سلام بنات....

هلا والله بشيوخة..الحمد لله على سلامتك ياقلبي...

الله يشفي بنيتس وييسر امرتس...ويختارلتس اللي فيه الخير...

انت بس لاتكثرين الهواجيس...وتضيقين صدرتس...وانت مافي يدتس حيله...

اتكلي على ربتس...ومالتس الا الدعاا...ياعمري..


وبنتك ان شا الله ماعليها شر...الصفار امره سهل ان شا الله...

بس سوي لها رضعة نعناع مع سكر نبات طبيعي...ممتاااااااااااااااز للصفار..


اما الخياطة...اهم شي تتخذين كويس ولاتمشين على السيراميك البارد...وتكثرين من مرقة اللحم...مرررررررررررة كويسه...


وشوفي العشبه اللي قال جابر القحطاني.اسمها عباءة السيد....يمدحها مررررررة للتضويق...والبنات منزلين عنها موضوع هنا في المنتدى...


اهم شي نفسيتك..حاولي قد ماتقدرين تطنشين...خلي كل اهتمامك في نفسك وبس...انت محتاجة فترة نقاهه بعد الحمل والولادة...


الله ييسر امورك ويشرح صدرك...ويوفقك للي فيه الخير...

وانا معك وكل الكروشات والوالدات..ياااااااااااااااااااارب.

هلا .....رزة...

ساعة وانا احاول اقرا اسمك وماعرفت..

غشيته من عطورة...


انا ياعمري هذا حملي الثاني...

بالنسبه للعطر...اعطر ملابسي اللي باوديهم للمستشفى..والكلوتات..وسكر عليهم في الشنطة..وتبقى فيهم ريحة العطر...

ونقعي لك نتفة مرة...واذا ولدتي امسحي من مويتها..بس لايكون فيها قطع من المرة..امسحي من الميه بس على الفوطة والبسيها...وان شا الله مايجيك شمم..



اما اول ولادة....يازينها...رحت ادربي راسي..مادري وش الطبخة..

واذا نظام لمستشفى يسمح...خلي زوجك يدخل معك...بس بعض المستشفيات ماتسمح بمرافق..


التمر.ماقد جربته...مااقدر افيدك..


التقديم..الشوكولاته ناويه احط عيني على وحدة..زواذا ولدت اخذتها من المحل..زبس غالبا يجيني شوكولاته مغلفة..

حلا من الهدلق..الحلا المميز حلو عندهم...بس يبيلي ارتب له صينيه.

معجنات مانويت احط....تخرب عالفاضي.....


الموالح الملونه تلاقينها عند تمور الصالحيه ولافندر..

التمر...شوفي المحشي ومغلف عند تمور الصالحيه...


الصياني والتقديم توني ماسويت شي...مادري متى باتسنع


الاستقبال....طبعا بالمستشفى احسن...لاني ناويه اكتفي بتقديم القهوة بس في المستشفى...

لانهم مايطولون...وفيه ناس تدخل وناس تطلع...ماله داعي احوس عمري والاحقهم بالشاهي والعصير,,,


في المستشفى ماسويت شي..بس يكفي مفرش ناعم...واذا بيجيك اجناب ومو جايين في البيت ..ودي مفرش تقديم لبيبي اذا بتطلعينه لهم...والا خذي له مفرش تقديم عادي ونعوم..


ممكن تحطين هدايا المولود في المستشفى....اذا حابه..


المعجنات الملومه..مااعرفها...اعرف الموالح الملونه...تجي اشكال..الظاهر ان عجينتها هي عجينة البف باستري....مشكله بشكل اصابع او مجدلة...وملونه الوان فاقعة...تلاقينها عند تمور الصالحيه...



الجوهرة هذي تسوي معجنات وحلا قهوة بشكل وديكور حلو...



وسلاااااااااااااااااااااامتك....

هذا اللي عندي...

أول شئ ألف ,, ألف .. ألف مبرووووووووووك لشيوخة على البنوتة الحلوة ..
:icon28: :icon28:

تتربى في عز والدايها يارب .. والحمد لله على السلامة ..

والصفار حطيها ياقلبي في الشمس الصباح يعني ماتكون حااااارة وربي بيعافيها ويشفيها بإذن الله ..

__ والله يكتب لك الخيره __


....


(( أم النـــور & الدارين )) مشكوووورين حبايبي على الرد ..

(( مس هايدي )) مشكوووووورة يالغالية على الفكرة الحلوة ..

بس ماأدري بكم تكلفني ؟؟ الله يعيني على الدووووخة :09: <<< ماحد حدك خخخخخخخخخ

....



(( شرق الريــــاض ))

هلا وغلا بخووووويتي .. أنا آخر دورة جتني في 9 / 8 / 1427 هـ

وموعد ولادتي في 23 / 5 / 1428 هـ

ياحبي لك والله ...

يالله نشوووف عاد من تولد قبل ؟؟

أنتِ بأي مستشفى بتولدين ؟؟

عشااااان نتواعد هناك <<<< طلعة بر صارت خخخخخخخخخخخخ

الله يهون عليك وعلينا كلنا يارب .. ويرزقنا بالذرية الصالحة ..
:) :26: :)
...


(( أووووووف )) ياحبي لك والله .. وش أخبار أبو خشم بسم الله عليه ؟؟

تكفين لا تطلعين من البيت أبد ذا الأيام إلين مايزين الجو ويتعدل ؟؟

يقولون بيستمر 20 يــوم .. والله يستر ..

:( :(

....


(( عند اللآذان )) اللهم إني أسألك أن تزرق محبوبة الكل هون الطلق وحسن الخلق يارب العالمين

يارحمن يارحيم .. << والله إنّــا ندعي لك من كل قلوبنا ياحياتي ..



....

:26: أمنـــيــــة عمــري :26:

أهلين بنات
كيفكم والكروش
كل وحده تدربي كرشتها وترد علي تكفون


عباءة السيدة

وش طريقة استخدامها؟؟وهل لها اسم ثاني؟

وشكرا جزيلا أولا وأخيرا

اهلين بنات الرياض اخباركم
حبيت اخذ رايكم في شغله تكككككككككككككككككككفون لا تسفهوني
مين قد جربت الدكتوره ليلى ايليان في التخصصصي الطبي دقيت عليهم ابي لمياء قالو جدولها مليان مافيه قبل ثلاث شهور وانا بصير قد طلعت من النفاس المهم ودقيت على المشاري وحجزت الخميس عند سهيله استشاريه معروفه ومحتاره وين اروح لليلى والا سهيله هاه وشرليكم
والسلام