كان الله بعونك

شوفي أختي .. انتي سألتي كيف تشيلي الطاقة السلبية
الأول والأهم والأقوى .. الصبر والصمت .. سكوتك وعدم ردك الا بكلمة حاضر وان شاء لله وفالك طيب اول شيء يحجم غضبه ويقلله .. ومع الوقت يستحي من نفسه ويسكت .. طبعا أنا ما أطلب تمسحين شخصيتك وتصيرين عبدة او خادمة .. لكن اطلب منك الصبر وعدم الرد.. لو بنتك او ولدك ردوا عليكي وانتي غضبانة بيزيد غضبك فالأفضل الصمت ..
الشيء الثاني اللي عن خبرة اعطيكي اياه.. الأذكار.. ماهي تجربة جربتها .. لا هذا نظام حياتي.. الصبح والمسا الأذكار وانا في الصالة أو في السيارة أو على السجادة.. الاذكار.. اذكارك الصبح والمسا ووقت الأكل ووقت الشرب وحتى طلوع الدرج والنزول .. اذكار الخروج من البيت والدخول وذكر الحمام وذكر الوضوء .. كل الاذكار.. ما تتخيلين كيف تصنع هدوء نفسي واطمئنان وتعلي من طاقتك
الشيء الثالث .. لما دخلين بيتك وانتي جاية من برا .. سورة الاخلاص 3 مرات .. تطرد الفقر وتطرد الطاقة السلبية من البيت
حاولي غاليتي ما تشغلين التلفزيون على أغاني في الممكان اللي تقعدون فيه دايما .. واقري في المكان كل يوم التالي ( المعوذات 3 مرات/ الكرسي 3 مرات/ يس للآية 9 .. اقريها 7 مرات) .. باذن الله تشتت الطاقة السلبية وترفع معنويتك ..
يا بنات هذي موب عبادة ولا ادعوها ,, هذي مثل الرقية اللي ارتقيتها من القران وجربت تأثيرها القوي على زوجي وعلى أبوي الله يرحمه لما كان يغضب .. وابوي كان غضوب ويضرب لو عصب والحمد لله بهالرقية هدت الامور
فيه دعاء ردديه دايما وانتي تفكرين بزوجك ( اللهم اكفني غضبه بما شئت) .. ولو كان غضبان رددي ( اللهم اني اجعلك في نحرره واعوذ بك من شره)..


الشي الرابع عزيزتي .. النظاااااااااافة .. نظافة المكان وعيالك تقوي طاقتك الايجابية وتقهر السلبية .. وتخفف الغضب
الشيء الرابع : الريحة الطيبة .. احرصي حرص كامل على ريحة بيتك انها تكون طيبة .. بخور او مرشات أو عطر او فواحات .. المهم الريحة الطيبة الخفيفة .. وعطي كل ما يحيط بزوجك ( عيالك / فراشه/ سجادته.. انتي .. كل شيء )
الشيء الخامس تهوية البيت .. لازم يوميا تهوين البيت صبح ومسا .. الهواءء الجديد يجدد الطاقة
الشيء السادس : طيب الكلام والحديث .. امدحيه يا اختي .. امدحيه .. وانقلي له ان يمدحونه .. الرجال يحبون المديح .. قارنيه بحد وطلعيه افضل .. وابدي كلامك ( تدري.. يوم افكر بحالنا اقول الحمد لله ان ربي رزقني اياك.. انت تبارك الرحمن لك محبة لعيالك .. والحمد لله اني اشوفك اب مثالي.. تدري انا اتعلم منك.. تعرف يوم كنت تقول لي سوي جيه واللا عدلي .. انا كت على طول اسوي .. واعترف اني ما اضبط الامور مثل ما انت تحب .. أصلا انا احس ان نظرتك أعمق للامر من نظرتي )..
امدحي يا اختي .. بيحب مدحك وحديثك وبتلاقينه متلهف يجي ويسمع المدح ..
الشيء السابع .. انتي نفسك .. اهتمي بنفسك ونومي عيالك بدري .. حاولي ما ينامون الظهر ونوميهم بالليل بالكثير الساعة 8 .. وخذي لك شاور ودلعي نفسك ع الخفيف .. وتعطري وقعدي ع النت دوري في مقالات مفيدة .. نمي قراءتك وثقافتك .. واعطي نفسك ساعة .
الشيء الثامن .. اقترحي عليه مشوار 20 دقيقة مشي كل ليلة .. حتى لو مع عيالك .. والافضل بدونهم علشان لما تمشون مع بعض تتكلمون براحة بس انتظري على الاقتراح لحد ما تضبط امورك معاه
الشيء التاسع .. كل ليلة لما تنامون حطي ايدك على ايده واقري الاذكار وخليه يسمعك بصوت هامس .. هالحركة تخلي الرجال يهدى ويحس انك تحبينه وتحرصين عليه وياليت تشغلين من تيلفونك سورة البقرة بصوت خفيف وتنامون عليها ..
الشيء العاشر.. ادعي له اختي .. ادعي في غيابه وحضوره .. ودايما ادعي ربي يصلحه لج ويصلحج له .. صدقيني الدعاء له مفعوله ..


