انا عاملة قيصرى من 8 اشهر واول 6 اشهر كان الم العملية مازال موجود وكنت اشعر بالغرز الداخلية مع اى انحناء
اما عن شكل بطنى فهى معقولة جدا بالرغم من انى والدة مرتين ولكن الاولى طبيعى وبحاول اعمل تمارين البطن لاعود كالسابق ....:27: ..لم اربط بطنى فى الولادتين سمعت انة ضار بالرحم وربنا ياجرنا على تحملنا الالم:26:

انا ولدت قيصري قبل سنه واربع شهور .
والان اعاني من حكة على منطقة العملية احيانا تشتد واحيانا تهدى .
بس اهم شي امشي واسندي ظهرك علشان ماتتعبك.

انا ولدت قيصري من سنتين ..

أهم شي 6 شهور الأولى ماتشيلين شي ثقيل ولا تدفين شي برجلك وكثري المشي الصح موتمشين منحنيه..

عشان يلتئم الجرح بوضع صحيح ..

وطبيعي يكون الجرح متخدر لأن ما فيه أعصاب ..

وإذا كان جرحك مافيه أي مشاكل لا تقعدين تحوسين فيه وتنصحين في التنظيف..

لأن يمكن يهيج الجرح .. يعني إذا نظفتيه نظفيه بقطن فيه شوي مطهر وموية..

ونصيحتي لا تحوسين فيه..

وفيه بخاخ في الصيدليه تبخينه على الجرح وقت الإستحمام..

لأنه يكون طبقة على الجرح عشان ما يوصل له المويه لأن كل ما صار الجرح جاف كان أحسن..


والبخاخ استخدمته في فترة النفاس بس ..


ومن ناحية الحمل قالت لي الدكتورة عادي بس الأفضل إنك تجلسين سنه ماتحملين ..

وإختك في الله على طول حملت بعد 7 شهور لكن الحمد لله ولدت طبيعي..


أحس إني طولت عليك .. بس ما عليه ..


الله يخلي لك زياد ويصلحه ويكون عون لك على طاعته..

إختك .. غـــــادة ..

مشكورين بنات

انا جبت بنت والحمدلله وسبب الولاده القيصريه عدم انفتاح الرحم والطلق ضعيف

ودي اعرف وش اسباب عملياتكم القيصريه هذا اول طفل لي وكيف احاول اتفادي العمليه القيصريه مره ثانيه

مره ثانيه مشكورين

عندي سؤال مين اللي جربت العمليه بمستشفى التخصصي الطبي

انا كل بناتي جايبتهم قيصري واخرهم من سنتين

اهم شي تمشين قد ما تقدرين بس لا تضغطين على نفسك ولا تمشين مسافات طويله لفترات طويله
اهتمي بغذائك زين وخصوصا مصادر الحديد
تجنبي الامساك تراه مررررررررره شين على العمليه كلي خضروات وبقدونس واشربي مويه كثير
وتجنبي الصراخ والصوت العالي

عادي انك تحسين تنميل او ما تحسين بمكان الجرح وعادي برضه انك تحسين حكه في المنطقه .. الحكه علامه جيده ان الجرح بدأ يلتأم

اذا جيتي تطلعين او تنزلين الدرج بشويش عشان ما تضغطين على عضلات البطن كثير
لا تشيلين شي ثقيل لمدة ست شهور لأن الجرح الداخلي ما يلتأم قبل 6 شهور .. ولو تتجنبين الثقيل دايم احسن بعد

ممكن الحين تبدأين تلبسين مشد براحتك

وان ذكرت شي رجعت لك