الله يشفيهم ويشفي مرضى المسلمين

الله يشفي عيالكم ولا يحرمكم الاجر

الله يشفي عيالكم ويطمن قلوبكم عليهم
اللهم آمين

الله يشفيهم

السلام عليكم خواتي وحبيباتي
ولدي عنده الصلب المشقوق الحالة الثالثة واللي يكون فيها العصب طالع برا الفتحة وكانت الفتحة حوالي 3 سم في الفقرات القطنية فوق العجزية بشوي , وطبعآ قفلو الفتحة وعمره 3 ايام ونيجة قفل الفتحة صار ضغط ع الدماغ واستسقاء فعملو له وعمره شهر شنت أو قسطرة دماغية أو انبوب تصريف للبطن , الحين عمره سنة ونص, طبيب المسالك عمل له تحاليل وتخطيط للبول وقال المثانة الضغط فيها 180 والطبيعي 40 سبحان الله ,
وطبعآ المثانة عصبية وقررو له القسطرة كل 4 أو 6 ساعات لأن ولدي يتبول عادي وبكثره لكن مايخرج كامل يبقى شوي بالمثانة ويسبب التهابات ومشاكل بعدين , وبديت أسوي له القسطرة بالبداية مرة ثم مرتين باليوم والحين كل 3 مرات باليوم وبالتدريج وحسب الوقت والله يعينا ويعينهم يارب ويشفيهم , بالنسبة للإمساك الحين أعطيه ملينات شراب كل يوم والدكتور يقول بالبداية حقنة عشان تمشي أموره وينظف القولون ثم أستمر ع الملين الشراب , وكمان نبه على ضرورة شرب العصيرات الطبيعية وخصوصآ البرتقال وقمر الدين يحتوي على الياف عالية تلين الأمعاء والأفضل شربه يوميآ ,
وبالنسبة للمشي هو من يوم ولد يحرك أقدامه ولمن كبر شوي أحيان وهو على بطنه يسفط سيقانه لكن الى الآن مايوقف ولا يرتكز أحس ان المشكلة بالورك والحوض , مع ان الطبيب يقول ماعنده خلع ,
الحين مابقول (يحبي) ولكن بمعنى اصح يسحب نفسه بيديه وصدره علأرض بس ,
علاج طبيعي سويت له 5 شهور وصرت أسوي له بنفسي بالبيت ,
وطبعآ عندنا أمل في الله تعالى ثم قبل الأطباء والمشتفيات ((((الرقــــــــــــــــــــيـــــــــــــة )))) بالقرآن يابنات سمعت حالات أكيد شفيت بعد الله تعالى والرقية , اضافة لزيت الزيتون وزيت كبد الحوت مقوي للعصب والعظام+الشمس , أنا فترة صرفت الدكتورة لولدي مجموعة فيتامينات مقوية من ضمنها فيتامين د ,
وطبعآ عنده القدمين حنفاء شوي متجهه لبرا , ومازلت أراجع العظام والعصاب والجراحة الله يعين ويكتب الخير والشفاء ,
والحين بدت ثورة عالمية نحو زراعة الخلايا الجذعية في العالم وخاصة الأردن ونجحت حالات شلل رباعي ونصفي ولكن لم تعمم الدراسة عالميآ لا زالت قيد الأبحاث والتجارب ,
حاولت أحكي كل شي عن حالة ولدي , واي استفسار ياخواتي أنا موجودة بإذن الله...