طيب وش رايك تكملون 5000عانيه وهو يدبر نفسه عطوه 1500 واهم شئ الثلاجة مهوب لازم تلفزيون والغساله بعدين يشريها يغسلون في مغسلة وبعدين هذولي مهوب غرب نسايبهم اصلا ليش يستحون منهم خخخخخخخ اجرام
بس اذا ذكرت بعدين اقصلك قصة تحمدين ربك على ان الدعوى بس اجهزة ويمكن زوجك وعده ومايقدر يفشل روحه
ام الاحمدين جالسة افكر في الموضوع واقلبه يمين يسار طبعا ماسالت بس لا قدر الله صار لك شئ الفوس بتصير باسمك واهلك بيطالبون بحقهم في الورث بس الفوس اساسا لزوجكوهو عارف انك ماعندك شئ ومتاكد ان الفلوس فلوسه ممكن يحصل بينهم مشكله ماش ماقتنعت احس النية الطيبة ماتكفي بس لازم الواحد يعمل حساب كل شئ اتمنى تكونين الى الحين تقرين واذطا كنت لقيتي فتوى تقولين لنا
على فكرة بنات بديت ازن وازن على سالفة الشقة ادعوا لي بالتسهيل
المقدمم 40000 ريال والقسط اليومي 84 ريال والموقع عقيق الموسى وفيها غرف سواق وشغالة
ويقول كبيرة كنها دور بس زوجي يقول خرط فاضي بلاهم بلاشقة ياربي وش اسوي ودي اصيح ابي لو غرفة ملك
طيب وش رايك تكملون 5000عانيه وهو يدبر نفسه عطوه 1500 واهم شئ الثلاجة مهوب لازم تلفزيون والغساله...
4000-الايجار1000= 3000
3000- الفواتير (كم تقريبا )لو فرضنا انها شهريا 500 وتعتبر كثيرة لازم توفرين كهرباء ماء وجوالات ممنوع المسجات ممنوع الوسائط ممنوع المكالمات الطويلهخليه للضرورة القصوى وفكري كل مكالمة ببلكة في بيتكم الملك باذن الله=2500
2500-500 توفير شهري =2000
2000÷30= 66 ريال يوميا عارفة المبلغ شوي بس ممكن تقسمين مبلغ التوفير نصفين 250 توفير و250 طواري عزيمة ومستشفى وما الى ذلك والي تقدرون توفرونه من الفواتير خير وبركه تضيفينه عليه
المقاضي حاولي تاخذين دائما خضار الموسم تطلع ارخص مثلا موسم باميه كلوا ثلاث مرات باميه اعتمدي على الخضار في الاكل اكث شئ لانها غير مكلفه ملوخية مرق وغيره واذا سويتي الطبخة مره سويها بالهبره وارفعي العظام والمرة الثانيه سويها بالعظام علشان تحصلين الطعم وتقللين اللحم او الدجاج
البنات مدري وش كبرهم بس اذا بغيتي تمشينهم روحي حديقة مجانية اذا كنتي في الرياض شارع النهضة وش حليله وناسةوالا بر سوي شاي وقهوة وحلىويات وممكن تعشينهم شاورما سعرها بيكون من من 10-15 ريال لكم كلكم وبكذا مايحسون بالحرمان ووفرتوا
الملاهي خليها مرة كل شهر ونصف وحددي لكل وحدة مبلغ انا اودي بنتي واشترط عليها ثلاث العاب بس حتى احسن تربويا
اذا كنتي ملزمة تاثثين الغرف بدل ماتتسلفين وتسددين شهريا وتقعدين تطلبين من الناس المبلغ الي بتسددين فيه شهريا ارفعيه واثثي فيه اذا اجتمع وترا عادي غرفة والا غرفتين بدون اثاث اكثر الناس كذا الين يحلها ربي ويفتح عليهم
يعني لو فرضنا رحتي واشتريتي بداية الاسبوع مقاضي ب 120 ريال للبيت لازم يومين ماتصرفون شئ اجلسوا في البيت سوي انتي وبناتك انشطة نظفوا البيت سويي اي شئ شوفي تلفزيون بس اهم شئ هاليومين ماتصرفون علشان تعوضون
لاتشترين الغالي من اي شئ لاتشترين كلوركس اشتري شئ ارخص لاتشترين ملمع زجاج نظفي بماء وخل ابيض
والله يفتح علينا وعليكم ويسهل امرنا وامركم