كل الي تعاني من الاختناق والخفقان تدخل

ارقي نفسك وحافظي على اذكار الصباح والمساء
الله يشفيك ويشفي جميع مرضى المسلمين

اختي الكريمه اسال المولى ان يمدك بالصحه والعافيه وان يشفيك عاجلا غير اجل


بس لا فيتامين ولا شي علاجك القراااااااااااان والاذكار سوره البقره شغليها بالصاله يعم عالبيت كله يوميا تعودي على هالشي

شغليها بالجوال او بالمسجل صدقيني بترتاحين

ثانيا خلطه الرويس عباره عن زيت زيتون مقري فيه وحلتيت وحبه البركه ( الحبه السوداء ) وحطي منها وقت نومك على صدرك واسفل بطنك منطقه الارحام واستمري اذا تاثرتي معناته فاد معك هالزيت


والله الذي لااله الا هو اني كنت في بيتي اتخيل العقارب والحيات تتحرك قدامي والا رجال عجوز وقمت وحملت عاللابتوب الرقيه الشرعيه وسوره البقره كامله ومن افتح عيوني لين انام وهي شغاله وارتحت كثير

لاعلاج غير القران صدقيني

الله يمتعك بصحك يارب

الله يشفينا

الله يشفيك ويشفينا اجمعين



ابقولك عن نفسي


انا يجيني خفقان...جاني اول مرة يمكن من سنتين كم يوم واختفى....بعدها بفترة يمكن ثمانية شهور او عشرة شهور سويت عملية شفط دهون (كانو يمدحونها هنا بالمنتدى وحدة تقول سويتها وبعد ماطلعت من المستشفى رحت للسوق....قلت انا بنفسي اكيد بسيطة...وقالو لي انها بنج موضعي وعملية بسيطة جدا...هي مو صعبة بس فتحتين فيي اعلى الذراع الزنود,,وكان ظاهر العملية وشكلها بسيط وماتستدعي الخوف....بس انتكست وبغيت اموت عندهم ..حاسو الدورة الدموية عندي ..ومن بعدها صار الخفقان يوميا يجيني وكل شوي الطواريء واحس اني مودعه الدنيا وصرت اتعب من اقل مجهود...وحتى لو مااتحرك اصير تعبانة وقلبي يخفق خفق...

سوو لي تخطيط قلب قالو سليم....بعدها لمى جيتهم مرة ثانية تعبانة قالو بنسوي لك ايكو...بس خفت وماسويتة....معاد عندي قلب يتحمل.....


المهم..صار الخفقان والتعب يجيني بين فترة وفترة...يعني يجي فترة واقول خلاص ابموت ...وتستمر النوبة تقريبا مدة ساعة او ساعتين..وتكرر كم يوم...وتختفي يمكن اسابيع واشهر وترجع ثانية...المهم قالو لي يمكن من فيتامين دال...واصل عندي 6....وقدر الله وحملت ولله الحمد...وزاد الخفقان وصار يوميا وصار شديد..مع اي حركة اتعب..ومااقدر البس عباتي انكتم...والنفس ينقطع..اشوف الموت كل دقيقة..وتهاوشني الدكتورة تقول ليش تحملين وانتي تعبانة...انا مادري وش اللي فيني...بس اشك انة سحر او عين قوية..

المهم واولد واجيب ولد وافرح اواحمد الله اني خلصت ولادة بس جو وبلغوني ان ولدي مريض وفية القلب...واقعد اصيح صياااااااااااااح وجاني اكتئاب...وكنت لسى ماطلعت من اكتئاب بسبب حالة وفاة عندنا...اول ماتلقيت الخبر جتني فجعة ماقدرت اصيح مو مستوعبة...بس بعدها انهرت....حسيت اني انا السبب نقلت المرض لولدي...يعني انا قلبي يوجعني وولدي قلبة يوجعة...ياقلبية.......كانت الممرضة تقولي تعالي الدكتور يبغاك عشان حالة ولدك...رفضت..مارحت..مااقدر اسمع منة ..وانا توني والدة مالي اللا يوم واحد

ولمى كبر ولدي وكان عمرة تقريبا سبعة شهور اكتشفو ان في قلبة مشكلة ثانية في الشرايين ...انا هنا بغيت انجلط....بس الحمدلله رحمني ربي...يدخلون ولدي يسوون لقلبة اشاعاة انا مااقدر ادخل في غرفة الاشعة اقعد برى اصيح....وقلقانة...صلعت وصرت كثيرة الشرود والاكتئاب ...معاد استطعم الفرح....كل شي صار عندي عادي...سافرت في الاجازة وضغطت على زوجي عشان يسفرني انا وعيالي وهو رافض وانا اللي ضغطت قلت يمكن انسى همومي شوي وارتاح نفسيا...جتني ضيقة في السفر اصلا ماستانست....صار عادي كاني ماسفرت...اشوف الناس فرحانين وانا عندي عادي..ا

المهم بعد ماولدت ولدي راح الخفقان يمكن اربعة شهور وافرح قلت الحمدلله معاد جاني...بس الفرحة ماتمت..رجع ...وصار يروح ويرجع ويروح ويرجع...ثم معاد جاني ثانية وقلت الحمدلله إن شاءالله اني طبت وارتحت ومعاد يجي...واروح احظر زواج ...والله اني رجعت من الزواج وتوني داخلة ماقعدت اللا دقايق والخفقان رجع .وتكرر نفس الموال...وقلت يمكن اسافر واخف...اللي هي السفرة اللي قلت لكم عنها...اول اسبوع كان خفقان خفيف..بعدها راح...وفرحت بس الفرحة ماتمت رجع بأشد ضراسة...صارت هجمات قوية من الخفقان والام في الصدر ...واقوم من نومي انط زي المجنونة اقول ابمووت ابموووت ....وطبعا صار الخفقان والاختناق والكتمة يجيني يوميا تعرفون شلون يوميا ...وانا نايمة كل يوم...صرت اكرة النوم واخاف من عشان ماتجيني الحالة...حتى وانا مسافرة خفت اموت قدام عيالي وزوجي ويخافون...خصوصا عيالي صغار

تدرون اني مانمت إلى الحين..خايفة انام وتجيني الحالة....مانام اللا لين تطفى عيوني...



تكفون دعواتكم ان الله يشفيني ويشفي ولدي يارب وجميع مرضى المسلمين

انتي استمري على قراءة سورة البقرة والرقية

وسوي اشعة للقلب