وعلى فكرة اكتشفت شئ ترا الناس اذا اهديتيهم هدايا غاليه يحقدون عليك لانهم يحسون انك تاجرة وتوزعين الفلوس وهم محتاجينها
والا انهم بيضطرون يردونها بوحده مثلها وبكذا تكونين خسرتيهم
فالوسط زين بدل ماتشترين تعليقة بالف ميه اشتري طقم عطور ب500 فيه عروض مرة حلوة وفي السويلم اسعار روعة حسب ماسمعت انا مابعد رحت
تدرون على كل هالنصايح احس انكم كلكم بتوفرون ونا لا:( :( :(

هاهاهاهاهاااااااااااااااااااااااااااااااااااااااااااااااااااااااااااااااااااااااااااااااي
انسدحت من الضحك ههههههههههههههههههههههههههههههههههههههههههههههههههههه
صار جوالي سر :22:
اجل بحط سماعات واقول لهم شريت اي ميت هههههههههههههههههههههههههههههههه
واللي بامه خير يطل بشنطتي ...
ههههههههههه
بيلقى جوالي قاعد في الشنطه وهو يقول فكوووووووووني منها :22:

هههههههههههههه
هو العنوان كان (كل بخيله)
:30: وانا اتمرن حاليا لنيل درجه البخل ادعوا لي :hahaha:
انا ماراح اسفر شغالتي ..
هي باقي لها 3 شهور وتروح ...
وانا بصراحه انغث من نفسي ...دايم اقول ليه غير الخليجيين قادرين على شغل البيت والطلعه والزوج واحنا كسل في كسل؟؟
ودي اكون في البيت بدون شغاله <<<ماله شغل بالتوفير :)
احس انهم حاقدين ..
تدرين اللي عندي تفتش وش نشتري لدرجه اني اثناء جوله تسكعيه بالسوق شريت كميات من الملابس لي ولبنتي ..
اخرتها حطيتهم باكياسهم بغرفتي ..
لاني لو حطيتها بالدولاب ..بتفتش وتشوف ...وهم اصلا حسودين ...
فهمتيني ..
لما اشوف الاكياس بغرفتي اقول والله قهر !!!!!!!!!!!
ببيتي وماني مرتاحه؟؟
فاحيانا اقول كل الاجهه عندنا من غساله مواعين وغساله ملابس اوتو ماتيك لكل شي ..
بس الكسل مقطعنا :(
<<<<ماكانها طلعت عن الموضوع ...؟؟؟:)
هذه فكرتي يالغاليه ....
بس لعيونك بجيب شغاله <<<<ابوك يالتصريف :22:

1.أول شي شيلوا فكرة التوفير من راسكم - أتكلم جد

الشرح : لما تكوني مسوية ريجيم - تقعدين طول اليوم تفكرين بالأكل - وأحيانا كثيرة تاكلين كمية أكل أكبر من الي كنتي تاكلينها قبل الريجيم .... اسبوع أسبوعين ويجيك يوم تصيرين فيه مفجوعة ((لحظة الانفجار )) وتاكلين أكل سنة كاملة في يوم واحد

علشان كذا أهم شي شيلي فكرة انك توفرين من راسك نهائي - لا تحسبين كل شي بالقلم والورقة لانه فكرة انك محرومة راح تسيطر على راسك

2. الفلوس علشان توفرينها لازم تكون بعيدة عن يدك - في لحظة الضعف ما تلاقينها قدامك ...شلون بتصرفين شي مو بيدك الحين ؟

علشان كذا افتحي حساب في البنك من غير بطاقة صراف والي ما تقدر تجيب صندوق أو اناء فخار يدك ما تدخل داخله - يعني لازم ينكسر علشان تطلعين منه الفلوس

أحسن طريقة هي انك تفتحين الحساب باسم عيالك - كل واحد له حساب باسمه ... بهذي الطريقة لما توفرين فيه بتحسين بسعادة لانه لعيالك انتي

ممكن حتى تحطين صندوق لكل واحد فيهم وصدقيني قلبك بيوجعك ألف مرة قبل ما تاخذين من فلوس عيالك وتصرفينها في السوق


3. لازم يكون عندك هدف توفرين له - يعني مثلا بيت ملك او سيارة لأولادك لما يصيرون شباب أو عمارة مثلا يكون فيها شقق لعيالك (( ما تدرين أيش المستقبل واذا راح يكونون قادرين يوفرون بيوت لأانفسهم لما يتزوجون )) أو حتى لدراسة عيالك بعدين - لا سمح الله مالقوا جامعات لأي سبب

المهم يكون عندك هدف سامي ومهم جدا توفرين علشانه

4. حسب ميزانيتك حددي مبلغ معين ما تصرفينه كل شهر - مو لازم يكون مبلغ كبير اي شي بسيط (( مثلا 10 ريال في اليوم - في الشهر بتصير 300 ريال )) - هذا المبلغ تحطينه كل شهر قبل ما تصرفين ولا هللة في مكان التوفير (( الي هو حساب البنك أو الصندوق )).

