حبيبته وبس @hbybth_obs

عضوة فعالة

كل بديله ماهي على رأس العمل ولم يشملها التثبيت تجي هنا

السلام عليكم ورحمة الله وبركاته

بدون مقدمات....انا ابارك لجميع من شملهم التثبيت بجميع الفئات

ثانيا قرينا كلنا قبل يومين البيان اللي وزعته وزارة التربيه ويتضمن توضيح المشمولين بالتثبيت

ومن ضمنهم البديلات اللي حاليا على رأس العمل.....طيب خطوه جيده لكن السؤال ....

لو كان فيه وحده ظلت خمس او ست او سبع سنوات بديله تتنقل من مدرسه لمدرسه الا هالسنه ماربي كتب لها

نصيب ولاتعاقدوا معها كبديله...وفيه وحده تعاقدوا معها بديله نقول من ثلاث شهور فقط من الأولى بالوظيفه والتثبيت ....انا ادري انها أرزاق من رب العباد وان شاء الله مانحسد احد والله يوفق الجميع لكن انا شخصيا اشوف

انه في القرار اجحاف كبير لكثير من البديلات السابقات اللي امضوا سنوات يخدمون ....انا مثلا كنت بديله سنه

دراسيه كامله واعرف وحده مالها الا شهر بذمتكم مو ظلم واجحاف في حقنا انا ماأقول مايستاهلون الا يستاهلون

ونص بس بعد احنا لنا حق ......الحين أناشد كل وحده كانت بديله مثلي بأن نتكاتف ونحاول نجد طريقه لتوصيل

شكوانا وأصواتنا ونطالب بالتثبيت مثل غيرنا

يلزم عليك تسجيل الدخول أولًا لكتابة تعليق.

تسجيل دخول

RO0OG-Pink • 13 سنة

رفع

زمردة البحر • 13 سنة

اناموبديلة بس صراحة هذافعلا ظلم لمعلمات بديلات درسوا ل15او10اواقل وماحصلواعلى التثبيت وحتى المترسمات الي يبون ينقلون جنب بيتهم انظلموابهذا القرار الله يعينكم ويرزق الجميع وازيدك من الشعر بيت البديلات الي وظفهم قبل القراربيوم هذي الطامة الي فعلاحرام الترسيم لهم المفروض مفاضلة بينكم

حبيبته وبس • 13 سنة

RO0OG-Pink :

رفع

رفع

الله يرفع قدرك في الدنيا والآخره

حبيبته وبس • 13 سنة

زمردة البحر :

اناموبديلة بس صراحة هذافعلا ظلم لمعلمات بديلات درسوا ل15او10اواقل وماحصلواعلى التثبيت وحتى المترسمات الي يبون ينقلون جنب بيتهم انظلموابهذا القرار الله يعينكم ويرزق الجميع وازيدك من الشعر بيت البديلات الي وظفهم قبل القراربيوم هذي الطامة الي فعلاحرام الترسيم لهم المفروض مفاضلة بينكم

اناموبديلة بس صراحة هذافعلا ظلم لمعلمات بديلات درسوا ل15او10اواقل وماحصلواعلى التثبيت وحتى...

فعلا قمة الظلم والإجحاف وانتي وضحتي نقطه مهمه وهي المغتربات والمرميات في المناطق النائيه

انا بس ابغى اعرف من مستشارينهم اللي يصدرون مثل هالقرارات السقيمه ...والا على قولتك الطامه الكبرى

بناتهم وبنات اقاربهم اللي وظفوهم قبل يوم من صدور القرار...حسبنا الله على كل ظالم

وأرجع اوضح الموضوع لايحمل حسد للمشمولات بالقرار بالعكس

لكن توضيح لحجم الظلم والإجحاف لحقنا وامثالنا اللي خدموا بالسنه وأكثر وبحق أخواتنا المغتربات

اشكر مرورك من الاعماق

**وردة لاتذبل** • 13 سنة

الله يرزقك ويرزقني وبنات المسلمين بالوظيفه ويفرح قلوبنا يااااارب