ام فارس :

بنات 00000000000 الله يعطيكم العافيه ومشكورين على رفع معنوياتي واسفه على رداءة الاملاء اللي في ردي السابق لاني كتبت الفجر وكنت اقط خيط وخيط ما نتبهت الا اللحين انا في بداية حياتنا كان زوجي ما يعطيني مصروف وكنا ننزل السوبر ما ركت ونقضي كل اللي نحتاجه واللي ما نحتاجه بس نخم وبس وننخدع بالعروض اللي يسوونها البقالات يعني مثلا الذره المعلبه بدال ما تأخذين علبه بريالين ونصف يحطون لك عرض خمس حبات بعشره يعني بدال ما تدفعين لهم ريالين ونصف تعطينهم عشره وهكذا ولا حضت ان الذره تخلص مدتها وانا ما استخدمتها بالاخير تنرمي الله لا يعاقبنا يعني مين اللي ربح بالاخير وعدي على هالمثل يعني والله انانرمي فلوسنا وبس واحنا نفكر انا بنقتصد فالما عطاني زوجي المصروف سويت دراسه على اسرتي وحصرت الاكلات اللي يفضلونها والاشياء اللي نحتاجها وحددت يوم السبت من كل اسبوع انزل السوبر ما ركت واشتري الخضار والفواكه واللبن والحليب يعني الاشياء اللي مدة صلاحيتها اسبوع وبس وفي الشهر مرتين انزل البقاله واشتري باقي الاغراض اللي كتبتها في ورقه وبس ومحدده لعيالي مصروف اسبوعي قدره عشره ريال لكل واحد طبعا مع العصير والساندوتش حق المدرسه والاملابس انا اموت على الماركات العاديه مثل زارا ونكست بس الصراحه ما اشتري الا اذا سوو تخفيض ومعطيتهم رقم زوجي يرسلون له رساله وانا ركض على السوق واشتري حاجات حلوة واكمل تطقيمهم من المحلات العاديه مثل سيتي ماكس وسيتي بلازا ولا يهون الهرم واشتري بكميات كبيره اللي يعجبني واخشهم بالدولاب تعرفون هالبنات نموهم بكراعينهم البنطلون اللي تلبسه اللحين بعد شهرين قصر وضاق واللاكسسوارات برضه من التخفيضات وبو ريالين الله لا يحرمنا منه واذا بسوي عزومه افكر بالاشياء والاطباق اللي بطبخها واشتري الناقص بس ما احوس عمري واشتري من المطاعم وامد سفره طويله عريضه يعني حاجه تشرف وما تهلك ميزانيتي والعبايه موسميه لي ولبناتي يعني بالسنه مرتين نفصل عبي واسعارها بالميه وخمسين للعبايه وبس واجزم برضه من التخفيضات يعني انا عايشه على التخفيضات واتكاثر فيها واللحم نشتري ذبيحه وتكفينا شهرين الى ثلاثه والدجاج كرتون بالشهر والاسماك مره بالشهر وحاطه له ميزانيه من ميتين الى الثلاثميه والترفيه يكون مرتين بالاسبوع يوم الاربعاء الملاهي ومحدده لكل شخص اربعين ريال للعب والاكل يعني يسوون فيها اللي يبون ان شاء الله يحرقونها كذا علمتهم وتعالو شوفوني وان اوزع عليهم الفلوس صافين طابور وكل واحد يقول متى تزيدينا ماتكفي اقولهم والله لو اعطيكم الف ماهيب مكفيتكم عيالي واعرفهم خبز يدي والحمد لله عايشين ومرتاحين واهم شئ مقتنعين والطلعه الثانيه تكون يوم الجمعه العصر نسوي شاهي وقهوه ونروح اي مكان نتقهوى واشتري حلويات للعيال وبس وموضوع الهدايا للغير انا اهدي امي وام زوجي مره بالسنه وتكون برمضان اما اللي والدة اول كنت اعطي الناس بمبالغ عاليه وهم يردون لي الهديه تكون متواضعه مره فافكرت ان الغلى مو بالفلوس بالتقدير وعلى هالاساس عقلت وتوني اللحين بديت اقتصد بالهدايا وعيالي مساكين اهديهم اذا نجحوا باخر السنه هديه محترمه ونا لاحضت انا الناس يختلفون يعني هالميزانيه ممكن تناسيني بس ما تناسب اختي وهكذا يعني انا استغرب من البنات اللي عندها مكياج يكفي قبيله والله حتى الكوفيرات ما عندهم هالكميه والعطور اللي مكدسه على التسريحه اللي مكن تخرب واحنا ما استهلكناها انا عندي عطرين واحد للصباح والثاني للسهرات غير عطريين من البودي شوب على شكل بخاخ بعد التروش وبعد الادوات المدرسيه كنت اشتري من المكاتبات الكبيره صرت اروح اشتريها من بو ريالين والاقلام الزينه اخذها من مكتبه رخيصه واعبي لكل واحد من عيالي مقلمته اول الترم ويا ويل اللي يضيع قلم او يخربه الا اذا القلم خرب اضطر اشتري ثاني ومع ذلك انا احيانا من غير قصد احس اني اخرب الميزانيه بس ارجع واضبط الوضع وفيه شئ خرب علي اللي هي الفيزا طلع لي زوجي بطاقه علشان احيانا يسافر وما يكون عندي فلوس فااستسهلت الدفع فيها فا انصحكم انكم تبتعدون عنها لانها اسهل من النقد لما يكون بيدك تحرصين وتعدين بس البطاقه للتبذير وسلامتكم وادعو لي الله يحقق اللي في بالي ويعوض زوجي اللي خسره بالاسهم اللهم أميييين

بنات 00000000000 الله يعطيكم العافيه ومشكورين على رفع معنوياتي واسفه على رداءة الاملاء اللي...