مهما كان الشهر ومهما كانت المصاريف هذا المبلغ يطلع قبل كل شي (( طبعا الصدقة الشهرية قبله))

5. لا تعلمين أي شخص عن التوفير (( ماعدا زوجك طبعا )) بس قصدي الصديقات والأهل - لانه كل شوي بيسألونك وتصير سالفة

6. سواء انتي موظفة أو ربة منزل - أكيد لك مصروف معين .. احسبي في الساعة كم تاخذين

يعني احسبي شغل ساعة واحدة تاخذين مقابله كم ريال

فرضا الساعة تاخذين فيها 10 ريال - لما تجين تشترين بلوزة ب 500 ريال معناها اشتغلتي 50 ساعة علشان تجيبين ثمنها

وقتها بتفكرين يستاهل اشتغل 50 ساعة علشان بلوزة واحدة ولا لأ

طبعا هذا مجرد مثال ...طبقيه على حياتك حسب مصروفك أو راتبك

حتى ربة المنزل تحسب نفس الشي - انتي تشتغلين في بيتك تقريبا 16 ساعة في اليوم و8 ساعات نوم ...احسبيها انتي على حسب فلوسك

في البداية بيوجعك راسك من الحساب بس بعد كذا بيصير اتوماتيكي

هذا الي اذكره الحين ... اذا فكرت بطرق ثانية برجع

بالتوفيق للجميع

يووووووووووووووووووة اختي مافي راسها . اكيد هذا التفكير ماخذتة من الشغالات والله انك صادقة ياشيخة او ممكن اوزع مصروفي على الايام يعني مصروفي 3000 كل يوم 100 لو بغيت بلوزة ب500 لازم مافي مصاريف لمدة 5 ايام.
عجبتني الفكرة بجربها.
شكرا لمروركم على الموضوع وعلى افكاركم الحلوة.
مدام كوري >>>>>>>>>>>>>>> مدام بخيلة مستقبلا. بالتوفيق في مسيرتك سيرو ونحن من ورائكم.
بنت ابوها في انتظارك.
منوووووووووووورة دوم بنت الشيخة والشيخ >>>>>>>>>> كيفي ابي اشيخ ابوك.يستاهل
تولان<<<<<<<<<<<<<<<<<<<<<<<< عقلانية الموضوع_ كيفي موضوعي واعطي القاب بكيفي.
ولا احد يا شيخة قلبتي المواجع. تصدقين كان راتبي اعلى من راتب زوجي وطلعت من الشغل ماعندي ولا ريال بنت اصل قالك اساعد زوجي بكل شي>>>>>>>>>>>>>> امحق .
حتى بالاثاث والاكل والسفر كل شي البنت ماشية على النظام الاروبي>>>>>>>>>> اخس يلي امها المانية ههههههههههه اسم الله علي.
توي بديت اطلبة بعد مو لي للبيت بس لو خلص مصروف البيت اشتري من عندي يعني صبة حقنة لبن.
لا وعاد عندي ام تقول وهو من وين لة يدفع ادفعي انتي معليش الحياة تعاون وانا هبلة ادفع.

اختي الي تبي الاكسل. افتحي الصفحة للاكسل وهي فوق افقي احرف اكتبي تحت كل حرف نوع اللغراض يعني خانة سميها بقالة-لله-مطاعم-ملابس-مكياجوعطور-...... حطي كل مصاريفك
وبعدين انزلي عند خانة 32 وحطي عندها اشارة السم او السيجما وخلي الاطار المنقط من a2 الى a31 وبعدين enter
بيصير كل يوم تشترين شي للبقالة تسجلينة والارقام من 1 الى 31 عشان ايام الشهر وهو لحالة بيجمع لك في خانة 32
وبالتوفيق للجميع.