عطوره

شكلك متخفيه ما شفت إسمك في المتواجدات !!!أخبار الحموضه بشري والله ياهي

شابة على قلبي ؟



بنات فيموس ماأحد يدري عنها ؟؟....الله يطمنا عليها والله كل شوي أحدث أبغا أتطمن عليها مافيه خبر


أن شاء الله تكون بخير ..

هلا نبع أخبارك ياحلوووة

يبغالي امر الذواق اشوفه وجوي ودي امره واخلي صينيتي عنده بس إن شاء الله على دخولي التاسع ... .واحيانا اقول مااحط مع العصير شئ من يدخلون حلى في حلى ممكن ولا لأ


اليوم رحت لسيتي بلازا واخذت الكلوتات الاستخدام الواحد واخذت حقات الصدر واغراض نظافه للبيبي وسله عشان اجمع فيها الاغراض ........وتحسفت اني ماأخذت المروش حق البيبي والسرير

نبوووووووووووووعه


ياقلبي انتي وين اتخفى ؟؟


كان هالحمووووضه مخفيتني ؟؟ يمكن ليه لا ياقلبي

والله ابشرك انها مستمرررررررررررره

واليوم عند اهلي انواع الحلىىىىى اويدز منه من بعيد زمين اشم لو ريحته !!!!

ولا سلمت من الحموضه !!

وامس الدكتوره تقول وزنك ناقص انتبهي !!

قلت وين اكل معه والحموضه لاعبتن في ابوي خيري ياشيخه ......

الله ياجرنا بس ويهون علينا ياقلبي




بشري عساك خلصتي من تجهيزك يااااابعدي ؟؟

دانووو
هلا قلبي.....لا تزعلين يا عسل ترا والله الواحد ما يمديه يقرا الردود كلها ...
ابد يا قمر ...ترا انا زوجي نفس الطريقه ..والسواق سالفته سالفه (( يقول موب جاي لين تعرس اخته وهذاني ولدت وهو ما جا ... )) هههههههه .......... وزوجي ما يداني شي اسمه سوق (( والله اذا رحت ادربي راسي بلحيلي انا وعييلي واشوف الحريم متأبطين رجالهم اني اقرا عليهم لا انظلهم هههههههههههههههه))
المهم اني بغيت اصلح هالشغلات واهلي مثلك برضوا موب هنا ... و صرت احاول تكون الشغلات من اماكن متقاربه واحاول اذا بروح بجهه اخلص شغلي منها ..وابشرك الحمدلله تقديمي كان حليو وسويت كلش من صواني واواني فضيه معتقه الى هدايا المواليد .... وكله كان تمام التمام ولله الحمد ....
وانصحك
1- تكون المحلات اللي تبين تاخذين منها متقاربه
2- يكون زوجك رايق هذاك اليوم .... يعني بالعربي دلعيه هذاك اليوم ههههههههه
3- اذا بتروحين مشاوير للمستشفى او الدكتوره تحطين ببالك انك ممكن تمرين كذا محل
4- رتبي الامور في راسك وسوي ميزانيه لكل شي قبل لا تبدين وعقب ما تشوفين الشغلات ...

واي شي انا تحت امرك باللي اعرفه


بناات فيموس جاكم عنها علم................. الله يحفظها وييسر امورها


oOrZhOo
يا حبنيلك بس ,,,,,,,,,,,,, يختي انتي اللي اوجس لتس شي فيذا (( السبابه تؤشر على القلب )) .. يا بعد السديراويين كلهم انتي ......الله يهون عليتس وييسر امورتس ويرزقك هون الطلق وحسن الخلق ويرزقك الطفل السليم المعافى الكامل بلا زياده ولا نقصان ويبارك فيه ويقذف التوحيد في قلبه ويرزقك ووالده بره ويسخر لك رجيلك واهله ويسعدكم ويطفي عنكم عيون خلقه ...
السؤال الاول
جاوبته عطوره الدبه ام كرشه
السؤال الثاني
انا استخدمت للتمر صينيه كبيره وبداخلها صينيتين وسط وشفافه على فضي معتق ويشبهها ولكن بقاعده زي الشمعدان للمعجنات و للشعبيات ... والشوكولاته صينيه خشب مقسمه ..والسواريهات عندي من ايكيا شي كان كيوت اللي لونهم اخضر زيتي وفيه جهه للكوب
واحسن شي تستقبلين الناس في المستشفى كم يوم ... وبعدين ما راح يجون في البيت الا بعد اسبوعين تقريبا الا القرايب مره ...
وانا حطيت معظم الشغلات في المستشفى من لوحة الباب الى الهدايا ..
بس زدت في البيت اللي يبلش مثل العصاير والسواريهات ..
الملونه من الصالحيه
وش بعد ممممممممممم
ايه انتي سالتي عن الشمم
شوفي انقعي كسيره مره قد الحمص في قاروره مويه صحه واذا جاك الطلق وانتي رايحه اشربي منها ....ممتازه مره للشمم ...خصوصا ان الرحم يتسكر مع العطورات وممكن تتعسر الولاده لا سمح الله ...
وولادتي الاولى كنت خايفه .... وهذا طبيعي ,,,,,,,,,,,,, واذا انتي بكر وما عندك انخفاض بالضغط انصحك تاخذين ابرة الظهر اخذتها بولدي هذا وولدي اللي قبله وما شاء الله يالله لك الحمد زينه ..
وولادتي البكر ماحد دخل معي والثاني وهذا يدخل زوجي بس قبل الولاده الولاده اخليه يطلع ...

