كل المتزوجات وصاحبات العقل الراجح >> أحتاج رأيكن ؟

أحلى_إماراتيه • 20 سنة

violet_roo7 :

اختي اذا انتي شايفه انه رجال تمام من ناحية الدين والعلم فلا تخسرينه عشان اخته قاعده وياكم بنفس البيت يعني انا اشوف بالعكس اللي مهتم باخته وحريص عليها بيكون حريص عليج بعد وسبحان الله تستوي بينج وبينها الفه ومحبه محد يعلم الغيب هذا شي الشي الثاني استخيري كثر ما تقدرين لان الخيره فيما اختاره الله والله يوفقج وييسر امورج دنيا وآخره

اختي اذا انتي شايفه انه رجال تمام من ناحية الدين والعلم فلا تخسرينه عشان اخته قاعده وياكم بنفس...

أمون الحنووون • 20 سنة

والله هذا واجب عليه وهذي أخته ولازم تتقبلين الوضع والا تتم مسكينه كل واحد يرميها على

الثاني ؟؟!!

وبعدين أنا مافهمت من شو خايفه ؟! يعني شو تسمعين عن طبايعها ؟؟

بس أنا من رايي تبدين حياتج صح

يعني خذي راحتج مع ريلج ولا تعتبرينها سبب ينغص على حياتكم والا يقيدكم

وحاولو يكون لكم قسم خاص في الشقه والا غرفتين مجابلين بعض

يعني غرفه للنوم والثانيه تخلينها صاله خاصه فيج إنتي وريلج

ولا تظهرين لريلج إن وجودها يعكر عليكم حياتكم وخصوصياتكم

وفي نفس الوقت راعي مشاعرها لأنج بتذكرينها بأيامها اللي راحت

عسى ربي يعوضها بزوج صالح يغنيها عن الناس يارب ...

وانتي بتكونين مأجوره وبتلاقين الخير في الدنيا قبل الآخره إن شاء الله ...

orkidia • 20 سنة

صراحة ما قرات اراء الاخوات يعني ممكن رايي مكرر
اذا هو كويس و ما ينعاب ليش لا (و ان شاء الله هي تكون ما حشورة )
استخيري الله اولا و اخرا
و ابداي باقرب وقت اذا قدرت مدي جسور للمحبة بينك و بين اخته
و الله ييسر امرك و ينور دربك حتى تعرفي تاخذي قرار

تحفة • 20 سنة

ليش ما تعيش في شقة قريبة من شقتكم ..
وهنا يكون اخوها قريب منها ... وانتي مرتاحة في بيتك لحالك

اسراء200 • 20 سنة

اذا تبين نصيحتي ....

حاولي على قد ماتقدرين تتجنبين ان سكنكم يصير مع بعض ... مهما كنتي فاهمه ومهما كانت هي طيبه ... الاحتكاك الا مايسوي شي في الخواطر ... من موقف كذا .. وكلمه كذا ..

وتقدرين تلمحين له هذا بطريقتك .. يعني تفهمينه انك مو رافضتها ولا تبينه يتخلى عنها ... بس هتك الخصوصيه .. يأثر في النفوس .. مهما كانت النفوس حلوه وطيبه ..
وعلشان تظل النفوس طيبه ... لازم نراعي هذا المقدار من الحدود والخصوصيه ..

حاولي تاخذين جانب الحيطه في امورك .. لان الحياه ماتحتمل دائما المغامره ...

وطبعا اتباع الاسلوب اللطيف والكلمه الطيبه .. راح يخدمك .