفي الي تبينه(سدر- حبه سوده) بس المهم فيه روب ((مره بالاسبوع.. كنت احطها الاثنين)) -->> نغطي الشعر بعد
اغسله اب شامبو
خلطه حنا: ((مره بالاسبوع .. يوم الجمعه مثلا))
وكل مره اضافات مختلفه ( حلبه - محلب - حبه سودا - قهوة - رشاد - قرنفل - قشر رمان- سدر)
اغسل بعدها بماي وبلسم او حمام زيت بس بدون شامبو
---------------------------------------------
انا استخدمتهم قبل رمضان اب شهر .. وبعد رمضان((بعد شهرين)) حسيت بتغير اب شعري احس صار فيه حياه اكثر والشعره صارت امتن عن قبل.. يعني اختي تمت تقول شعرك كثر ((يوم تسشوره كل مره تقولي مافي شعر وهل مره تعبت تسشور خخخخخ))
كنت بنفس الوقت اخذ فيتامينات اسمهم Perfectail حق الشعر كبسولة بعد الغدا (( حسب ما مكتوب ع العلبه)) واستمريت عليهم طول الشهرين
ايه وبعد شي شعري صار اغمج قبل كان بني محمر من الحنه احسه صار بني غامج على اسود .. ومن فتره بس اكتشفت انه هل شي من المريميه ^_^
---------------------------------------------
---------------------------------------------
وفي العيد اخذت راحه اسبوع واحين من اسبوعين بديت هاذا البرنامج
اول اسبوع::
السبت: خلطه بائعه المسك او اي خلطه زيت ثانيه تكثف وتمنع التساقط (( انا مامسويه شي فاستخدمت هاي الي عندي ))
اغسله بشامبو ماخذته من الصيدليه ((سلسن الي علبته برتقالي))
الاحد والثلاثاء: م ك رشاد مطحون ينقع لمده ساعه في كوب ماي -->> يخلط بالخلاط ((يصير مثل الجل)) -->> يوضع ع الشعر لمده ساعه
الاربعاء: علبه روب + 2 م سدر + م ص خميره فوريه مذابه في نص كوب ماء دافي -->> نخليها ع الشعر 4 ساعات ونغطيه -->> اغسله بالشامبو الطبي
احط حمام زين نص ساعه -->> اشطفه اب ماي وخل تفاح -->> انشفه وادهن كريم بالمرز الاصفر ((شوي مو وايد)) -->> وابخه اب منقوع الزعتر
الجمعه: خلطه حنا وكل مره اضافات مختلفه ( حلبه - محلب - حبه سودا - قهوة - رشاد - قرنفل - قشر رمان)
انا اول مره حطيت:: 10 م حنا + 5 م سدر + 2 م خل تفاح + (مغلي حلبه ومحلب وقرنفل) + 2 م روب
كل مره نغير الاضافات او ع خلطه وحده بس
الاثنين والخميس: ايام راحه
اخذ فيتامينات زيت كبد السمك seven seas ((حبتين مرتين يومياً))
واستخدم سيروم لتقويه وانبات الشعر وازاله القشره (( اي نوع ))
الاسبوع الثاني::
نفس الاسبوع الاول ماعدا اني استبدلت خلطه الرشاد اب هاذي الخلطه:
حزمه جرجير + شويه ماي للخلط + شويه زيت براشوت -->> بالخلاط لين يصير عصير -->> اصفيه واخذ الماي بس -->> يحفظ بزجاجه بالثلاجه ((صارت لي كميه حق اكثر من 3 مرات )) -->> ادلك العصير مقدار نص كوب بقطنه ع الفروة واغطي الشعر -->> اتركه 3 ساعات
اغسله اب شامبو واحط روب بس لمده نص ساعه بعدين اغسله بماي بس.
الاسبوع الثالث نفس الاول والاسبوع الرابع نفس الثاني وهكذا لمده شهرين
ملاحظه: انا احين بالاسبوع الثاني القشره اختفت من راسي تقريبا مالها اثر والتساقط قل بشكل الحمدالله وان شاء الله بعد الشهرين يكون كثف اكثر وبعدين راح ابدا برنامج كله زيوت تكثيف وتطويل
والي يجرب اي شي ويفيد وياه يدعليلي الله يحقق الي في بالي ..وحق كل اخت صاحبه اي خلطه من الي كتبتهم
واي استفسار انا حاضره :27:
19
5K
يلزم عليك تسجيل الدخول أولًا لكتابة تعليق.
يارب انك تحقق لهـــا الي في باااالهـا..عاجلا غير اجـل.. وتوفقهـا لما تحب وترضاااه........ مشكووره أوي أوي حبيبتـي..يارب انك تحقق لهـــا الي في باااالهـا..عاجلا غير اجـل.. وتوفقهـا لما تحب...
نــ الريـاض ـــور
مشكوووره حبيبتي على مرورج .. وهاي ورده لج :26:
مشكوووره حبيبتي على مرورج .. وهاي ورده لج :26:
الصفحة الأخيرة
وتوفقهـا لما تحب وترضاااه........
مشكووره أوي أوي حبيبتـي..