كيفكم ياحلوات
ان شاء الله اموركم بخير
امممممممممممم
موضوعي واضح من عنوانه
ابي البنوتات الحلوات الامورات المربرات << صلب الموضوع
اللي انخطبوا وتزوجوا
يجون هنا يعطونا شوية أمل
طبعا الامل بالله كبير والحمد الله
لكن نبي تجارب ,, نماذج ,, عشان نقراها و نعنش الامل بداخلنا من جديد
وامممممممممممممممم عندي سؤال ثاني مهم جدا جدا جدا
كيف كانت مواصفات زوجك
1_ اخلاقه ودينه
2_ وظيفته وحالته الماديه
3_ شكله الخارجي
<< ذابحني الزين 
لا تجي وحده تهاوشني تقول اهم شي الاخلاق والدين
والله اعرف اصلا مستحيل بقبل بواحد اخلاقه ماهيب زينه ولا مايصلي بس عشانه مزيون مستحيل
بس ان الله جميل يحب الجمال من حقي لا قابلته ليل مع نهار تكون على الاقل خشته تفتح النفس
يا حلوات اللي خلاني اكتب هالموضوع اني اشوف بعض الامهات الله يهديها اذا كان ولدها فيه عيب يعني اخلاقه مو ذاك الزود
ولا مايحافظ على صلاته
ولا وظيفته على قد حاله
المهم يعني اذا فيه شي تحس ان صعب تلقا له عروس بسهوله
تصير مايهم عندها مواصفات البنت مره
يعني عادي لو كانت مو جميله مره
او لو كانت مليانه
لكن لو كان ولدها جميل جمال ,, كامل الاوصاف سحرني << الكمال لله
تقوم تتشرط ودور له وحده Full-Option هههههههههههههههههه
لا اله الا الله سياره مو عروس
يابنات انا كتبت هالموضوع لاني مليانه شويه << اعترفي شوي ولا واجد :p
ههههههههههههههههههه
بس فيني اشياء ثانيه الحمد الله
يعني جميله اللهم لك الحمد جسمي وان كنت مليانه الا انه متناسق
متعلمه واشياء واجد اللهم لك الحمد نعم الله علي لا تحصى
_ماشاء الله تبارك الله _
بس لما اجي اتكلم في هالموضوع وشروط البنت في عريس المستقبل ما ادري ليه احس باحباط
و كانه مو من حقي يكون عندي شروط لاني مربربه << فديتني اهم شي الصحه
عشان كذا وبعض هالموضوع الطويل العريض اللي على الصبح
ابي البنوته الحلوه المربربه تجي تعنش الامل في قلبي
وتجاوبي بعد على اسئلتي اذا ماعندها مانع
بنوتات ترى انا والله مقتنعه بنصيبي والحمد الله مؤمنه تماما ان كل وحده ماراح تاخذ الا نصيبها بهالدنيا
بس هي مجرد غيض من فيض
واممممممممممممم تراني والله مو اكوله
والحمد الله نزلت وزني بعد بس الموضوع وراثه غير ان وزني ماينزل بسهووووووووووووووووووله ابدا يعني ربي كتب علي اكون مربربه شوي :44:
ومهما نحفت او خففت خلاااص الناس اخذت فكره من زمااان اني مليانه