كل ام تقلنا كيف منظمة اوقات عيالها نبغى نستفيد

الله يكون فى عونك
*****الله يفيدوكى

انا عيالي طفشوني ينامون اول مايجون الين العصر وبعد العصر مخنفرين وبعد المغرب بالدف يجيبون كتبهم والعشاء دايخين مررررره تعبوني اليوم ماخليتهم ينامون كأنهم سكرانين ابي انام اذن العشاء ولاعاد شفتهم ماادري وش اسوي معهم افيدننا تكفون

انا ام لولد في رابع وولد عمره 4سنوات النظام
النوم الساعه 8ونص والقومه قبل اذان الفجر ويتوضا ويروح يصلي مع ابوه ويرجع نجلس نسولف معاه وافطره ويلبس واراجع معاه على السريع قران والا رياضيات والا قراءه وعلى المدرسه
وطبعا كدوشي الصغير يصحى مع اخوه
واذا راح اخوه يجيب كراسته والعابه وعفشه ويجلس يلعب الى الساعه 8ونص احيانا تسعه وينام واحيانا نطلع فاذا رجعنا على ال11نام الى الساعه 2
اما اخوه يرجع من المدرسه يصلي الظهر
ويتحمم ويجلس يعطيني الاخبار موجز العربيه خخخخ
ثم يتغداء
ويلعب والا تلفزيون
ويصلي العصر وعلى التحفيظ يرجع من التحفيظ ياكل شيئ خفيف ونذاكر الى صلاة المغرب
ويرجع نكمل مذاكره
ويريح يصلي العشاء ويرجع للعشاء ويفرش الاسنان ونسولف ويروح ينام واخوه بعده
وخلاص عاد انا انام بعدهم بساعتين والا ثلاث
وعلى هالموال
الاطفال اللي ينامون 8ساعات ما يحتاجون قيلوله
اما وجبة الافطار هذا شيئ يعتمد على الام او الاب اكيد في واحد منكم ما يحب يفطر فالولد يقلده
ووجبة الافطار ممكن تكون عصير برتقال طازج
ممكن تكون مكسرات مو مملحه مع عصير
او حليب
او موز او اي فاكهه
لانه رح يفطر في المدرسه على الساندوتش
فالافطار في البيت الافضل يكون شيئ سهل سريع الهضم ويمد الجسم بالطاقه
والله يوفق طلابنا الصغار اتذكر نفسي في ولدي كل يوم واتممنى ارجع طفله

حبيبتي انا ماعندي خبره بناتي لسه صغار

بس على خبره امي

الطفل ماتدرسيه في غرفه فيها تلفزيون او العااااب ابداااا..!!! لانك كذا راح تشتتيه عن الموضوع الاساسي وهو المذاكره

اذا بيتك ضيق ومافي الا الصاله قفلي التلفزيون،،، حطي لوحه وفيها جدول
اليوم الي يذاكر معك تحطي له نجمه او استكر هو يحبه،، ولما يخلص الاسبوع كافئيه بشي يحبه زي مثلا ايس كريم او هديه صغيره او توديه محل يحبه

وبكذا راح يحب الدراسه

تحياتي لك

ههههههههههه حبيت ولدك الله يخليه لك

انتي حطي له جدول بالليل ينام بوقت صلاة العشا

ويقوم الساعه 5 نشيط وحببيه في المدرسه بالمصروف والحلويات

عطيه ملعقة عسل او تمر قولي له الاقوياء كذا يسوون ومحمد صلى الله عليه وسلم ياكل 7 تمرات

وعسل وهو اقوى وابطل واحد ماتبغى تصير مثله < ياحبهم للقوه عاد ياحبيلهم ( سويت لك سيناريو خخخخخ)

اذا كلهم يكفي مو لازم فطور متكامل بس حاولي تشجعينه مو تفرضين عليه

بعدها استودعيه ربي وخليه يسمي قبل لايروح للمدرسه بحفظ الله

واذا رجع على طول خليه يحل واجباته وقولي مافيه لعب ولا تلفزيون الا لما تكمل واجباتك واذا ماطاع عادي احرميه وافصلي فيش التلفزيون يبغالهم احيانا حزم حتى لو صارخ وبكى

واذا خلص على طول نفذي وعدك له وشغلي التلفزيون له شوي شوي وبيعرف نظامه ومن نفسه يسوي الشيء

والدعاء ترى له دور بكل شيء ادعي ان يسهل لك امر تربية اطفالك وتعويدهم على نظام معين وبيصير ان شاء الله

الله يحفظ اطفالنا ونحسن تربيتهم ويحسنون بالبر بنا

ونشوفهم عرايس ومعاريس