السلام عليكم
كيفكم لي كثير مانزلت موضوع في هاالقسم الي له معزه بقلبي
اليوم جايبه لكم موضوع اتمنى الكل يطبقه اتمنى كل وحده كانت مثل شخصيتي تتغير وتصبح مثلي الان
اول شي خليني اقول نبذه عني
انا شخصيه هادئه خجوله جدا ومااعرف اتعامل كثير واذا احد طلب مني شي استحي اقول لا وممكن اضغط نفسي عشان انفذ الطلب
كنت اقدر الناس وافضلهم على نفسي وكثير كان ناس تستغل هالاشياء فيني كنت اذا تصرفت تصرف اخاف احد يزعل واقعد اركض وراء الكل واسعى لارضائهم
الان انا تجربت زواجي علمتني اشياء كثيره جدا جدا
منهالو معاك ريال وفريه لنفسك لان ماااحد يستحق هالريال غيرك تصدقي فيه لكن لاتعطيه لزوجك او اي شخص
شريت كتاب اسمه كيف تكون قويا بجميع المواقف انصح كل وحده تشتريه فعلا الكتاب اكثر من رائع استفدت اشياء كثيره وعلمتني اشياء اكثر
رغم الان رافعه دعوه فسخ بس كل الي يشوفني مايصدق كيف متفائله اضحك والحمدالله مو شايله هم شي
صار اي مبدا من زعل من كيفه كيفه يجيبه
دام مقتنعه اني مازعلت والي قدامي حساس او يسيئ الفهم هذي مشكلته ويعالج نفسه مو مشكلتي
صرت اعرف اقول لا بس بأسلوب وبطريقه لبقه صرت اعطي نفسي اكثر ماااعطي الناس لانها لها حق
مااضغط على نفسي او اجامل على حساب نفسي لان هذا اقل حق انك ترفضي حتى في عملك لو هالشي مو من اختصاص وظيفتك وطلبو منك مساعده من حقك الرفض او القبول
كل وحده تبي تتغير تعيش وتعيش نفسها الي ظلمتها اشتري الكتاب من مكتبة جرير بجد ايش ماكان الموقف راح تقدري تتجاوزيه بشرط يكون فعلا انت تبي تتغير تبي تكوني افضل حتى صديقاتي لاحظو هالتغير
لان اذا ارضيتي ربك والدنيك ونفسك صدقوني تعيشون قمة السعاده رضاك عن نفسك اهم من رضا الناس عليك ولااحد يستحق ان تدلليه او تهتمي لراحته غير نفسك وفي فرق بين كلامي وبين الانانيه
بس صدقيني يوم تحسي برضا عن نفسك بيصير تحسي بسعاده وهالشي بينعكس على الي حولك
بجد الحمدالله الان املك شعور سعاده وراحه ورضا ماشعرتها من قبل رغم والله ظروفي الي يعرفها يقول المفروض اكون عكس
امس كنت مجتمعه مع صديقاتي واضحك وانصدمو من خبر اني بطلق ويحسبوني امزح من كثر سعادتي واضحك والكل يقولي محلوه وماادري ايش وبالاخير حلفت لهم بس قلت ليش اشيل هم وفي رب فوق ودام مرضيه ربي والدني ونفسي الامور بخير ايش بيصير
كل وحده تأخرت عن الزواج او الانجاب او مطلقه او ارمله اضحكو عيشو اصنعو السعاده لانفسكم تسعدون لاتنتظرون من يجلب لكم السعاده لان لن يستطيع احد يسعدك كثر ماانت تسعدي نفسك وانت اكثر شخص تعرفي نفسك
ودام اقول الحمدالله على كل حال واتمنى كل وحده تتغير وتكون سعيده ودلعي نفسك لنفسك مو عشان زوجك او انك تعجبي احد اعجبي نفسك واقتنعي بحالك هالشي بينعكس عليك ويبين للي حولك مجرد اقتناعك بنفسك يكون وصلتي لمرحلة الثقه بالنفس الي من مايكون مايقدر يزعزعه وحتى لو فيك عيب مثلا قصيره حوليه لجمال وقولي في القصر تكمن كمال الانوثه لاتخلون احد يحطمكم يضايقكم او يزعزع ثقتكم
لو متأخره عن الزواج عادي قولي يمكن ربي اخره عني لان لايوجد من يستحقني فأنا جوهره ولو اتهمتي بالغرور عادي قولي يابخت الغرور فيني يمكن ربي يبي لي زوج في الاخره لان لايوجد رجل فعلا في هذا الزمن
ابد لاتتضايقي وتنقهري وتنكسري ولاتسمحي لااحد يعبر على حدودك شني عليه حرب مثل الدول كل دوله لها حدود وانت كوني كدوله قويه لاتسمحي لمخلوق انه يتجرا ويغلط على دولتك او يدخل حدودها بدون رغبتك
عندي كلام كثير بس اكتفي بهذا الان اكتب لكم بإرتجال الي تبي تتغير وحاسه ماتقدر بساعده واحفزها لتكون شخصيه مميزه قويه واثقه
وبالاخير ماابي غير دعواتكم لي ان الله يتمم امور فسخ نكاحي على خير ويسخر لي عباده واي دعوه حلوه:love::wink2:
يعطيك العافيه