حبيبتي انتي اللحين ندمانة على طلاقك ؟؟ يعني انتي كنت عايشة مع زوجك ؟؟ ولا عايشة بقهر وضيم ... احمدي ربك انك ارتحتي منه ومن ظلمه لك ... انسان مريض ما عليه اسف ..

اللحين في وضعك حاولي تتقربي لابوك واخوك وتحسني علاقتك فيهم .. يعني ابدأي معهم بالطيب وبالحسنى .. اقنعيهم انك تشتغلين ابحثي لك عن عمل لا تقعدين في البيت محبووسة بين اربع جدران حاولي تشغلين نفسك بالعمل .. قولي لهم انك محتاجه وودك تكونين نفسك وتوفرين مبلغ للمستقبل ولولدك ..
بعدين لما تطلعين وتغيرين جو بتختلف حياتك كثير وبتصيرين تشوفين العالم وتخالطينهم ..
ولما يصير شئ خلك قوووية لا تستهيني بنفسك ولما يكلمك اخوك ولا يرفع يده عليك هدديه انك بتشتكين عليه ؟
وانا استغرب من ابوك معقووولة يشك فيك ؟؟ يعني اللحين هو اللي رباك ويشك فيك عجل وش خل للغريب ؟
وزوجة ابوك صادقيها وتقربي لها عشان تطلعي وياها وتعاونيها بشغل البيت بس بدون ما تستغلك .. وحاولي تقعدي وياها وتشوفي وش في خاطرها عليك ..


يعني لا تشيلين في قلبك على اهلك مهما كان هذيلا عزوتك بالدنيا .. وما لك غيرهم .. واذا على الزواج الله بيعوضك ان شاء الله بالزوج الصالح .. وانتي شوفي العرسان انسب واحد لك استخيري اذا عجبك توكلي على الله بس لا تغصبين نفسك انك تتزوجين عشان تطلعين من المشاكل تدخلين في دوامة ثانية ويمكن تدخلين في مشاكل اعظم مع الزوج الجديد اذا ما كان مناسب لك وظروفه غير مناسبة .. والله يوفقك

الله يفرج همك وهم كل مكروب الله يعينك ويصبرك ويجعل اخر صبرك خير خلك مع ربك لافلان ولاعلان بيساعدك ورددي حسبي الله ونعم الوكيل الله ينصرك على من ظلمك ويعوضك بالانسان اللي احسن منه اخلاقا ودينا

ماتضيق ألا عند الفرج
الله يوسع لك أن شاء الله ويفرج لك.

والله حزنتيني حسبي الله على ابوك واخوك الله ييسر امورك ويزوجك ولد الحلال الي يعوضك مالك حل الا الزواج لكن مو اي احد

الله يرزقك الزوج الصالح
ادعي ربك واستغفري والله يكون معاك