جيجي1 :

السلام عليكم سجلت عشان ارد عليك انا قبل سنة شريت فيليبس من بنده طبعا لقيت ارخص منه مثل اللي انتي عارضتهم بس الفرق بينهم ان فيليبس قاعدة المضرب اللي فوق عملية اكثر وماتنكسر بسهولة ثاني شي السرعة فيليبس 350 وات قاعدتة تدور من نفسها مايحتاج تلفينها صناعته هنقاري بس والله ريحني الحمدالله ويجي معه مضرب للعجن هذا ما نفعني ابدا ابدا بالعكس لو تبين تخربين الخلاط اعجني فيه ما منه فايده لآنه ما يتحمل هو للخفق وخلط سوائل يعني للكيك اما العجن ثقيل فما راح يتحرك معك وبيتوقف صورته اخذتها من موقع ثاني بس هو نفسه بالضبط وهذا موقع اكسترا عارضينه بـ 219 وكينود بس ماجربتها فيه ارخص منه تقدرين تختارين اللي يعجبك ان كان متواجد على فكره اكتشفت انك ممكن تخفقين البيض بخلاط الكاس ونفس النتيجة ويتنفش البيض كأنه بالمضرب طبعا لو كان فيه روائح طبخ بالخلاط جربي حطي موية مع شوية بيكنج بودر واخلطيهم يزيل الريحة لو كان خلاطك يتحمل الخلط بتضيفين الدقيق وينخلط اما اذا خلاطك مايتحمل اخفقي البيض فيه وبعدين اضيفي السوائل وصبي الخليط بزبدية واضيفي الدقيق واخلطي بيدك دقيقه وخلصتي وان كان تبين طريقة كيك بخلاط الكاس علمتك وان ما رديت اعذريني لاني ادخل حسب ظروفي ادعولي الله يفرج همنا ويسعدنا ويتم علينا نعمه اللهم اغفر لجميع المسلمين والمسلمات والمؤمنين والمؤمنات الأحياء منهم والأموات

السلام عليكم سجلت عشان ارد عليك انا قبل سنة شريت فيليبس من بنده طبعا لقيت ارخص منه مثل اللي...