كل الخوات كذا ؟

بنات مدري الأغلب مثلي ومثل اختي
ولا بس اللي عندنا
انا وحده تجيني اشياء من اختي واسكت واطنش
يعني مثلا تدخل زي لاتقولين لفلانه فجاه اتفاجا
انها رايحه تقولها الكلام
تجلس تسب قريبتي عندي مثلا
وفجاه احصلها معها بالطلعه من احسن شي
واللي يشوفها يقول هذي تعشقها
فجاه تقول لاتسوين كذا ترا الناس يتكلمو احصلها هي
تسوي نفس الشي اللي كانت تنقدني فيه
كنت اطنش اقول مايستاهل اتمشكل على
مواضيع كذا
فجاه امس قريبتي نفسها اللي اختي تسبها عندي
قالت لي انزلي عندنا بالبيت قلت والله اليوم تعبانه
خليها بكرا <قلت كذا واسكتت
فجاه
قريبتي امس دخلت علي خاص قالت يلا انتظرك وينك
واذا بتجي فلانه قولي لها
رحت قلت لاختي
بدت حركاتها قالت
ترا واضح ماودها امس بس انتي قلتي بجي بكرا !
انا انفجرت فيها قلت ماودك لاتروحين ماحد غاضبك
قالت طيب انا ماراح اروح
قلت انني اصلا كل شوي براي
مره قدامي تنقلبين عليهم
وقدامهم تبينهم قالت موب غصب كل يوم اطلع معهم
قلت من قالك اطلعي بس لاتصيرين متناقضه
قالت وش دخل التناقض <روحي بس ي عايرتني
بعيب فيني
جيت انا رديت لها وعايرتها بشي فيها
رحت امس لقريبتي وانبسطت وتخيلو طول الوقت
وهي معها ع الواتس ترسل لقريبتي شفتو
كيف التناقض؟؟
وصديقتي توريني المحادثه شي فضيع النفاق
وقريبتي تقول ليش ماجيتي تقول والله عندي اختبار
ولا كان ودي ومدري ايش
انا صراحه لايعه كبدي منها ماحب اللي كل شوي
بشخصيه وللأسف هذي شخصيه اختي
من يوم طلعت ع الدنيا لدرجه مالها صديقه
الروح بالروح كل ماتعرف وحده فتره سنه سنتين
وتتزاعل معها او فجاه تقول كرهتها!!
اقسم بالله كانها لها عدة شخصيات يعني تعرفون
مثلا اللي تقول وع ماحب المكان هذا
فجاه تبي تروح له !
تعرفون اللي كانت تنقد حركات
فجاه تصير تسويها !
تعرفون اللي ماتشوف عيبها
وتحس كل اللي تسويه صح ولا احد له دخل
لكن لما احد يسوي نفسها تنقده ولا تقول لاتسون
كذا ترا الكل له دخل اهلك لهم دخل طيب وانتي !!
والله مابي ابد اكرهها لكن حركتها مستفزه بشكل
من امس ماكلمها ولا تكلمني مع انها حاولت
تكلمني واتس وانا عندهم تسال عن الرقم السري
ومدري ايش عطيتها كلمه بس وسكرت الموضوع
وانا اعرفها هي زي البزر بتجي بعد شوي
تتكلم واحتك وتبي اعلمها ايش سوينا امس
للعلم هي موب نجسه
لكن شخصيتها تكرمون تبن يعني اتحدى احد يفهمها
يعني حتى واحنا امس متهاوشين كنا مخططين
على رحلة وهي بتسلفني وراحت حجزت لي حتى واحنا
مانكلم بعض
يعني اللي بوضح لكم
هي مافيها شر ولعانه
لكن اللي فيها شي بشخصيتها
هي نفسها مو عارفه وش تبي وطفافه
كل شوي تطف بشي ويومين
وتمل منه امي حتى تعبت من حركاتها
ومو صغيره ٢٣عمرها يعني مو مراهقه
تكفون بنات اللي زي نوعها وش احسن حل
قبل كنت اطنشها الحين للأسف صرت اتمشكل
معها وانا مابي توصل الأمور بيننا كذا
صرت آسفل فيها ولعلمها عيوبها