رق المشاعر

هلا بك اختي وشاكره مرورك على موضوعي وياليت لو تعطينا افكار ولو كانت بسيطه بس تبين لنا كيف طريقتك في التوفير



كنت حلوه

هلا اختي ،، بما انك ماشاءالله عليك طول هالـ 15 سنه وانتي تشترين في هالماركات لك ولعيالك ،، حاولي هذي السنه ماتشترين شئ وتكتفين باللي عندك واللي اعرفه والكل يعرفه الماركات الغالية ماتروح موضتها بسرعه ،،
يعني حاولي انك تضغطين نفسك عشان هالشئ ،، وبعدين سوي مثل ماقالت * عسل * انك تحطين مصروفك الاسبوعي في ظرف وكل اسبوع تفتحينه وتخلصين اغراضك
والله الطريقه مره حلوه وان شاءالله اني بسويها ،، بعدين اختي لا تتساهلين في موضوع الصدقه ابداً حتى لو بمبلغ بسيط بس طلعي شئ عنك وعن زوجك واولادك ،، وبتشوفين الفايده كيف


ولنا عوده ان شاءالله ونكتب كل الاشياء اللي ممكن نستفيد منها ونوفر من خلالها

روز حياتي

شاكره مرورك يالغلا ،، والله يشفيك ويعافيك ان شاءالله من كل شر

والله ماشاءالله عليك تفكيرك حلو ،، ولو انه متأخر بس ياليت الأمهات ينتبهون شوي لأنفسهم وصرفهم والله الدنيا صارت نار وكل شئ اسعاره مرتفعه ،، يعني يالله يالله يكفينا الراتب نآكل منه ونعيش

لكن بالتفكير الصح ممكن اننا نوفر اشياء كثيره وكل شئ في بدايته صعب وبعدين بتتعودين عليه

الله يوفقك يارب ويوفقنا وجميع المسلمين

صح كلامك التاجرة الصغيره تفكيري متاخر بس الحمدلله الي انتبهت ونفضت عن نفسي .وبالعكس صرت ابقي مبلغ من راتبي لي انا وبيتي يعني عجبني شي بالسوق حبيت اغير شي في بيتي وادفع وانا ضميري مرتاح ....ولا تنسون الصدقه يابنات ترا رواتبنا تروح لاهلنا وهم ما عليهم صدقه وننسى المحتاجين ..اخوي طلعتله سياره وقعدت اسدده سنين وانا ياحسرتي ما ركبت سياره جديده واخرتها كنت عندهم بالعيد حتى على دجاجه ما عزمني . على باله ان مساعده الموظفه لاخوها حق واجب والله لو بانيتلي مسجد بالحبشه ولا السودان كان ربي باركلي براتبي ...بس يا موظفات لا تنسون امهاتكم حتى لو عندهم دخل انا استقطع مبلغ لامي شهري من الحساب لي اجمع فيه عشان ربي يباركلي وسلامتكم

روز حياتي


والله انك صادقه الأم ،، دايم منسية الله يتوب علينا ،، وتراهم يفرحون لو عطيناهم او ذكرناهم بأي شئ ،، الله يقدرني ان شاءالله واسعدها شهرياً باللي اقدر عليه ..

افكاركم مررررررره حلوه انا قرأت موضوع الاخت هنا وحسيت روحي استفدت كثير وترتبت اموري شوي جربوا يمكن تستفيدوا


http://forum.hawaaworld.com/showthread.php?t=1007389