كل اللي ينتظرون المقابله .. ادخلي راح تستفيدين ان شاء الله

بسم الله الرحمن الرحيم
بسم الله الذي لايضر مع اسمه شئ في الارض ولافي السماء وهوالسميع العليم
اعوذ بكلمات الله التامه من كل شيطان وهامه ومن كل عين لامه
اللهم لك الحمد حتى ترضى ولك الحمد اذا رضيت ولك الحمد بعد الرضا

اول شي يابنات كثرو من الاستغفار ولاتنسون تحصين انفسكم

بالنسبه للمقابله البنات اللي تاخرو عليهم ترى مالها شغل بالواسطه ولاالتقدير هم ينزلون الاسماء عشوائي انا من الدفعه الاولى وطابقت بشعبان وماسويت مقابله الا الاربعاء اللي فات .. وكان معاي بنات وقت المقابله وهم من الدفعه الرابعه يعني انتظري المقابله باي وقت السالفه عشوائي عشوائي ..

اهم شي يابنات اقرو بالنت وثقفو انفسكم تربويا لاني التركيز وقت المقابله بالنسبه لنا هو على الاسئله التربويه واللي تقيس الشخصيه يعني انا وقت المقابله فيه 2 وحده سالتني بالتخصص اسئله تافهه جدا وسطحيه ماتعمقت بالتخصص ابدا يعني انا اجتماعيات سالتني ماهي القارات اللي يمر بها خط الاستواء ؟ ماهو المدار الموجود في نصف الكره الشمالي ؟ من مؤسس الدوله السعوديه الاولى ؟ عددلي ملوك السعوديه منذ تاسسيها يعني اسئله سطحيه مع اني كنت طوالي شهر استرجع معلوماتي وذابحه عمري يوم شفت هالاسئله قلت لو ماذاكرت يمديني جاوبت ان شاء الله ؟ بس هذا مايعني انكم تهملون اسئله التخصص يمكن يختلف حسب المشرفه اذا هي تبي تدقق عليك ولا تبي اسئله سطحيه ؟ يعني استرجعو معلوماتكم .. وكمان سالتني ماهي استراتجيات التعليم الحديث ؟؟ > وركزو عليها هذي متكرره بكل مقابلات السنه هذي ؟ وانا اللي سمعته ان اللي على راس العمل وتثبيت لها اسئله خاصه يعني اللي تدرس الان يتعمقون بالاستراتيجيات هذي لانها جربتهم ودرستهم انا لاني ماني تثبيت ماتعمقت معي بس سالت وشي الاستراتيجات وجاوبتها وخلاص .

بعد ماسالتني الموجهه الاولى بالتخصص استلمتني الموجهه الثانيه وهنا الاهم

الاسئله التربويه واسئله الشخصيه ..

يعني تبي تشوف كيف ادارتك بالفصل انا اللي لاحضته انها ماتعمتد على الورقه من كلامي تجيب اسئله جديده انا راح اقولكم على اللي اتذكره من اسئلتها وانتم راح تفهمون قصدي ..

اول شي سالت هل ترين ان هناك اهميه للتحضير ؟؟

هل التعاون مع زميلاتك المدرسات مهم ولمادا ؟؟

من جوابي سالت انتي وين درستي قبل تعاقد ؟؟ وقلتلها المدراس قالت وش افضل بنظرك ؟؟ وليه ؟؟

وش نمط الادراه اللي تفضلين ؟؟ يعني ادراه متشدده ولا متساهله ؟؟

اثناء تدريسك موقف صعب مريتي فيه ؟

كيف تقضين وقت فراغك ؟ > قلتلها النت والقراءه > قالت عطني اسماء كتب تقرينها >> وشي المواقع اللي تدخلينها ؟

اخر معلومه اكتشفتيها ؟؟

هذا اللي اتذكره يعني بشكل عام تبي تشوف ردرودك وعقليتك كيف وقدرتك هل انتي تقدرين تمسكين فصل ولالا ؟

اهم شي خليك واثقه من نفسك وادخلي عليهم مبتسمه وواثقه بالله قبل اي شي ثم من نفسك حتى لو سالت سؤال ماعرفيته مو ترتبكين ويحمر وجهك لا ابتسمي وقولي مايحضرني الان اهم شي ماتوضحين انك خفتي ولا ارتبكتي واول ماتدخلين سلمي وصافحيهم باليد واذا خرجتي كذا بعد وقبل تدخلين قولي بقلبك دخلت عليكم ب لااله الا الله والجمتكم ب لاحول ولا قوة الا بالله اللهم اكفنيهم بما شئت لاحول ولا قوة الا بالله وتطمنو السالفه سهله جدا وماتخوف ابدا ..
انا حطيت الموضوع هذا لاني اعتبركم خواتي وابي افيدكم لوجه الله تعالى ودعواتكم لي انا متخرجه من 9 سنوات وسبق وتعينت مرتين واستبعدوني رغم ان تقديري ممتاز لكن ثقتي بالله كبيره هالسنه ان ربي يجبر بخاطري وربي يوفقني واياكم اجمعين ويرزق خواتنا جميعا بالتعيين تفائلو خير اللي ماجاها تصبر فرج الله قريب والسنين هذي سنين خير بفضل الله تعالى حتى اللي ماتعيين يمشي لها راتب ان شاء الله من حافز الله يطول بعمرابو متعب ويحفظ بلادنا والشكر لله قبل اي شئ هو اللي انعم علينا بهذه النعم والحمدلله رب العالمين والصلاه والسلام على خير المرسلين