واخيرا خلصت قرائه الموضوع كله صفحه صفحه لما عينى ورمت هههههه اهلا بيكى يارورو واشكرك على موضوعك الرائع والله انا كنت محتاجاه جدا الفتره اللى فاتت وكتبت مواضيع كتيره منها لم اجد عليه الرد قبل ماكتبلك انا جارتك من اسكندريه وليا اهلى فى القاهره ندخل فى الموضوع بس الاول ربعى رجليكى كده وشمرى كمك وفنجلى عنيكى هههههههههههه طبعا انتى بتقولى هتضربنى دى ولا ايه هههههه المهم انا اخذت كلوميد بعد الاجهاض تقريبا خمس شهور وتركته وبعد شهرين ذهبت للدكتوره قلتلها انا حابه يكون فى حمل قالتلى اعمليلى تحليل البرجسترون فى اليوم ال22 وعملتو طلع 15 قالتلى النسبه مش حلوه خدى كلوميد يساعد معاكى قلت مااااااشى ناخد كلوميد اخدتو ورحتلها للاسف البويضه 16 ولم يحصل حمل اخدت من تانى كلوميد وطلعت البويضه فى اليوم التاسع حجمها 8 وقلنا تكبر فى اليوم ال12 نشوفها وكانت الصدمه انها لم تكبر8 زى ماهيا طبعا بكيت كتييير لانى كان تبويضى كويس لكن زوجى الله يسامحو هو اللى صمم انى اخذ الحبوب مع انى كنت رافضه وخايفه منها مش عارفه اعمل ايه وليه البويضات مبتكبرش عندى مع انى باخذ الكلوميد قرصين يوميا وبشرب بردقوش يوميا مرتين ويانسون فعلا انا حزينه على نفسى ومش عارفه كده حاسه انى مش هحمل بسهوله (الله يسامحك ياجوزى) معلش دوشتك وطولت عليكى يمكن طول النهار انا بهزر واضحك بس الموضوع ده مالينى حزن على نفسى بالنسبه للى هيقرو ردى ممكن حد يقولى ماهى اسباب صغر حجم البويضه مع انى باخد الكلوميد بانتظار الرد

أهلا بأهل اسكندرية وألف سلامة على عيونك الحلوين يا أم خادم الرسول
وفعلا الجلوس أمام الكمبيوتر بيوجع العين و الظهر وعلشان كده مش بقيت بدخل كتير
حتى موضوعى الجديد مش عارفة أكمله
http://forum.hawaaworld.com/showthread.php?t=1958435

... كل لما أجى أكتب فيه أحس انى عنيا هتوجعنى
أقوم سيباه و أقول هكمله بعدين ويدوب برد على موضوعى القديم ده

المهم نرجع لموضوعنا بصى يا ستى
أولا حللتى fsh و lh و tsh ولا لأ ؟؟ لأن والله أعلم كل ده حاجات بـتأثر على التبويض
فلو كنتى حللتيهم وطلعوا كويسين يبقى والله أعلم الموضوع نفسى
يمكن كرهك للكلوميد وخوفك منه هو اللى خلاكى ماتستفيديش منه و عموما طالما قرأتى الموضوع كاملا يبقى أكيد أخذتى بالك من موضوع العنب ... والله العنب خطير وانا جربته بنفسى ونفعنى بحول الله وقوته ...بس اظهار محدش جربه من البنات
ولو جربتيه الشهر القادم بعد التوكل على الله و الثقة فى أنه هيعالجك .. أن شاء الله هيحصلك تبويض ممتاز و ذاتى الشهر القادم
وابقى قولى رورو قالت
ولا تنسى الراحة و الهدوء النفسي بيلعبوا دور هام
هستناكى يا قمر تطمنينى الشهر الجاى وعيزاكى تيجى تقوليلى تبويضى بقى تمام

هيا التحاليل دى بتاعت اى اوليلى كده بالعربى انا مش فاهمه الرموز دى انا كل اللى عملتو بس تحليل البرجسترون وبالنسبه للعنب انا ناويه اجربو مش هخسر حاجه والاناناس كمان سمعت عنو وللعلم انا مش كارهه الكلوميد ولا حاجه انا نفسى احمل باى طريقه انا باخد الكلوميد ليه البويضه مبتكبرش هو ده السؤال اللى هيجننى لحد ماروح للدكتوره تقريبا يوم 24 او25 معاد السلعوه اللى هيا البريوت طبعا شكرا على ردك

بالنسبه للموضوع اللى مبتكمليهوش انا اول واحده رديتلك عليه وانا تقريبا بنفذو ومقتنعه بكل كلمه فيه وفعلا تاخير الحمل غير حياتى واللى اكتر من كده رغبتى فى انجاب ولد لانى عندى بنتين وزوجى بيقولى دى اخر فرصه لكى لكى تنجبى مش عاوز عيال كتيرفطبعا ملقيتش غير كلمه يارب ومينفعش اقولها وانا بعصاه ومن هنا غيرت حاجات كتير فى حياتى ربنا يجازيكى خير الموضوع كان فعلا حلو وربنا يرزقنا جميعا

أم خادم الرسول التحاليل ده مهمه جدا و المفروض الطبيبة كانت تطلبهم منك
وده رابط بيتكلم عن هرمون fsh و lh
http://arb3.maktoob.com/vb/arb84026/
وده رابط عن ال tsh
http://www.islamweb.net/ver2/istisharat/details2.php?reqid=269937

وده رابط عن الطرق المساعدة لأنجاب ذكر باذن الله
http://www.q4q5.com/vb/showthread.php?t=4046


وأنا بصراحة لم أجرب الأناناس وربنا يوفقك ويرزقك يارب

على فكرة موتنى من الضحك على تشبيه الدورة بالسلعوة