كل الناس تجاهلني ولا كأني موجوده ولا احد يوجه لي كلام (واذا...

السلام عليكم


كنت عند اهلي بالاجازه وملتمين كل اقاربنا .....
ناس ساكنين معنا وناس زيارات
اللي ساكنين عندنا كله ضحك علي وتريقه طبعا يكلمون بعض بس يضحكون علي
يحاولون يونسون انفسهم ويقضو وقتهم بالتريقه
انا بالبدايه مشيتها معهم واخذت معهم وعطيت وضحكت
حتى اولادي مايحبونهم ويقولوا يااختي لا تورينا اطفالك مانحبهم ويسبون اشكالهم وحركاتهم
بعدين زاد الوضع عن حده صرت ارد ووقفتهم عند حدهم
زعلو وصارو مايكلموني ابدااا بس يتساسرون بينهم
ولاكاني موجوده ويحاولو يتجاهلوني بكل الطرق


وصارو يطلعون من البيت ومعهم اهل البيت ولا يقولو لي
بعدها كرهت البيت وصرت انا بعد اطلع واطول برا واضيع الوقت
( تصرفاتهم تصرف مراهقات ...)
بعدها راحو الحمدلله
قبل يروحون بيوم تغيرت معي وحده منهم وصارت تسولف معي وتقرب لي ( ماادري حست بالذنب ولا صارت بينها وبين اهل البيت مشكله )
المهم
نسيت انا كل شي وتناسيت وصرت اسولف معها واضحك
وطلعنا نمشي بالحديقه
لما مشو ارسلت رساله مع السلامه يااطيب قلب❤️


( دااايم يرسلو لي الناس كذا .... يقولون انتي اطيب انسانه بالدنيا
يعني شهااااادة الكل ... طيب ليه المعامله السيئه والتطنيش والاحتقار ولا كاني موجوده
واحيانا استهزاء
!!!!!
ليييش طيب
وين الخلل
وش اسوي
تعببببت مااحد يعبرني ولا يسال عني ولا يعزمني
ولا حتى يوجه لي كلمه.
😔😔