كل حفلة نفس السحنة.. ويش أسوي ياربي :(

انا معك الخميس عندي مناسبه ومتوهقه ماشاالله عليك تعرفين للظلال قوليلي بشكل مبسط

هلا و الله و غلااا ام عبودي حياتي ..

أختي أنا بساعدك حسب معرفتي ..
أنا لو عندي مناسبة إذا كانت كبيرة يكون المكياج ثقيل لها ..
فأستخدم أساس كريولان السوبرا و الفيترا كولور أدمجهم .. أو أستخدم السوبرا مع ديور ..و لو أبيه يكون برونز شوية أفتح الكونسيلر حقي أحط درجة فاتحة من ماركة أسمها نوموريك بروف عشان يصير تحت العين فاتح ..
البودرة حقتي ديفينورا أحطها مرات بالأسفنجة طبقة ثقيلة مرة .. و مرات بفرشة بلاشر تصير زي اللوز باودر ..
و تحت العين أحط بودرة بيضا بس شفافة قبل المكياج عشان الشدو المتناثر ..و أكثف منها ..عشان أقدر أنظف تحت العين بعدها ..
بعد ما أحط الكونسيلر أبتدي في العين أول شي تحت الحاجب أكون مشقرته و أحط عليه من الكحل الأبيض على حد الحاجب السفلي و أسوي خط على طوله بعدين أموه بأصبوعي ..عشان تغطية الشعر و ممكن تحطين هالخط قبل الكونسيلر و بعدين تحطين الكونسيلر فوقه بطريق الطبطبة ..
بعدها أحط الإضاءة تكون كومباكت مضغوظة عشان تغطي الشعيرات الصفرا المشقرة ..
و أسهل رسمة لك عشان لا تتوهقين وقتها هي السموكي ..فتاخذين قلم كحل أو شدو كريمي نفس لون الشدو المضغوط و لنفرض بنفسجي و تحطينه على منطقة الجفن المتحرك عشان يثبت الشدو المضغوط أكثر ..
و لو تبين أطرافه فوشيا تبدين تحطين الظل الفوشيا المضغوط فوق الالجفن المتحرك مباشرة على الجفن الثابت تحت الإضاءة البيضا ..
تجين تحطين الظل البنفسجي المضغوط على الكحل البنفسجي أو الشدو الكريمي البنفسجي الي سويتيه أول مرة بطريقة الطبطبة .. طبطبة .. لما تحسين أن المكان صار جاف من الشدو ماهو رطب أو فيه نوع دهنية <<<فهميها D:
بعدها تمسدين بالأسفنجة عشان يتساوى ..
الحين صار عندك ثلاث طبقات خط أبيض و خط فوشي و خط بنفسجي .. هنا تبرز مهارتك في المزج ..
لو أنتي مبتدأة أنصحك أنك تستخدمي أصبعك في المزج ..أفضل و أسهل لك ..
تمزجين بين الفوشيا و الأبيض بعدين بين الفوشيا و البنفسجي ..
تحت العين ترسمين خط بنفسجي و تكحلين عينك من جوا كحل أسود و ماسكرا ..
و تقدري تحطي دايموند باودر رشة على العين بيعطيها منظر جميل ..

هذا على السريع و إن شاء الله تفهمين شي تراني معرف أشرح ..و لو ما فهمتي تعالي أنا أصلح لك مكياج و تفتكين D:

.

.

.