كل اﻻمهات مثلي واﻻ انا بس تفكيري كذا

سﻻﻻﻻم

تزوجت بسن متاخر طبعا كنت ميته على الخلفه وتاخرت بالحمل ثﻻث شهور كل شهر اموت حزن نفسي احمل والحمدلله
حملت بعد ثﻻث او اربع شهور والله اكرمني بولد بعدها تاخرت بالحمل ﻻن ودي اللحق على عمري وبعد سنتين ونص حملت
والله اكرمني ببنت عمرها اﻻن شهرين والحين هالبنت والولد هم شمعة حياتي اخاف عليهم من الهوا الطاير خوف مو طبيعي
لدرجة ان ولدي لو يجيه اي مرض عادي لوز او حراره اجلس ابكي واتخيل خياﻻت تروع حتى اللي حولي
صارو ياخذوني على قد عقلي ويحرصون معي على اطفالي ويهدون اعصابي ﻻنمرضو فعﻻ حسيت انا المريضه
نفسيا وبس اتخيل حياتي بدونهم واتخيلهم كيف يعيشون بدوني وانهم راح يجوعون وينضربون و...و...و... خياﻻت كثيره
دايم اخاف افارقهم ﻻي سبب مرض او موت وبس بالليل اضمهم واحببهم وهم نايمين
بس اشوف الحريم اللي غيري عادي عايشين واقربهم ااخواتي عيالهم يتكسرون وينمرضون وينجلدون ويمر الموقف بااعصاب بارده ووحده منهم تعطي ولدها عﻻج الحراره وتطلقه يلعب مع البزرا ن وتكمل سوااليفها وقهوتها عااااادي وانا لو يجيه حراره احرم نفسي اﻻكل
ودي اعرف وش هاللي فيني هل ﻻني متشفقه البزران وجوني بعد صبر طويل واﻻ شعور طبيعي واﻻ انا مزودتها حتى لو مزودتها ابي حل يخفف هاللي فيني ودي ارتاح كل يوم اناظرهم بشفقه وتفكير حزين .