وفي الاخر .. ارجع اذكر باول نقطة الصبر والتعود .. عودي نفسك وبشوية صبر وشوفي ربي بيجعلك امنة مطمئنة ..

قلبو اهو ماقصر معك جاب شغاله وغساله يبغاك تتفرغين له امكن يشتكي لاصدقاءه ويقولون جب لهاويشوف انه جاب شغاله والضاهر ماتغيرشي وغير كذاكلامك الي زاد الطين بله والله مقهورة وفوق هذا دحين اقنع زوجي نسوي خياط تجميلي يقول احملي واولدي وسويها مرة وحدة


انتي المفروض تسوينه على حسابك لو تبعين شي من ذهبك وتحافظين على نفسك واشتري لعيالك اي باد البنت تشغلين لها قصص وحكايات واناشيد والولد اشياء يحبها اي كرتون واشياء مضحكه
واشتريلهم البيت الي فيه العاب كلها بلاستيكيه كور صغار القطن وكل شي ماله صوت يعني مو كوره حجريه وكذا واشتريلهم دفاتر وشنط وصبوره واخيرا ابقولك مافيه بيت خالي من المشاكل وربي يسعدكم ويوفقكم

هذا واحد يدور الزلة بايع يعني ولا اللي بيصير عادي جداً ومايسبب مشاكل

انا ما قهرني الا الردود اهملتيه و اهتمي فيه وانت جايبة عيال يعني هو يستمتع ويجيب عيال وانا الي اكل تبن عليه وع عياله؟ معليش لمتى بنصير عبيد ؟؟؟ لحظة حبيبتي إنت شكلك اعطيتيه وجه من بدايةزواجكم اكيد دلعتيه بزيادةوحسستيه انه سي السيد وانه ماحد مثله وانك خدامه له لكن ما اثمر فيه المعروف فعند اول موقف صار يبي يطلق ويعيش ملك زمانه بدون مسؤوليات ولا عيال؟ معليش حبيبتي اجلسي معه وقولي له هذولا عيالك مو عيالي اسمهم ينتهي باسمك مو باسمي اذا تبغى الطلاق ياقلبي خذ عيالك وانقلع محل ما تنقلع .. بعض الرجال ما ينفع معهم الدلع الزايد يصدق نفسه وينسى انه مسؤول عن عياله .. لاتهجمون علي ترى انتم سبب الطلاق والخيانات والمشاكل تعطونهم اكبر من حجمههم تعيشونهم برفاهية وتخلونه ينسى مسؤولياته بعدين تقولون ليه يتعرف او يطلق لانه يا ماما تعود ع عدم المسؤولية ..يبغى وحدة تلبسه جزمته وتأكله وهو نايم .. ع فكرة خدمة الزوج من باب حسسسن العششرة فقط يعني موو واجب .. اكله ولبسه وشربه شرعا هو مسؤول عنه
اذا ما نفع كلمي ابوه قولي انت الحكم انا ما غلطت باي شي وهذا هو عندك ما يبغى العيال ينجرحون او يتعورون ولا يتحركون مايبغى يشيل همهم ولا هم احد واخر شي يقول باطلق ع الطالعة والنازلة .. وشوفي انحرق دمي ع الموضضوع الله يعينك