كل الناس يتزوجون والكبرلله

هلاخواتي اخباركم بقولكم سالفة خالتي مع قريبتها وبنفس الوقت صديقة العمر وماجبت السالفه من باب السواليف لاوالله للعبره وعلشان مانتكبر....................
خالتي وبنت خالتها كانوا بعمر واحد وبنفس الصف وصديقات علاقتهم اشد من الخوات رزق الله بنت خالاتها وانخطبت وهي تدرس:arb:وعرفين شفاحة البنات ع :icon28:الزواج وافقت بدون تردد لاوبعد اتركت الدراسه اخذت رجل اعمال يعني مره الرجال تاجر بنت الخاله اللي هي العروس تغيرت مره على خالتي صارت ماتعرفها من الحقران يعني انا احسن منك تزوجت وانتي لا المشكله ان اعمارهن ذاك الوقت 17سنه يعني صغيره وخالتي كملت ادرستها وتخرجت وتعينت مدرسه رسمي ووصلت 25سنه :(وهي ماتزوجت وصديقة العمر ترمي عليها كلمات زي السم بكل مناسبه وجمعه عائليه ليتها اكتفت انه اقطعت علاقتها ونست الصداقه
المهم ومره كانوا بمناسبه كبيره وفي ناس كثيييير مره قامت خالتي تساعدهم بالتقديم وتصب القهوه وخالتي تدور على الحريم تصب قالت بنت خالتها المتخلفه ياعمري على مها كاشخه وتدور تصب القهوه تبي الناس تشوفه وتخطبه ودها تعرس لاوبعد كاشخه خالتي تقول من هول الصدمه مارديت عليها ولا كلمه كتمت كلامها بصدري وقلت الله يسامحها والله يابنات ان من بعدها خالتي انخطبت واخذت رجل احسن مليون مره من رجل بنت خالتها لامن ناحية العائله ولا الشكل والا الدين والاخلاق فرق كبيييييييير بينهم وكان زوج خالتي مدرس وعنده محلات نجاره عقار يعني مااكتفاء بالتدريس بس لا دخل بالتجاره وهي مره مبسوطه والحين معاها 6اطفال الله يحفظهم وبنت خالتها المتخلفه عيالها اكبار بنتها تزوجت بس تدرون وين زبده الموضوع
ان بنت الخاله اللي كانت متكبره خسر زوجها بتجارته وصار عليه ديون بالملايين واضطر يبيع البيت والمحلات علشان يقضي الديون والناس تطالبه بالفلوس وهي ماهي موظفه توهقوا اسكنوا ابيت شعبي مره قديم جاهم فقر غيرطبيعي وتعبت نفسية زوجها عقب العز والثراء فقر وجوع وتعب نفسيا وجته الامراض وصارت المشاكل بينهم كبيره تاصل لاطلاق لولا ستر الله ورحمته
اللحين اعمارهن 40سنه يعني كبار وخالتي تقول طق بابي برمضان وقالي ولدي ماما جت حرمه عند الباب تبغاك تدرون مين بنت خالتها صديقة العمر اللهم لاشماته جايه لخالتي تقول والله اننا محتاجين فلوس كان عندك صدقه او زكاة انا وعيالي وزوجي مانلقى العيشه وخالتي ماشاء الله مدرسه قديمه ورتبها حلو من غير تجاره زوجها فحالتهم المادي ممتازه تقول يوم شفتها عند بابي واقفه وتبغى مساعده واتذكر ذيك الايام اللي كانت ترمي علي من الكلام الجارح قلت سبحان مغير الاحوال صدق ان الله يمهل ولا يهمل وهي اكيد ناسيه لان الصافع ينسى لاكن المصفوع ماينسى ربي حدها يوم تكبرت وجابها تطلب فلوس عند بابي
انا والله ماقلت لكم سالفة خالتي مع بنت خالتها الا للعظه والعبره وعلشان مااحد يتكبر على الخلق وخير ياطير واذاتزوجتي كل الناس يتزوجون والكبرلله