سحر باوصفلك على حسب اللي اعرفه والبنات البلقين يفيدونك ان شاء الله السويلم وانتي رايحه للجنوب عن طريق الملك فهد بيجيك مفرق على اليمين اسمه فيصل بن تركي ارقي معه وامشي سيدا بتجيك اشاره لفي معها يسار وامشي سيدا بعدين بيجيك شارع السويلم على يدك اليمين اسالي اي احد بيقولك هذا هومعرووووف واول الشارع محلات العاب اطفال

شيخة .. وين أولد أنتظرك .. توني مصلحة لي يانسون وجالسه أشربه الحين لعل وعسى مع أني خااايفه موووت بس تعب ساعه ولا تعب كل يوم ... الا وش أخبار موعدك وش قالت لك سنيه ..

والله انكم قاهريني يالكشخه مافي اإلا شيخة القصمان هي الي ادخلت موضوعي او شجعتني والباقي بس يقزون او يطلعون :angry2:

محبوبه مارحت لسنيه انا اتابع عند لمياء السباعي بالمركز التخصصي وقالت لي اذا ماولدتي بنعطيك طلق صناعي عاد باخذ موعد عند سنيه هاالاسبوع واشوف لأنه قايله لي اذا ماولدتي تعالي بعد اسبوعين وعاد لازم اروح له واشوف وش تقول

أهلين بنات شلونكم شخباركم

شيخة يا عمري الله يهون عليك وعلى كل الكروشات بس أهم شي توصين احد يعلمنا ولا تقطعينا اذا ولدتي ان شاء الله وعلى فكرة حلاوة جوي لا تخافين عليها ترى ما تخرب لو تقعد شهر انا حلاوة عرسي اكلت منها بعد ما رجعت من شهر العسل كنها جديدة ما شاء الله

بقية البنوتات الله يعطيكم العافية والله سواليفكم تونس وتوسع الصدر خصوصا للي محبوسة في البيت وما عندها شي غير التسدح على السرير بس تراني ما ارد دايم من العجز الله يكفيكم شره والا كل يوم اصبح على الملف واشوف اخر الاخبار

على طاري الماروون جلاسيه ترى في محل جنب ماينا بشارع الثلاثين اسمه على ما اظن شوكولاته تراه صغير وتحقرينه بس الماروون حقهم مرة لذيذ وسعره حلو (ناسية كم ) بس هذا بشهادة منسقة حفلات اعرفها قالت لي عليه يوم كنا نجهز لزواج اختي

والله شهويتوني عليه بس اخاف اقول لابو الشباب ويفشلني يقول وش يطققني مشوار للثلاثين :(
الاسبوع اللي فات كان بيجيني لاني قاعدة عند اهلي وهو بالطريق اقول له ابي كوفي ودونات قال انا جايب حلا قهوة وابي قهوة عربية ولا لي خلق امر الدونات قلت له اجل لا تجي واصك السماعة من هنا واقعد اصيح من هنا :icon33:

وقلت ما تسوى علي وارسل السواق واجيب لي كوفي ودونات انا واختي

معليش حكيت لكم قصة حياتي

نجي لمدار الحديث اللي هو التجهيزات
انا الحمد لله ما سويت ولا شي لأنه طبعا لسه بدري بس ودي اذا ان شاء الله خلصت الثالث وقدرت اطلع من البيت اروح اشتري ملابس للحمل لأنه احس كل اشيائي ضاقت علي لأني خلقة سمنت بعد الزواج والحين حملت الحمد لله