انا بكريه وفي السادس , 

وربي من يوم ماحملت وانا اقرا واتثقف ما ابي اولد وانا مو فاهمه شيء ! وهالشيء خفف علي لدرجة للآن متحمسه اولد وماعندي أي خوف (: 

واستفدت كثير من تجارب الحريم كثير كثير , 
اتوقع مابقي شي ما قريت واستفسرت عنه حتى النفاس و بعد النفاس و لحظة الولاده وقبل الولادة ، كل شيء , ل درجة سألت اذا ممكن الوحده تموت اثناء الولاده ومن ايش يكون الموت ! 

يعني ماخليت شيء وعن أمراض الأجنه وفي حالة الاجهاض وش اللي يجهض و اذا اجهضت وش اسوي , يعني تخيلت نفسي ب كل الوضعيات الحلوه والمره .. وشفت مقاطع ولاده طبيعيه و قيصريه ب التفصيل الممل , لمئات الحريم الظاهر هههههه ,  يعني مستعده أولد حوامل هههههه ..

بعضهم سهلوا الولاده وبعضهم صعبوها وهالشيء يختلف من وحده لـ وحده مانقدر نقول لا انتي تبالغين الولاده صعبه او لا انتي تبالغين الولاده سهله , لانو يختلف طبعاً 

بس خايفه من شي واحد هو اللي موترني , اني ما اتحمل الطلق او خروج الرآس , و اغمض مكاني .. 
لان اقوى الم حسيت فيه جرح بسيط من سكين أو حافة ورقه او ماشابه .. 
ماعمري تألمت من شيء ولله الحمد , ما اتخيل نفسي أتالم !؟؟ 
بعد ماحملت سارت الابره اللي هي حقت تحليل الدم هي اقوى الم بالنسبه ليّ .. !! 
يعني مرا ما تخيل اني اتألم لانو ممكن الوحده قلبها يوقف مع الألم , او يجيها نزيف أو جلطه .. 

ب اختصار اخاف ما اسيطر ع نفسي ويروح كل هالحماس ع الفاضي وأفطس (:

الموت زي مايقولون بعض الاخوات شافت الموت ؟؟؟
الولادة روح تطلع من روووح صعب توصفينها لان كل وحده ولادتها غير كلها تعب الا من رحم ربي وسهل عليه
فالي ماجربت الولادة ماتحكم وترد

اللهم لاسهل الا ماجعلته سهلا وانت ان شئت جعلت الحزن سهلا.

لابد من الالم في الولاده ويختلف من وحده لوحده ولو فعلا يشبه الموت ماشفتي الوحده جايبه سته سبعه لاتنسي بس وقت الولاده ان توكلك على الله هو اللي بيسرهاا مو تتعلقين بالدكتوره والممرضات وادعي لانه وقت استجابه دعاء ان شاء الله وكرري مثلا يالطيف يارحيم اسماء الله بدل الصراخ اللي يزيد تعبك وياخذ جهدك وكل ماجاك الالم صبري نفسك قولي خلااااص كلها كم ساعه واشوف ولدي والناس تبارك لي والله لها مفعول هالتحفيز يعطيك دافع تتحملي اخر شي صدقيني اذا خرج الطفل راح تحسي باحساس عمرك ماحسيتي مثله سعاده وراحه عجيبه احساس مااااااينوصف ووربي لانه جاء بعد تعب وراح ينسيك اي الم مريتي فيه واحتسبي الاجر والله ييسر للجميع يارب

😭😭😭😭