كل اللي زعلو مني زمان بخصوص هذا الموضوع سامحوني الحين صدقت وابصم بالعشره

السلام عليكم اخواتي الحبيبات
قبل فتره فيه اخت في قسم البشره كتبت موضوع بعنوان لاخلطات التبييض ولا غيرها بتفرح زوجك اذا ماسويتي هذا الشي -- او موضوع مشابه
المهم
وفيه وحده في هذا القسم قسم التغذيه برضو كاتبه موضوع عن لهومات ومعرف ايش في فترة الدوره والنفاس
انا بصراحه ماكنت اصدق هذي الامور واعتبرها اجتهاد في التنظيف والترميم ولكن ماعمري صدقت انها ممكن تضيق المكان هذا اذا تعرض لولادات متكرره او اي امر آخر
الحين اصدق وابصم بالعشره وبعد دوره وحده مرت علي قبل اسبوعين تقريبا اج كيف لو اكمل باقي الدورات الجايه
والله اني ماسويت شي غير التالي
اهتميت بموضوع لبس الجوارب طوال فترة الدوره والابتعاد الكلي عن البراد والهواء البارد والمكيفات والمشي حافيه ولبس ملابس خفيفه
ابتعدت ايضا عن اي مشروب بارد وماكنت اشرب الا حار او دافي والمويه اشربها عاديه لاهي بارده ولا حاره ونادرا مااشرب مويه اصلا لأني كنت اشرب سوائل حاره
ابتعدت كليا عن الاستحمام في فترة الدوره وكنت محافظه على نظافة المكان واللبس
ابتعدت عن الحوامض وكل حاجه ذكروها وعن السلطات وماكنت اتناول غير التالي
خلطه سويتها بنفسي وهي عباره عن مزيج من شوية حلبه وفلفل اسود وكمون ورشاد وحبه سوده
وطحنتها وحطيتها بعلبه وحطيتها بالثلاجه وكل ماغليت ابريق حليب حطيت معاه ملعقه من الخلطه هذي وانشالله مااكون نسيت شي من المكونات
وهذي اشربها في اليوم مره وحده وطبعا الابريق كله اكمله
وبالليل احيانا واحيانا بالنهار اغلي في ركوة القهوه كم حبه قرفه مع كمون وكم حبه محلب علشان يطلع الغازات من الجسم وفعلا قرأت ان المحب يخلص الجسم من الغازات والهواء في المعده مو بس من الرحم
وماكنت اكل الا رز ولحم او اكل ثقيل زي ماقالو الاخوات وطبعا سويت هذا الشي علشان اجرب واعرف ايش النتيجه لفعل هذا كله
طبعا كنت اعرق وكنت اعطش ونفسي في بارد ونفسي في مكيف ونفسي اخلع الشراريب لكن قلت استحملي حتى تخلصين فترة الدوره هي كلها كم يوم
اتجنبت كل حاجه في فترة الدوره حتى زوجي ماشفته هذي الفتره
وكنت وانا قاعده اشوف التلفزيون بين فتره وفتره اسوي تمارين غيغل شد وقبض وارخاء المهبل والاحظ انه دم ينزل بكثافه عمري ماشهدتها في اي دوره مرت علي والله العظيم يااخوات
استمرت الدوره سته ايام غزيره غزاره ماقد لاحظتها ولا قد شفت هذا المنظر واحيانا تنزل قطع لحميه صغيره سوده اعزكم الله
وبعد السته ايام سويت خلطه مكونه من اللي قالوه الاخوات وهي عباره عن شوية محلب وملح خشن ومره وعسل صافي لكني ماسويتها تحاميل
لأني مااقدر انشفها ولا اقدر استخدمها بارده مره
لذلك كنت قبل النوم اخذ شويه واكورها واحطها وعلى طول البس الفوطه الصحيه وانام وفعلا تنزل سوايل بس مو كثيره لأني حسيت ان الرحم فضي تمام من اي شي فيه خلال السته ايام بطريقه عجيبه
لكني استمريت ثلاثه ايام على التحميله هذي وبعد ماخلصت واستحميت شعرت بشعور ماشعرت فيه لي فتره طويله من قبل الولاده الاخيره
والشي الاغرب واللي ربي يشهد علي فيه هو انه المكان ضاق بس بعد دوره وحده
وانشالله راح استمر على هذا الحال مع كل دوره من الاهتمام وهي كلها كم يوم نستحملها طالما الفائده كبيره يااخوات
وانا اشكر كل من نصحت في هذا المنتدى بهذا الامر
وربي يجعله في موازين حسناتها وانا اسفه لكل وحده زعلت مني او تضايقت من ردودي القديمه اللي كنت اسخر فيها من بعض المواضيع ولا اصدق انها تجيب نتيجه وكنت اشوف انه لافيه شي اسمه هوى في الرحم وهذا فعلا لأني عمري والحمدلله ماحسيت انه فيه هوى في رحمي ولكن شعرت بالتوسع بعد اخر ولاده وخايفه جدا من العمليه لأني لست بحاجه لتضييق واضح وانما لشي بسيط
وطالما ان الشي البسيط هذا اقدر اسويه وانا في بيتي وبأمور بسيطه كمان ليه لا؟؟ اسويها
وانتو جربو تتركو الاشياء البارده وتشربو الاعشاب هذي وتغطو نفسكم كويس وانشالله راح تحسو باللي احس فيه الآن
النتيجه يااخوات انه فعلا صار للجماع طعم آخر والله على مااقول شهيد وانا اصبحت استمتع اكثر من اول
جربو وماراح تندمو
على فكره انا ارى انه مو شرط ندخل التحميله جوه مره لأنها مع الاستلقاء راح تدخل المواد لما تسيح داخل الرحم من نفسها ولقيت انه اي بواقي دم حتى لو بعد يومين من انتهاء الدوره تخرج وتخرج معاها اي وسخ او اي بواقي للتحميله وتشوفيها واضحه بعينك