موضوع رائع للغاية
طبعا جيتي عالجرح اي والله
أنا نفس الشي مشكلتي بالميزانية
أحب الزين واهدي هدايا غالية
وياما جا وقت وتوهقت وفلست واضطريت استلف
عموما اختي الغالية خزاني ونفل
لا تقولين لكل حل يضعونه الأخوات ماأقدر أنا تعودت, عجزت
غلط مرة مرة ترددين كلمات وعبارات يخزنها العقل الباطن وهذي حقيقة علمية
انتي انسانة وعندك ارادة وتحبين الزين بس فكري ببكرة
يكبرون عيالك ويحتاجون دراسة برا وسيارات وبيوت
وقتها انتي بتكونين عبء عليهم
لابيت لا مساعدة الله يحفظك من كل شر
انا عن نفسي اعجبني الموضوع وقررت ان شالله اروح البنك وافتح حسابين وابدأ ب500 عشان لا امل واطفش
وأكيد اذا زاد المبلغ بفرح وازيد الإقتطاع لألف
وحاليا انا صرت اوقف عند اللبس او البضاعة كثير
بس أفكر؟؟؟هل انا محتاجة؟؟هل ضروري؟؟؟طيب وديون فلانة؟؟؟طيب ومستقبل بنتي؟؟؟؟
وممكم اشيل الفستان بيدي واحطه بالباسكت وادور فيه بس أوصل عند الكاشير اتركه واروح
واحيانا آخذ أشياء كثير احتاجها وماأحتاجها بس اتركها عند الكاشير واروح
طبعا مو دايم بس أحياناً وهذي طريقة نفسية معروفة اريح النفس الطماعة اني خذيت كل اللي نفسي فيه
وريحت ضميري اني ماأرهقت ميزانيتي
واللحين الوضع تحسن مرة مرة ولله الحمد صار اسوق مايعنيلي شي
بيتي أثاثه غالي وراقي بس مو كثير
اضائه خافتة, نباتات وكثير من اللي يزوروني يقولون احسن لاتكثرين شكله نظيف مرة ومريح
صرت اذا بغيت اشتري تحفه او سجاد او كرستال اتذكر ان بيتي مريح لكثير من الناس
وأتذكر فلانة اللي معبية بيتها كيف صار كنه محل تحف
وعلانة اللي مو تاركة فراغ اللي وتارسته كيف صار مزعج للعين
صدقيني مافي احسن من الحديث مع الذات وبشكل ايجابي
أنا أقدر . أنا مااحتاج, أنا عزيمتي قوية واشطر من فلانة
بناتي اشتريلهم اشياء حلوة بس مثلا
العيد الفطر العيسائي
عيد الأضحى دبنهامز
بقية المناسبات ماركات عادية مع اكسسوارات ناعمة وخلاص
أنا أشتري كل ثلاث او أربع شهور مرة واحيانا أكثر
ويارب يساعدنا

um*jana

طريقتك مره روعه وانا بدات اتبع الحرب النفسيه من فتره وانججججح لمدة وبعدين اخق خخخخ:42:

وانا صراحه اعرف نقاط ضعفي: الجزم وانتو بكرامه والمكياج والهدايا للي اعرفه واللي ما يمت لي بصله!!!!!!!

وفيه اشياء الاخرى اللي تهددني بشكل اقل؟!

الهدايا بدات اتحكم فيها بشكل كبير جدا ولله الحمد والسبب اني ارهق ميزانيتي في الشراء وما اجيب الا شي مميز و ارهق عقلي في الابتكار في طريقة التقديم !!:09:

وبالمقابل ما لقيت ادنى تقدير او حتى كلمة شكر من بعض الناس (والتقدير ما اقصد فيه مبادلة الهدايا) ولكن تحصل مواقف تبين لك الصديق من غيره واللي يستاهل تعبك واللي ما يسوى؟؟:(

اما الجزم والمكياج فانا في حالة جهااااااد مستمر:hahaha:

اوقف عند الجزم والصنادل وتطير عيوني و تضيع علومي:eek: واشيل واحط فيها واحاول اقنع نفسي اني ما احتاجها وان فيه بديل يمشي مع كذا لبسه قبل ما اقيسها...

