أختي الحبيبة السلام عليكم ورحمة الله وبركاته: الله يجزاكي بالخير يالغالية وإن شاء الله راح أطلب لك مخصوص كتالوجات عشان خاطر عيونك ولك إنتي بالذات مجانا ولا يهمك وما يصير خاطرك إلا طيب وأنا حاكلم الشركة بخصوص الكتلوجات ونشوف طريقة بحيث ما تتساوى العضوة اللي شغلها كويس وتعمل طلبيات مميزة من العضوة اللي أسمحولي ما عندها غير الكلام وبس والله يوفق الجميع ويرزقنا من خزانته الواسعة والله يحفظك

السلام عليكم ورحمة الله وبركاته

رد على الاخوات انامندوبه لكولايا وانا اشوف ان الاكسسوارات حلوه وشياكه

وكفايه انك تتميزين فيها وماهى موجوده باالسوق ولمعتها كانها احجار كريمه


وانا اقول هاالكلام عن تجربه والغالى قيمته فيه

الملاحظه الكبرى عدم ترجيع البضاعه سواء كان الاكسوار فيه خراب من الشركه نفسها اوكان الخاتم واسع واريد تبديله بضيق ما ذنبي انا اذا الزبونه رمت البضاعة في وجهي ولم تدفع الفلوس بسبب خراب بالبضاعه او ان الخاتم واسع والشركه اخذت فلوسها كا مله يعني انا اتحمل الخسارة
**الهدايا التي في الكتالوج شنطة اكسسوار ويش اسوي فيها ليه ما يكون الهديه طقم من اطقم الكتالوج
**الهدايا التي في كتالوج المكياج شنطه ومرايا ترى في رامز وش كثر منها ليه ما تكون الهديه عطر مثلا
اكرر الاسعار غاليه جدا :icon28: :icon28: :icon28: *

هلا اختي كاتي انا كنت مشتركة ووقفت لما مليت من انتظاري لشنطة العينات الي المفروض تكون مع الكاتلوج وكلام البنات كله صح حتى اني خسرت كثير لاني كنت اشتري لي واوري الحريم واكون ماني محتاجة للشراء انا اشتركت علشان اكسب مهوب اخسر وحتى فيه روج وصلني وكان مايع ورجعته لي وخليته عندي وحتى كريم الاساس خفيف جداً وغالي وحتى اخراج الكاتلوج ضعيف جداً
هذا مالدي والسلام ختام

السلام عليكم..
شكراً أختي كاتي لتجاوبك ويا ليت نصف القائدات بس يصيرون زيك وزي أخلاقك ونشاطك وإخلاصك ما شاء الله عليك.. فأنت بكل صدق مكسب للشركة.. والشركة صراحة جيدة ومنتجاتها واضح أنها جيدة وجميلة لكن النقد الذي نقوله هو فقط للتطوير بإذن الله ..

وخليني أقول لك الأشياء اللي المفروض الشركة تطبقها علشان تتطور:

1. تعطي كل مندوبة 4 كتالوجات على الأقل.. شدعوا؟ الكتالوج سعر طباعته ما يتعدى ريالين أو ثلاثة بالكثير (أنا فاهمة زييييييييين في شغلات المطابع) وحنا دافعين 100 ريال بدون ما نحصل على أي مقابل لا عينات ولا شي.. فعلى الأقل كتالوجات علشان نقدر نوري الزبونات..

2. تعطينا شنطة صغيرة زي اللي آفون تعطي مندوباتها فيها أصابع روج صغيرة لو بعدد 3 بس.. ومجموعة شدو صغيرة..

3. تسوي العروض بشكل يوافق كل الأهواء يعني ما أقول للعضوة لازم تشترين 550 ريال وبعدين أعطيك المنتج الفلاني بعينه.. لأ.. أقول لها خذي أي منتج "روج" مثلاً.. أو أي طقم استحمام تختارينه.. وهذه الطريقة تجذب الزبونات أكثر.. لأن الكثير يقولون ما نبي شنطة اكسسوارات ولا مراية.. فما يغريهم العرض.. لكن لما أقول لهم اختاروا أي روج أو أي طقم استحمام مثلاُ يكون أروع..
ويا ليت تكون هناك عروض أصغر.. خاصة أن الشركة في بداياتها.. مثلاُ اللي تشتري بمبلغ 100 ريال تحصل على هدية قميتها 10 ريال (مثلاً شامبو أو كريم قدم أو غيره)..

الشيء الهام هو أنه من الصعب جداً أن نقارن العطور بعطور قزاز فرق شاسع.. ولو على الأٌقل بالشهرة العالمية.. وأتمنى أن تنتج الشركة عطور أفضل وأكثر أنثوية.. وبعلب مميزة.. وأسعار مميزة.. لأن أسعار العطور صراحة تقارب أسعار عطور كريستيان ديور مع الفارق بين الإيطالي والفرنسي..

وفي النهاية الله يعطيك العافية.. ويوفقك.. صراحةأنا عاجزة عن شكرك وأرجو أن تعذريني فأنا بالفعل ودي أشتغل وأكون فعالة.. ومتحمسسة جداً.. لكن عدم وجود أي عينة يحرجني جداً أمام الآخرين خاصة أني أنسانة أحب الصدق وما أحب أتكلم عن شيء لما أكون شفته بنفسي..


إيوه صح.. سمعت من وحدة من المندوبات بالصدفة.. أن أول طلبية لازم تكون 270 ريال على الأقل.. هل هذا صحيح؟؟ وإذا لم يكن صحيحاً فما هو أقل مبلغ للشراء..؟

وهل من الممكن أن أكون تابعة لك يا أختي؟ لأني أرغب بذلك بصدق.. وشكككككككككككككككراً لك أختي الحبيبة..