كل المتزوجات ابيكم بكلمه/ تم نقاشه مرارا + لا يخص القسم

مراحب انا استغربه منكم يا المتزوجات ماترضون ان زوجك يتزوج عليك ودائم يدك على قلبك تخافين من ها الشي ولو يمزح معك في ها الموضوع انجنيتي وانا ما الومكم اكيد الجاره تحر حتى لو هي في القبر وامهات المومنين يغارن هذا ما فيه شك بس الي باط كبدي منكم انكم اذا شفتو رجال بيعدد مثلا صديق زوجك او اخوك او عمك او اين كان رحتي تخطبين له وتقولين من حقه له في الشرع اربع ولا فكرتي بزوجته المسكينه وايضا اشوفكم دائم تنصحوننا حنا العزابيات اننا نتزوج متزوج وندخل على ضره طيب ما فكرتو في الضره الي بندخل عليها طيب حطي نفسك مكانها وايضا زي ما انتي ما تبين ان احد يشاركك في زوجك انا ايضا العزبا ما اتحمل اتزوج متزوج واشوف الاولى تشاركني فيه انا عندي غيره زي ما انت عندك غيره انا عندي احساس زي ما انت عندك احساس لا تقولون لان الثانيه اهون من الاولى انا عندي كله واحد سواء ادخل على ضره او هي تدخل علي الغيره هي نفسها زي خالتي كبيره في السن في الخمسينات وزوجت عيالها وهي تغار على زوجها بشكل جنوني ودائم خايفه انه يتزوج عليها الي قهرني منها انها تحثنا يا البنات اننا نتزوج متزوج وتقول عادي يا بناتي وش فيها الشرع محلل له اربع وما ادري كيف قلت في نفسي الحين طيب ليه هي ماترضى ان احد يشاركها زوجها وهي اكبر مني بعشرين سنه وانا تنصحني اني ادخل على ضره ويكون احد يشاركني بزوجي وايضا ترضى ان زوج المسكينه يتزوج وتقول عادي من محقه يتزوج صراحه ووحده ثانيه عندها بنت متزوجه ونفس الحكايه تغار على زوجها ولو يطالع وحده في السوق انجنت ومره قالت انها قامت من النوم مفزوعه لانها حلمت ان زوجها متزوج واشوفها ها الايام جالسه تدور لصديق زوجها على عروس يبي يعدد تقول من حقه يمتع نفسه ووحده قالت لي في هذا المنتدى انا متزوجه وعندي عيال ولا ارضى ان اي احد يشاركني بزوجي حتى لو كان عادل لكن لو انا انصحك تتزوجين متزوج قلت لها ترى انا انسانه مثلي مثلك والزوجه الي ابدخل اشاركها بزوجها ايضا انسانه مثلها مثلك زي ما انتي ما ترضين بشريكه او ضره حنا كمان ما نرضى ير انا دائم اشوف زي ها النوعيات الي تبط الكبد وترفع الضغط ليه كذا يا المتزوجات لو انكم جاهلات ما تعلمتو كان اقول ما عليهم شرهه لكن الي يقهر انكم متعلمات قسم. بلله. اني. اذا شفت وحده زي ها النوعيه. ودي. اقتلها. قسم. بلله انكم قاهريني. بحركتكم هذي. للاسف الشديد. ثلاث ارباعكم او يمكن اكثركم سوال موجه لكم هل انت بعتقادك انك انت غير عن الحريم الاخريات يعني انت ما تتحملين الضره وغيرك يتحملها او هل انت ما تحسين بمشاعر الناس او هل زوجك حرام يتزوج والسبب لانك انت زوجته والرجال الثانين من حقهم يعددون او ماذا صراحه. شي يقهر