والمكياج اقلب فيه واتذكر البلاوي اللي في الدرج واهون!!

والشي الوحيد اللي اردده في راسي ان طلعاتي قليله وما احتاج كل السوق عشان البس او اتمكيج!!! :)

بس اللي متعبني اني ما اقدر قيمة الفلوس مع اننا مرينا بظروف صعبه جدا ومستقبلنا غير محدد الى الان وما عندنا بيت ملك:arb: ... بس ما غيرت فيني كثير؟!!

وانا ارجع السبب للتربيه من ااصل

اهلنا ما عودونا ان المال له قيمه وان الصرف لازم يكون مقنن وانك لازم تكونين حازمه في التخطيط للمستقبل وانك لازم تشيلين القرش الابيض في اليوم ااسود الله لا يجيبه:eek:


ومن هذا المنبر<<< سلامات؟:22:

اهيب فيكم انكم تربون اطفالكم على تقدير المال وحسن التصرف<<< علمي نفسسسسسك!!:09:

وسلامتكم <<<مابغيتي!!ِِ

موضوع حلو ومفيد

هلابنات ...
حبيت اقول لكم تجربتي وانا مبذره تائبه <<<متأثره بممدمن تائب هههههههههه
انا كنت مهبوله ...يعني خبله ...يعني البلوزه اللي البسها ماعاد البسها مره ثانيه لو ايش...
عدوا كم بلوزه اروح فيها الكليه اجل ؟؟
هذا غير الهدايا اللي بالالاف ...
اهديت صديقتي لزواجها ب7000 الاف ريال ...
تخيلوا؟؟
يوم اعرست استمر المنوال على ماهو عليه مع بعض من تانيب الضمير لان مستوى زوجي كان عادي (توه متوظف )
الحين توصلت لطريقه ممتازه ...
ياليت يارب تنفعكم ...ماابي منكم الا الدعاء اني احمل وان الله يصلح لي ذريتي ..
اولا:
وقفت الهدايا الغاليه تماما ...صارت معقوله وبحدود الطبيعي ...غير مبالغ في تغليفها ومضمونها ..
ثانيا :
رتبت ميزانيه للبيت ماتتعدى 5000 ريال ..في البدايه جدااااااااا تضايقت منها وحسيت بالحرمان
الحين عادي الامر ....تعودت ...
طبعا مااقصر على نفسي بشي ...
لكن بالمقابل مااشتري كل شي بطريقي !

ثالثا :
افكر دااااااااااااااااااااااايم قبل لااسوي الشي هل هو ضروري ؟؟
هل من الحكمه عمله ام لا؟
وهكذا ...هل ضروري اسافر ؟؟
هل ضروري اشتري كذا ؟؟
هل هل هل ..
وبذلك تنازلت عن اشياء سخييييييفه ...مثل السفر كل سنه ...والروحه الجيه غير المحسوبه ..

رابعا:
جمعت مبلغ من المال ...وخليته في حساب استثماري ماامد يدي عليه ابببببببببببببد
خامسا
نحول البقاي من راتب زوجي لحساب استثماري اخر ماله بطاقه ..
يعني اضرب لكم مثال انا جوالي صار له سنتين ونص ...وفعلا بدا يقدم (الباندا)
لكن يوم رحت المحل وفكرت ..جوالي زين ومافيه شي ..ليه بغيره ؟؟
عشان المظاهر !
والله مو قاطع قلوبنا الا المظاهر ...!
فقررت اني مااغيره وطززززززز في المظاهر اللي تخليني اسوي شي يبونه الناس ...
وبسسسسسس سلامتكم ..

^
^
^
الله يكملك بعقلك يا مدام كوري <<<كانها تحمست اكثر من صاحبة الموضوع؟؟:hahaha: