كل حرمه سنعه تجي

السلام عليكم ورحمة الله وبركاته صبحكم ومساكم الله برضاه ورحمته
اولا بطلب منكم يامشرفات ماتنقلونه عالاقل يوم والله يجزاكم خير
غالياتي انا عندي مشكله عدم الاستمرار في نظام معين اذكر زمان كنت استمر شهر الحين والله اسجل جداول للاهتمام ولا ابدأ فيها اصلا واذا ضغطت على نفسي يوم واحد فقط وبعدين اطنش المشكله هالشي مأثر على بيتي واطفالي مثلا انا مسويه جدول لتنظيف البيت مريح ومره في الشهر تنظيف عميق ولا استمريت عليه اصلا ما نفذته من الاساس بس فالحه كل شهر اجدد الجدول والعزيمه وفي النهايه ما اسوي شي اوقات اشك ان فيني جني كسول والله من جد يعني لما اكتب الجدول اكون متحمسه وامشي بنفذه تتثاقل خطواتي وارجع لسريري وانام بس هذا ما يعني اني ما انظف بيتي انا يوميا انظفه والاواني على طول اغسلها بعد كل طبخه واكنس البيت كامل وارتب ومستحيل انام وعندي عمل من اعمال المنزل ما خلصته بس ما ارتاح اقول يبي له تنظيف عميق
الشي الثاني اطفالي احس اني مهمله العنايه فيهم بناتي لهن سنين يطلبوني ادهن لهم شعورهم بزيت لانها بدت تخشن
واقول لهم حاظر بكره واذا جا بكره اقول بعد بكره وهكذا
ايضا تفريش اسنانهم ما يحبو هالعاده بالغصب يفرشو قبل النوم ومو يوميا كمان اوقات القاهم ناموا قبل يفرشوا اسنانهم ف انا ما اضغط عليهم ودي اتغير بس المصيبه اني ما استمر
عملت جدول للعنايه بالشعر استمريت 4 ايام وخلاص
جدول زيادة وزن ولا يوم
اشتريت حبوب للبشره ما استمريت ولا يوم اشوفهم اكش منهم ما لي نفس ابلعهم
تعبت من نفسي مع اني ماكنت كذا بس من نقلت مدينه ثانيه جاني انواع الكسل
تخيلو عندي بقعه صغيره في الجدار كل ما شفتها اقول بنظفها فيوم من الايام وابشركم سنه ما لمستها اصلا


ما ادري ايش مشكلتي يعني اهتمام من جهه واهمال من جهه بيتي مثل ماقلت يوميا انظفه بس مهما كان البيت يبي له تنظيف عميق وفرز شهريا
ما ادري اذا نقص فيتامين د يسوي كذا او عشان نفسيتي مو مرتاحه ولا انا فيني بلا ترى اشغل قرآن يجيني نشاط شوي بعدين يجي النوم