كل بنت تبي الزواج تدخل وشوفو قصتي اللي وعدتكم فيها

السلام عليكم

كل عام وانت بخير

والله يبلغنا جميعا ليلة القدر يجعلنا من عتقائه بهذا الشهر الكريم


حبايبي انا لي فتره طويله انقطعت عن المنتدى ولمارجعت كنت منقطعه عن هذاالقسم


اللي جدجد شاركوني همومي وافراحي


وفي بنات كثير عزيزات على قلبي وخاصة اللي كنت معها في مجموعه

اخاف اعدد وانسى وحده وتزعل بس اكيد اللي يعرفون فتو بيدخلون



طبعا يابنات قصتي قصه طبعا في بنات متابعين لي ويعرفون سالفتي مع خطيبي السابق

المهم يابنات على نهاية العام الماضي صارت احداث وربي كادت تنهيني والحمدالله على كل حال

والله انااعترف وين كنت وكيف صرت الحمدالله


طبعا نهاية العام ووقبل الحج توفت جدتي الله يرحمها ويغمد روحها الجنه

وطبعا قبلها كنت منزله موضوع انه قلبي مقبوض وحاسه بيصير شي

وفعلا في نفس اليوم حلمت بجدتي وكيف راح تموت وسكت قلت اكيد كابوس

المهم بعدها بيومين وبعد موضوع هنا بيومين جاني خبر انه جدتي ماتقدر تمشي

وانا هنا انهبلت قالت لاختي جدتي بتموت اليوم وبعد كم ساعه المهم ماراح يجي الليل الا وهي ميته

وانا ابي اتوصل معي عمي عشان انبهه لو صار شي مايقول لابوي وسبحان الله الوقت اللي كنت بدق اقول لعمي

جاني اتصل من امي لانها كانت مع ابوي وتبكي تقولي جدتك ماتت:06:

انامن النوع اللي اكتم وش ماكان نوع الصدمه واختي تقول وش فيه واقولها

وانتظر ابوي الا وهو منهار لانه ماشافها وكان يبي يسافر يشوفها


المهم تخيلو اول صدمه هذي جدتي ابوي تعب وحتى ماقدرنا نسافر

وكل الحجوزات فل لان كان قبل الحج بيومين المهم دبرنا ولقينا احد يودينا لجده

عشان العزا وابوي نفسيته مره تعبانه

وخطيبي وقتها عرف ولا حتى عزا


المهم تخيلو رجعت من جده ونفسيتي دمار لان كنت اسمع كلام يغث من الحريم وانه اللي كبري عندهم 3عيال

واشياء كثيره تغث صارت

المهم رجعنا الا واحصل الصدمه الثانيه موضوعي تفركش :06:

وانا هنا خلاص اندمرت نفسيتي بمعنى الكلمه والله يابنات اقوم ابكي وانام وانا ابكي

وياليت انام كنت اخذ ادويه منومه من غير اهلي مايدورن

ولان اشتغل بالصيدليه اقدر اجيب الدواء ومافي احد يدري

غير صديقتي واختي طبعا اهلي كانو يهدوني وقالو خلاص باقرب وقت نطلع ناخذ عمره

يمكن نفسك تهدى وتتغير وكمان ابوي قال بهدي العمره لجدتك

والله يابنات اول مره مااعرف ادعي


صرت اصلي كل ماتضايقت وتذكرت وقعدت ابكي افرش سجادتي بعيد عن اهلي والكل واقعد ابكي

وكنت اقراء القران وخاصة سوره البقره وعند الايه رقم 152 (يأيها الذين ءامنوا استعينوا بالصبر والصلوة إن الله مع الصابرين)

تخنقني العبره اكثر وابكي بقوه

وكمان الايه رقم 185(وإذا سألك عبادي عني فإني قريب اجيب دعوة الداع إذا دعان فليستجيبوالي وليؤمنوا بي لعلهم يرشدون)

ابكي


المهم يابنات والله قعدت 3شهور على هالحاله واحياناانهار وصديقتي الله يسعدها ماقصرت والله كانت معي دايم

وكانت تقولي خلاص يافتو ربي بيعوضك هم اللي خسرانين اصلا ماراح يحصلون مثلك

جدجد كان لصديقتي دور كبير وكل اللي درو كانو يحاولو يدعموني

والله يابنات صرت لمااصلي احياناادعي انه ربي يرده وبعدين صرت ابكي

قلت يارب انا مااعرف وين الخير انت اختار اللي فيه الخير ورضني فيه

والله هذا كان داعي واناابكي واشهق

واحيانااقول يارب ماااعرف وش ادعي بس انت علام الغيوب وتعلم وين الخير لي فيارب رضني بما تكتب لي

