الله يرزقك بالي تتمنين ويسعدك ويفرح قلبك ياعمري ويشفيك ويبعد عنك كل شر... بس بقولك شي 24 ولله ماهي كثير بالعكس توك في بداية العمر وتو احلوت الحياه ليش تكدرين على عمرك وتضيقين صدرك عيشي يومك وعيشي حياتك افرحي وانبسطي وفرفشي الحياه والسعاده ماهي مقتصره على الزواج بس وصدقيني ارمي هالهم ورى ظهرك وانسيه ماتدرين الا المعرس داق الباب باذن الله وتجين تبشرينا ......

الله يعين بس انتو صغار اجل انا ايش اقول
حبيبتي داومي علي الرقيه الله يشافيك ويرحمنا واياك برحمته
الواسعه انه جواد كريم

حبيبيتي


والله توك صغيره شقوول انا :44:

المهم انك ماذكرتي انك تستغفريين كثيري

الزمي الاستغفار وباذن ربي راااااااااااح تنفرج عليك

هلا يا نورة أنا أكبر منك بعشر سنوات وأكبر منك بيوم أعرف منك بسنة في البداية اسمحيلي أرد على البنات اللي الله يسامحهم يستخدمون أسلوب (عذرا للتعبير غبي ) في الإقناع أن الزواج هم وغثا والرجال فيهم أنتم وألا كلام الله سبحانه وتعالى (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ) الزواج سكن ورحمة وأميرات ما أستغنوا وقالوا عز أهلنا يغنينا عن فطرتنا أن نكون تحت جناح زواج يحن علينا ولا أستغنوا عن عاطفة الامومة واضح جدا من كلامي أني مو متزوجة
ما أبي أمدح بنفسي وأقول أني بين قوسين ما ينقصني شي يكفي أن أقول لك أن أجتمع اللي حولي من أقارب زميلات صديقات
معارف على رأي يكفي أنهم يقولون ياحظ اللي ياخذ فلانة غرييييييييييييبة ما تزوجت إذا أنت تفكرين بالوظيفة فأنا معلمة والحمدلله حكومية يعني ما شاء الله (أمانة تقولونها ) ورقة رابحة في مجتمعنا اللي الكل يبحث عن مدرسة
كنت في يوم في مثل عمرك ويمكن أصغر ومثل أي بنت تنتظر هذا اليوم بعد ما تخرجت من الجامعة وتوظفت لأن مبدأ الوالد لا للزواج مع الدراسة بدأت رحلة الإنتظار يوم ورى الثاني وأنا تتكر ر مع الأعراض اللي أنت تقولينها وما فيه أحد فكر مجرد تفكير فيني
وأستمريت على ها الحالة تدرين متى فكرت أكلم خطابة لما صار عمري 29 توقعت أن عندها العصا السحرية اللي بتجيب العريس جاوا حريم كم مرة وناس والله أقل منا في نواحي كثيرة ومع ذلك مافيه قبول قلنا البلى في الحريم يحبون يتشرطون خلي الخطبة من ناحية الرجال أحسن وتمت الملكة واللي تفركشت في فترة قصيرة صدقيني في كل هذي المحاولات كان عندي شك أن فيه شي مو طبيعي لكن أهلي كانوا يكذبوني ويقولون أني أتوهم استمرت بالرقية وقراءة سورة البقرة وقرأ علي شيخ
وكانت مشكلتي متشابكة من عين وسحر وإلى الآن وأنا أرقي نفسي ومحاولاتي مع الخطابة مستمرة وآخرها الأسبوع الماضي وصل موضوع الخطبة إلى الشوفة الشرعية وكان الرجال مبسوط وموافق وبعد يومين اتصل على الوالد واعتذر
آسفة أن أطلت عليكي لكن أنا كتبت قصتي للعبرة لاتهملين وضعك وتبدأين تضعين يدك على المشكلة في وقت متأخر مثل ماحصل معي وما أقولك عيشي عمرك في دوامة لا أنا الحمد لله عايشة حياتي لكن هذي مشكلة وتحتاج لحل ومواجهة وليس أهمال رزقنا الله بالأزواج الصالحين وجميع بنات المسلمين

الصراحه نفس حالتي خاصة غير مرئية العالم تخطب وتدور ويسألوني اذا اعرف عرايس ...(وانا ودي اقولهم واصرخ طيب انا هنا ) وانا نفس عمرك بس لاحظت اني كل ما ادخل المنتدى يزيد علي الضغط والتوتر والتفكير في الزواج لان كل مواضيعهم عن الزواج والله انا زيك بالضبط ماغير استقبل المدح والكلام بس على قولتك كانهم مايشوفوني .... ولذلك قررت ما ادخل المنتدى كثير ولا افكر بالزواج يعني باختصار انسى التفكير فيه واستغفر الله لي وللمسلمات وبالتوفيق للجميع......