miss nora @miss_nora

عضوة نشيطة

كل بنآت عآئلتنا تزوجوآ إلآ انــآ .(.قديم

السلام عليكم ورحمة الله وبركاته
صباح الخير يابنات حواء ..

.
.
ما ادري ترددت كثير قبل لا اطرح مشكلتي .. بس حبيت أخذ رأيكم
انا بنت عمري 24 سنه كل خواتي متزوجات بس باقي انا
مشكلتي اني لسى ماتزوجت ..
ادري بتقولون نصيب وانا معاكم ومؤمنه بهالشيئ وانتظر النصيب من الله ..
بس بغيت استشيركم ..
انا ولامره انخطبت ولامره حتى لو بمكالمه .. رغم ان كل صديقاتي 11 مره و15 مره ينخطبون
وانا ولا واحد دق بابي
رغم اني والحمدلله مره حلووه وجسمي جنان وكل شي كامل والكامل وجه الله
وحتى شخصيتي واخلاقي مره حلوه مع الناس ..
صرت اشك بنفسي اني مو حلوه او ان فيني شي غلط .. لأن اشوف شي والواقع شي ثاني
عارفين صديقاتي كانوا يقولون انتي اول وحده رح تنخطبين لأني الحمدلله اجملهم
تصدقون كلهم تزوجوا الا انا ...!!
مرت علي شهور كنت مره تعبانه تجيني احلام شينه ولما افسرها يقولون لي الشيوخ فيني حسد
ومره شيخ قال لي ان فيني نفس شيطانيه / رجال شافك ونفسه فيك ومارح تتزوجين .. : (
.
.
والله والله يابنات عمري ماتركت الأذكار صرت حافظتهم اكثر من اسمي .. واذكار بعد الصلوات والقرآن اختمه كل شهر
ورغم كذا صابتني عين شلوون ما ادري .. : (
المهم .
توكلت على ربي وصرت ارقي نفسي كل يوم واقرى البقره واستغفر اكثر من الفين مره باليوم
مر شهرين وبديت اتعب مررره صرت حتى القران اكرهه وما احب اقراه
وحتى الصلاه لما اصلي اصلي وانا مغصوبه لو بيدي تركتها ( استغفر الله )
يومين مانمت ولاغمضت لي عين احس بجسمي اشياء غريبه نبض وخفقان يمشي بجسمي
والله يكرمكم كل شوي اروح للحمام رغم اني ما اكلت شي لمده يومين
اقوم من النوم مفزوعه ما ادري عن نفسي الا الخدامه تجيني تقول شفيك ماتقدرين تتنفسين
اقوم مخنوقه من النوم .. اخاف انام لحالي لدرجه اختي تركت زوجها ونامت عندي لأني ما اقدر انام لحالي
حسيت اني بمووت خلاااص والله اللي جاني محد رح يقدر يحس فيه ..
المهم بعد اللي صار فيني ماصرت احلم ابد الحمدلله
وراحت الكوابيس وصرت طبيعيه ..
.
.
وإلى الآن ما انخطبت ولا شي
والله اسمع الناس تسأل عني والكل يقول ياحظ من ياخذك وربي رح يتهنى كل شي فيك كامل واخلاقك عسل
يابنات والله ما ابي امدح نفسي وما احب هالشيئ بس ابي اوضح لكم
لما تجي وحده تدور لأخوها او وحده لولدها والله مايفكرون فيني ولا كأني مرئيه
شفتوا شلون لما تمشون مع الناس ولااحد يلاحظكم انا كذا لما يجي موضوع الخطوبه
رغم ان هذول الناس مدحوني وقالوا ياحظ من ياخذك ..
.
.
قبل شهر تقريبا حلمت كم حلم مثل اللي كنت احلمهم قبل ..
رجعت ارقي نفسي واقرى البقره والحمدلله ماعاد حلمت ..
ألحين ابي اعرف شلون الوحده تدري انها تشافت من العين او النفس
.
.
يابنات والله انا حسن ظني بالله كبير وانتظر الفرج من الله ومتفاائله مرره
بس مع كذا خاااايفه يروح عمري وانا ما ادري تشافيت او لا ..
وهل هو السبب بوقف نصيبي او لا ..
تصدقون اني الوحيده بعايلتنا اللي لسى ماتزوجت واللهي بس انا اللي باقيه من بنات عايلتنا
اصغر مني وكبري واكبر تزوجوا ..
.
.
أسألكم بالله قولوا لي وش اسوي وهل هالشيئ طبيعي ..!!
فيه بنات مثلي !!

والله يابنات مو اكبر همي الزواج رغم انه حلم كل بنت .. انا بكمل دراستي وبدور وظيفه يعني مو متوقفه ع الزواج
بس لازم كل بنت تتزوج والا محد رح يرحمهااا .. والستر ربي يحبه وابي استر نفسي ..
وانا الحمدلله مداوه على قيام الليل والدعاء والأستغفار ومتأكده ربي بيستجيب لي ألحين والا بعدين
.
.
الله يوفق كل وحده تدخل وترد علي وتطمن قلبي ,.
ويكفيني منكم دعوه بظهر الغيب ربي يفرج عني ويرزقني الزوج الصالح اللي يسعدني
.
.
طولت عليكم ادري بس شي بخاطري وحبيت افضفضه لكم
لاتحرموني آرآئكم ودعوآتكم
نوره ..

137

58K

هذا الموضوع مغلق.

ميكااااتو • 16 سنة

الله يرزقك الزوج الصالح التقي النقي الحنون الذى يعينك على امر دينك ودنياك يااارب

عاجلا غير آجل
واستمري بالرقيه والدعاااااااااء وقيام الليل وحسن الظن بالله وحاااولى ماتفكرين كثيييييييير نصيحه من مجرب

ترااا التفكيييير اكبر مرض

كفايه ياعذاب • 16 سنة

الله يرزقك يارب ويكتب لك مافيه الخير
بس حابه اقولك ان الزواج مو سعاده بالعكس فيه بنات يتمنو انهم في عمرك ويستمتعوا بحياتهم
انتي اللحين في احلى سن استمتعي وعيشي والزواج لاحقه عليه وعلى غثاه :mad: < متزوجه ومنغثه خخخ

عيشي حياتك وكثري من الدعاء والاستغفار والمكتوب بيصير ياعسل

أمووووره • 16 سنة

يالله يارب بهذه الساعه أنه يرزقك ويرزقني ويرزق كل بنت تتمنى الزواج عاجلا غير آجـــــــــــــــــل

ااااام الدلووووعه • 16 سنة

الكادي ليدي*** • 16 سنة

الله يرزقك الزوج الصالح التقي النقي الحنون الذى يعينك على امر دينك ودنياك يااارب

عاجلا غير آجل