واجعلني من الشاكرين


وكنت اكثر من قول اللهم اجرني في مصيبتي واخلفني خيرا منها

وكمان ان لله وان اليه راجعون

وكنت اتذكر قصة ام سلمه لما مات زوجها وراحت للرسول وقالها تقول الدعاء اللهم اجرني

وقالت بمامعنى الحديث ماافي اخير من ابو سلمه وبعدين جاها الرسول صلى الله عليه وسلم

مرت علي 3شهور كانها 3قرون وربي عوضني بخطيبي الحالي والحمدالله وجدجد ربي عوضني بالاحسن

صحيح مافي احد كامل بس والله يشوفني الدنيا كلها كمان خطيبي هذا اهله ماكانو موافقين:22:
لاسباب عرفتها طبعا الحريم اللي رافضين امه ووحده من خواته :hahaha:نفس خطيبي اللي قبل

حظي طايح مع اهل خطابي بس الحمدالله الحين خلاص رضو وحبوني بعد :hahaha:

وصارو يقولون لابنهم لاتزعلها

طبعا خطيبي الحالي تقريبا نفس وضعي المادي والاجتماعي يمكن انااعلى شوي بس مافي فرق

لكن خطيبي اللي قبل وضعه المادي والاجتماعي فرق عننا وهذا سبب رفض اهله وهو ماشاءالله

منصب بالدوله واهله كمان ماشاءالله بس والله ماهمني كل اللي كان عنده

وخطيبي الحالي والله نفس مواصفات خطيبي بس الفرق بالشكل والوضع المادي والاجتماعي

واصلا ماهمني وان شاءالله عرسي بيكون قريب


ادعولي ان الله يوفقني ويتمم لي على خير ولايغير علي

وتكفووووووووون قولو ماشاءالله


والله يابنات ماكنت متوقعه اني بعيش وكنت اقول لصديقتي بموت من كثر الحزن واشياء كثيره صارت

والله كل اللي يشوفوني مايعرفني تغيرت حتى لون بشرتي كنت بيضاء قطنه الحين اغمق عن لون بشرتي الاول بدرجه او درجتين البشره تعدمت وصحتي وشعري بس الحمدالله على كل حال الان بديت اهتم:22:

حتى خطيبي هذا بالبدايه كنت برفضه مو لشي بس كنت متعقده وقلت بقعد طول عمري كذا

وصديقتي واختي وامي قاعدو يقولون استخيري ويكلموني وخاصة امي كانت حابه خطيبي وتتمناه لوحده مننا


والحمدالله




طبعا ادري الموضوع طويل بس حبيت انزل لكم الموضوع

والحين بقولكم شي

انا هذيك الفتره شلت موضوع الزواج من راسي مره ولاحتى كنت افكر فيه

وحتى يوم اسمع وحده انخطبت اعرست ادعي لها بس والله مافكرت متى بفرح والبس فستان وهذا كله

كنت ماادعي بشي معين ولابعرس كنت ادعي بالخير وانه يرضيني فيه وبس

وكنت اقراء القران واستغفر وادعي واصلي كل ماتضايقت ولاحسيت بضيقه او ابي ابكي افرش سجادتي واطول بالسجود ادعي



نصيحه يابنات والله يوم كنت افكر متى اعرس تتعطل اموري او اي شي المهم

انسي موضوع الزواج لاتفكري ابد حتى لو سمعتي احد من قريباتك او اي تلميح ادعي لها بالخير

ولما تحسي بضيقه افرشي سجادتك وادعي واقري قران

كترو استغفار والصدقه لو بريال كنت انا اسويها احيانا اعطي فطور لعمالة النظافه او عامل النظافه بالمستشفى


ادري ممكن وحده تقولي صعب تنسي فكرة الزواج بس يمكن انا اللي خلاني انساه او ماافكر فيه الصدمه اللي جتني

طبعا يابنات والله انسي الموضوع ادعي بالخير دايم وربي يرضيك فيه وبتشوفون كيف

كنت زمان اقراء كلام البنات بس اقول لااااااا بدعي بشي معين بس اكتشفت

اني ادعي بالخير اشمل وافضل


والله والله اني مانسيتكم ودايم ادعي لكم بس ظروفي هي اللي ابعدتني عنكم

واعتذر لو كان كلامي مو مرتب ومخربط لاني اكتبه بتلقائيه

بنات اللي تستفيد تدعي لي

دعواتكم لي يابنات بإنه يسخر لي خطيبي ويهديه لي ويسر امور زواجنا ويبارك لي بالمهر




رجاااااااااااااااء خاص اللي ماتعرف ترد ولاعندها رد يغث توفره لنفسها وماله داعي تتعب اصابعها

ولاابي اساله شخصيه او خاصه وكيف وماكيف وتشكك


اللي حابه تسأل عن شي عادي وعام انا حاضره واي رد يغث ماراح ارد عليه

اول مره اكتب كذا بس لان انغثيت كثير واعدي ولا وبعضهم يجوني على الخاص وبصراحه طفشت


الموضوع واضح ومحدد لفئه معينه وبس