وانا تحت امرك يا بعدي ..



ام احلى بدر
خوذي كينج ازين على سرير المستشفى وعلشان تستخدمينه بعدين ...ابد ما يطلع توماتش ولا تيلي ماتش بيطلع احلى مفرش زي بدر بسم الله على قليبه ..


وسن
وش مطيرتس على بعيرتس ..... تو الناس يا حلوه


الصريحه1427
البنات ما يقصرون ...لان محاكيتس دجاجه بهالامور بعيد عنك ..



روووج احمر
يا حبيلك تكفين ........ الله يسلمك والله اني احبك ..وتسلمين عل المعلومه ...ابزهب الدريهمات اشوى انتس قليتي ولا كنت ناويه اطيرهن ههههههههه


شيوووووووووووووخه
هلا هلا هلا بشيخة السعوديه كلهاااااااااااااااااا ...... والله اني مغير ادعيلتس ..... ياحبيلك والله كنتس اختي او اقرب ...قلقت عليتس ويوم خلص اشتراك النت شلوطت رجلي (( شلوطت من شلوط اي حمس او قلّب على النار وتقال للشخص اذا ازعج غيره لينفذوا طلبه )) والله اني شلوطته الين اشترك ههههههههههههه...................... اقول وش قصة ذا الحلم هههههههههههه اللهم اجعله خير ....
وبالنسبه للخياطه ابد ياقلبي ترا الاهم من الخياطه الاكل السنع والنفسيه والتدفي وضم الرجول هذي تخيط الوحده لو الخياط موب مره ,,,, وانتي قولي خير يقوله الله ... وتو الناس ...واذا جا ذاك الوقت ارسليلي على الخاص
قولي آمين يا بعدي
الله يفرج همتس وهم كل ضعيف وييسر امورتس ويرضى عليتس ويرضيتس ويجعلتس من كل ضيق مخرجا ويهدي سرتس ويشرح صدرتس وينولتس اللي ببالتس ويخليلتس بنيتس ويحفظك واياها وزوجك واهلك ومن تحبين في لوح محفوظ ...


امنية عمري
هلا والله بالغلا .... يا حبيلك .... يختي وش اسوي طفشت من البيت وابو خشم وده يطلع يشم شوية هوا (( عاد انتبهوا اذا طلع يشم الهواء يمكن تصير كتمه بالرياض ....تخبرون مع حجم الخشم هههههههه))


النووري
يا خزياه اشوى اني شفت رد يا بعد حيي ...وانها عشبه .... انا احسب انها عبايه جديده طايحين فيها ...ههههههههههههههه <<<امحق كشخه


حلا
انا بصراحه يا قمر ما جربت الثنتين ....انا جربت سلمى بالحبيب وانصح فيها بقووووه ....بس اسمع كثير عن سهيله والله يقدم لتس اللي فيه الصالح ...


بسمة طفله
تصدقين يوم قريت ردتس على حلا .............. قلت حركات ذا الحمّل اخترعوا لهم عبايه ...ههههههههه....
بالنسبه للعصير يكفي مره ...اهم شي تكون الالوان مختلفه بس متناسبه مع بعض بالصينيه .. والعصير عندتس فرغلي يمدحونه ...انا صلحت عصير بايسكريم من عندي ...
وممكن تقدمين معاه غير السواريهات الكوكيز والسينامون رولز ومممممممممممم هذا اللي ببالي



جميع الحلوات
واخاف احط اسم وانسى اسم
ايه انتي وانتي وانتي ....... وهييييه انتي ياللي متكيه صحن الفطاير على كرشتس ...كلكم
لكم احلااااااااااااااااااااها تحيه

يوووووووووووووه
ياااااااااااااااااااخزياه يا طول ردي طولااااااااااااااه
وش ذا
الظاهر الدكتوره عقب ما طلعت الولد غلطت ونست رادو في بطني هههههههههههههه

نبوعه
هلا بالقمر كله يا حبيلك تكفين ...... قاعدة ارد انا ووجهي ومستغرقه بالسواليف هههههههههههه

عطوره
جربي تشربين حليب بارد على الريق وبشويش يعني جغمه جغمه (( لا تصيرين مطفوقه يالرجه ))
وخلي الوجبات كثيره وصغيره ..
واشربي زنجبيل بس لا تكثرين