كل ام تدخل بقولكم قصه تنتبهو لهااا ♥️♥️

بقولكم قصة وحده من بنات خالاتي تشتغل بمصحه نفسيه وذاك اليوم تسولف لنا عن المواقف اللي تواجهها والله ي بنات شي يشيب الراس اتكلم لكم عن الاطفال استوعبت ان احنا بعد الجوالات والاشياء ذي فعلاً غافلين عن اطفالنا طبعاً مو الكل ( البعض ) او الأغلب كل ما الطفل صاح ولا بكا راحت اعطته الجوال اهم شي يسكت ولا كل ما حبت تسولف او تطق حنك وتروق عطت طفلها الجوال وانا ضد ذا الشي المهم القصه تقول جتهم ذاك اليوم وحده معاها بنتها طبعاً بنتها خامس ابتدائي يعني عمرها ١١ تقول كم مره اكشف بنتي معاها سكين وحاطه السكين ورا ظهرها واخر مره مسكتها وقالت لها وش عندك بالسكين قالت بذبحك انتي واخوي اخوها عمره شهرين ! حاولت تتكلم معاها البنت ماعطتها اجابه بعدها جابتها المصحه وقالت بعرف بنتي وش فيها لما تكلم معاها الطبيب البنت اعترفت وقالت ذي لعبه العبها بالجوال وقالوا لي اذبحي امك و أحد ثاني عشان تنتقلي للمرحله اللي بعدها والله انصدمت انا ماكنت اصدق هالاشياء بس بنت خالتي اعرفها ماتكذب ولا تألف تحلف تقول انها انصدمت حتى عيالها مانعتهم اللحين من الجوالات يعني الأم لو ماصحصحت على بنتها كانت راحت هي وطفلها 😭 نصيحه نصيحه اذا عندكم طفل خففو من الجوال واعرفي وش يدخل وش يلعب يعني لا تعلميه رمز الاب ستور عشان لما يحمل يجي لك ويقولك ماما حطي الرمز عشان احمل هاللعبه واعرفي وش هي اللعبه وادخلي عليها وجربيها والله والله اعرف ناس حاطين بصمة الوجه على وجه طفلها عشان يحمل على كيفه ومايغثها ونصيحه اليوتيوب دمار فيه يوتيوب للاطفال تحطي انتي بنفسك الاشياء اللي يدخل عليها ومايقدر يدخل غيرها وانتبهي من الاشياء اللي يدخلها احياناً تكون للاطفال بس تعلمهم سلوك سيئه وابعديهم عن التكتك والله اشوف امهات اطفالهم عندهم حسابات بالتكتك وتنزل مقاطع بنتها ولا ولدها !!! وهو بزر عمره ٧ سنين !! انتبهو ذي امانه ترى والله يصلح الحال لان فعلاً التربيه اللحين سيئه جداً