حسااااسه :
بنااات الله يفرجها عليكم متى تجي الدوره بعد ابره التفجيير ؟؟ انا جتني في 13 عاادي ام لا ؟؟قبل يوم 14 الي دايما بسمع انه يحللو فيه ؟؟؟بنااات الله يفرجها عليكم متى تجي الدوره بعد ابره التفجيير ؟؟ انا جتني في 13 عاادي ام لا ؟؟قبل...
أختى حساسة الدورة بتنزل بعد 14 يوم من خروج البويضة يعنى الدورة مرتبطة بميعاد خروج البويضة و ليس بالأبرة هوضحلك أكتر اذا سيدة أخذت الأبرة ومفعولها بدأ و البويضة خرجت بعد 24 ساعة 24 ساعة + 14 يوم = 15 يوم .. يبقى الدورة تنزل بعد 15 يوم من الأبرة اذا سيدة أخذت الأبرة و البويضة خرجت بعد 36 ساعة 36 ساعة + 14 يوم = تقريبا 16 يوم .. يبقى الدورة تنزل بعد 16 يوم وهكذا علشان كده بتلاقى تضارب فى الأقوال بين السيدات وفى الواقع لا يوجد تضارب ولا حاجة كل الحكاية ان مفعول الأبرة بيشتغل بدرجة متفاوتة عندهم ( طبعا لما بقول الدورة مرتبطة بخروج البويضة ده مش معناه انه طالما فى دورة يبقى بالضرورة حصل تبويض .. لأ لأن الدورة ممكن تيجى عادى حتى مع غياب التبويض , لكن قصدى لما يحصل تبويض وتخرج البويضة يبقى لازم الدورة تنزل بعدها ب14 يوم ) أما نزول دورتك بعد 13 يوم فقط من الأبرة فأعتقد من وجه نظرى المتواضعة جدا :cool: واللى ممكن تحتمل الصواب أو الخطأ لأنى لست طبيبة .. أن البويضة خرجت أول ما أخذتى الأبرة أو حتى من قبل ما تأخذيها .. أو انها لم تخرج أصلا علشان كده يا بنات ياريت نعمل السونار اللى بيأكد خروج البويضة علشان نرتاح وان شاء الله يا أختى حساااسة تحملى الشهراللى جاى فى نونو زى القمرأختى حساسة الدورة بتنزل بعد 14 يوم من خروج البويضة يعنى الدورة مرتبطة بميعاد خروج البويضة و ليس...
وانتى لم تتأخرى ولا حاجة بالعكس انتى عملتى السونار فى الموعد التمام وواضح ان التبويض بيتم عندك متأخر وياريت لو مش تاخدى الأبرة و تشوفى البويضة هتخرج وحدها ولا لأ , و عموما لو كنتى أخذتيها متقلقيش هى ممكن تكبر و تخرج عادى بس يستحب ان الأبرة تتاخد و البويضة أصغر من كده علشان نقلل من احتمالات كبر البويضة و تحولها لكيس
ومكن نعرف أن البويضة خرجت بكذا طريقة .. طبعا أضمنهم السونار
وعن طريق شكل الأفرازات المهبلية ( بس بينى و بينك أنا شخصيا عمرى ما حاولت أعتمد على الطريقة ده )
و عن طريق تحليل البروجيستيرون فى اليوم ال 21 من الدورة ( اذا كان نسبتة كويسة يبقى كان فى بويضة و خرجت الحمد لله ) وده كلام الطبيبة بتاعتى
وأخيرا عن طريق ارتفاع طفيف فى درجة الحرارة , يعنى لوحسيتى انك صهدانة شوية يبقى البويضة خرجت باذن الله ( بشرط لا تكونى مريضة أو عندك انفلونزا ) أنا بحس بالحرارة بعد يوم التبويض لمدة يومين تقريبا
وربنا يكرمك و تبشرينا قريب