]السلام عليكم ورحمة الله وبركاته
أخيرا نجح معي تفريز الجبنية :icon28::icon28: وبطريقتين
لذلك حبيت أعرض لكم تجربتي لكن أولا أبعطيكم طريقة العجينة
المقادير :
بيضة واحدة
أربع ملاعق حليب بودرة
جبن شيدر تقطعين مكعبين بحجم البيضة الصغيرة
ملعقة صغيرة خميرة
نص ملعقة صغيرة باكينغ باودر
ذرة ملح
نص كاس ماء
ملعقتين كبيرة زيت
تخلط المقادير السابقة بالكأس الخلاط ثم تصيبينها على كاس ونص دقيق
ثم تعجني إذا حسيتي إنها تحتاج زيادة دقيق زيدي واعجنيها مضبوط
وتراها تبي تلصق بيدك عادي هالحين العجينة جاهزة
وهناك ثلاث طرق علشان تتصرفي بها
أولا : تخلينها عشر دقايق ترتاح أو ساعة عادي مايهم مدة التخمير ثم ترشي دقيق على سطح العمل وتفرديها
ثم تقصصيها وتقليها بالزيت وترشين عليها شيرة او عسل
ثانيا : تضعين مقدار العجين اللي تحتاجينه في كل مرة في كيس وفرزيه مباشرة
وإذا احتجتي لها طلعيها تذوب قبل بساعتين وبعدين افرديها وقصصيها واقليها
ثالثا : تسوين نفس الطريقة الاولى لكن بدل ماتحطيها بالزيت
تفرشين صينية بالبلاستيك وتصفين قطع الجبنية فيها وتحطينها
بالفريزر وإذا جمدت تحفظينها في علبة بلاستيك
وتحطينها بالفريزر وإذا بتستخدميها طلعي الكمية اللي
تحتاجينها وخليها عشر دقايق برا الفريزر ثم على طول اقليها
تطلع روعة وكانك توك عاجنتها وألف عافية على قلوبكم
ملاحظات : تقدرين تستبدلين الجبنة الشيدر بأي جبنة سائلة أو لبنة
بمقدار ثلاث ملاعق كبيرة وتراها باللبنة تطلع روعة وهشة ومقرمشة
وأي استفسار ياحبايب أنا جاهزة
يلزم عليك تسجيل الدخول أولًا لكتابة تعليق.
أم-عبدالله
•
تسلمين حبيبتي الله يجزاك خير
الصفحة الأخيرة