كل تحاليلي سليمة ماعدا هالاف اس اتش قلب علي حياتي

السلام عليكم ورحمة الله وبركاته

شلونكم يا حوائيات ؟؟؟؟؟؟؟؟
والله انكم انتم اللي مونسيني ومسليني بحياتي
مالي غنى عنكم ابدا حتى لو مالقيت عندكم غايتي

المهم بنات
بفضفضلكم شوي عن حالتي لو ما افدتوني يكفي بس انكم تواسوني لو بدعوة صادقة
انا توني عروسة صارلي 9 اشهر
من تزوجت ودورتي ملخبطة تقريبا
كل ماتغيب افكره حمل واحلل يقولولي لا
المهم بعد 8 اشهر من الصولات والجولات والتجارب اللي نفذوها فيني الاطباء
اتفقوا كلهم على ان تحاليلي كلها سليمة ماعدا هرمون الاف اس اتش نسبته 25
وانا ماخليت شي ماسويته
واخر شي رحت لدكتور يقولوا شاطر مررررة بالاردن
صدمني صدمة عظيمة الله يسامحه
من اول ماكشف علي بالالترا ساوند قالي انتي عندك عجز مبكرررررر بالمبايض لازم تلحقي نفسك باي وسيلة قبل لا يخلصوا بويضاتك
تخيلوا يابنات لا سوالي تحليل ولا سالني عن اي شي وحتى لما رحت له مارحت الا بعد الدورة بثلاث اسابيع
يعني شلون بيكون عمل المبيض واضح عنده بغير وقت الدورة ؟؟؟
رجعت للفندق وانا على عيوني غمامة سودا ما اشوف بها طريقي الله يسامحه يارب
ولما رجعت لمستشفياتنا قالولي ماعليك منه انتظري كم شهر لما ينزل الهرمون ونشوف بعدين عمل المبيض عندك
وانا لحد الان اصارع هالهرمو اللعين اللي مو راضي ينزل
ادري ثقلت عليكك يابنات
بس والله من باب الضيقة ابي احد يواسيني
الله يفرجها علينا كلنا ويفرحنا بالحمل السليم بدون بهدلة وتعب
يارب